ޢިޢުލާން

ހިކިމިރުސް އުފެއްދުމުގެ ޕްރޮގްރާމަށް އެދި ހުށަހެޅުމުގެ ފުރުޞަތު

ސަރުކާރުން ކަނޑައަޅާފައިވާ "ކޮންމެ ރަށަކުން ދަނޑުވެރި އުފެއްދުމެއް ބާޒާރަށް ތަޢާރަފުކުރުން" މި ސިޔާސަތުގެ ދަށުން ހިކިމިރުސް އުފެއްދުމުގެ ޕްރޮގްރާމެއް ހިންގުމަށް ވަނީ ހަމަޖެހިފައެވެ. އެގޮތުން މި އަހަރުގެ ތެރޭގައި ރާއްޖޭގެ 1 ރަށެއްގައި މިރުސް ހިއްކައި ބަންދުކޮށް، މި މަސައްކަތް ފަށައިގަތުމަށް ބޭނުންވާ ތަކެތި ހޯދައިދިނުމަށް ވަނީ ހަމަޖެހިފައެވެ.

މި ޕްރޮގްރާމުގައި ބައިވެރިވުމަށް އެދި އަތޮޅު/ ރަށު ކައުންސިލުތަކުން، ކޯޕަރޭޓިވް ސޮސައިޓީތަކުން އަދި ޖަމުޢިއްޔާ ޖަމާޢަތްތަކުން މި މިނިސްޓްރީއަށް ފޯމު ހުށަހެޅުމުގެ ފުރުޞަތު ހުޅުވާލަމެވެ. މި ޕްރޮގްރާމް އެދި ހުށަހަޅާ ފަރާތްތަކުގެ ތެރެއިން ޕްރޮގްރާމު ހިންގުމުގައި އިސްކަން ދޭނީ ތިރީގައި މިދަންނަވާ ކަންތައްތަކަގެ މައްޗަށް އެކުލެވޭ އިވެލުއޭޝަނަކަށް ފަހުގައެވެ.

• މިރުސް ހިއްކުމަށްޓަކައި އަށިއެޅުމަށް ގާތްގަނޑަކަށް އެންމެ މަދުވެގެން 50×50 ބިމެއް އޮތުން. (ދުވާލުގެ ގިނަ ވަގުތު އިރުގެ އަލިކަން ލިބޭ ބިމަކަށްވުން)
• ރަށުގައި ދަނޑުވެރިކަން ކުރަމުންދާ މިންވަރު
• ރަށުން މިރުސް ލިބެންހުރި މިންވަރާއި ލިބޭނެ ކަމަށް އަންދާޒާކުރާ އެވްރެޖް އަގު
• ގާއިމުކޮށްދޭ ވަސީލަތްތައް ބޭނުންކޮށްގެން މި މަސައްކަތް ދެމެހެއްޓެނިވި ގޮތެއްގައި ކުރުމުގެ ޤާބިލުކަން ހުރި މިންވަރު
• މި މަސައްކަތުގެ ސަބަބުން ރަށުގައި ހަރަކާތްތެރިވާ ދަނޑުވެރިންނަށް ކުރާނެ ފައިދާ
• މާކެޓިންގް ޕްލޭން

ސުންގަޑި: މި ޕްރާގްރާމަށް ޝައުޤުވެރިކަން ހުރި ފަރާތްތަކުން "ހިކި މިރުސް އުފެއްދުމުގެ ޕްރޮގްރާމަށް އެދޭ ފޯމު" ފުރިހަމަކުރުމަށް ފަހު ހުށަހަޅުއްވާނީ 2016 މޭ 25 ގެ 14:00 ގެ ކުރިން ޕްރިންޓް ނުވަތަ ސޮފްޓްކޮޕީ ތިރީގައިވާ މި މިނިސްޓްރީގެ އެޑްރެހަށެވެ.

މިނިސްޓްރީ އޮފް ފިޝަރީޒް އެންޑް އެގްރިކަލްޗަރ

ވެލާނާގެ ، އަމީރު އަހުމަދު މަގު، 7 ވަނަ ފަންގިފިލާ، މާލެ، ދިވެހިރާއްޖެ

ފޯން: 3322625 (960) ފެކްސް: 3326558 (960)

އީމެއިލް:  [email protected]

އިތުރު މަޢުލޫމާތު:

އިތުރު މަޢުލޫމާތު ހޯއްދެވުމަށް މި މިނިސްޓްރީގެ ނަމްބަރ 3339219 ، 3339216 އަށް ރަސްމީ ގަޑީގައި ގުޅުއްވުން އެދެމެވެ.

" ހިކިމިރުސް އުފެއްދުމުގެ ޕްރޮގްރާމްއަށް އެދޭ ފޯމް" މިނިސްޓްރީގެ ވެބްސައިޓް www.fishagri.gov.mv އަދި މިނިސްޓްރީގެ ކައުންޓަރުން ލިބިވަޑައިގަންނަވާނެވެ.