އިޢުލާން

           މި އިދާރާއިން ޢާއްމުކޮށް އިޢުލާންކޮށްގެން ނުވަތަ ދަޢުވަތު ދީގެން ހުޅުވާލެވޭ ފުރުޞަތުތަކުގައި ބައިވެރިވެ އަންދާސީ ހިސާބު ހުށައެޅުއްވުމަށް ބޭނުންވެލައްވާ އިމާރާތްކުރުމާއި މަރާމާތުކުރުމުގެ މަސައްކަތްކޮށް އުޅޭ ކުންފުނިތަކާއި، ލޯކަލް އިންވެސްޓްމަންޓްތަކާއި ވަކިވަކި ފަރުދުންގެ ދަފްތަރެއް މިއިދާރާގައި އެކުލަވާލުމަށް ބޭނުންވެއެވެ.

           ވީމާ، މި ދަފުތަރުގައި ރަޖިސްޓްރީވުމަށް އެދޭ މިފަދަ މަސައްކަތްކޮށް އުޅޭ ކުންފުނިތަކާއި، ލޯކަލް އިންވެސްޓްމަންޓްތަކާއި ވަކިވަކި ފަރުދުން 2018 އޭޕްރިލް 15 ވާ އާދީއްތަ ދުވަހުގެ 14:00ގެ ކުރިން މިއިދާރާގައި ރަޖިސްޓްރީވުމަށް ފުރުޞަތު ހުޅުވާލަމެވެ.

           ރަޖިސްޓްރީވުމަށް އެދި ހުށައަޅާ ފޯމް މިއިދާރާގެ ކައުންޓަރުން ލިބެންހުންނާނެއެވެ. އަދި މިއިދާރާގެ ވެބްސައިޓް (shaviyani.gov.mv)އިން ޑައުންލޯޑްކުރެވެން ހުންނާނެއެވެ.

           ވީމާ، މިކަން ޢާއްމުކޮށް އެންގުމަށްޓަކައި އިޢުލާނުކުރީމެވެ.

                18 ރަޖަބު  1439