ވަޒީފާގެ ފުރުޞަތު

އެއަރޕޯޓްތައް ތަރައްޤީކޮށް ހިންގުމުގައި ރާއްޖޭގައި އެންމެ ޤާބިލު އަދި ތަޖުރިބާހުރި މިކުންފުނީގެ ވަޒީފާ އަދާކުރާހިތްވާ، ކަމަށް ޤާބިލު އުފެެއްދުންތެރި ހީވާގި އަދި ނަތީޖާ ހާސިލުކުރެވޭނެ ފަރާތްތަކަށް ތިރީގައި ބަޔާންކުރާ މަޤާމުތަކަށް ކުރިމަތިލުމުގެ ފުރުޞަތު ހުޅުވާލަމެވެ.

މަޤާމު: ޓޫލް ކީޕަރ

ބޭނުންވާ އަދަދު: 01  

މަސައްކަތް ކުރަންޖެހޭ ތަން: އިބްރާހީމް ނާޞުިއިންޓަނޭޝަނަލް އެއަރޕޯރޓް ( ހުޅުލެ )/ އޮޓޯމޯބައިލް ސަޕޯޓް ސަރވިސަސް

ޝަރުޠު:

• އޯލެވެލް 2 މާއްދާއިން "ސީ" ފާސް ނުވަތަ އެއަށްވުރެ މަތިން ފާސްވެފައިވުން.
• އެސް.އެސް.ސީ ދިވެހިން "ސީ" ފާސް ނުވަތަ އެއަށްވުރެ މަތިން ފާސްވެފައިވުން.
• ކޮމްޕިއުޓަރުން ފަރިތަކަމާއެކު މަސައްކަތްކުރަން އެނގުން.
• އުމުރު: 18- 25 އަހަރާއި ދެމެދު.

މުސާރަ އާއި އިނާޔަތްތައް: މަހަކު -/9،000 އާއި -/10،000 ރުފިޔާއާ ދެމެދު.

ވަޒީފާ ގައި ކުރަންޖެހޭ މައިގަނޑު މަސައްކަތް:

• ޓޫލް ރޫމްގައި ބެހެއްޓިފައިވާ ޓޫލްތަކާއި އެހެނިހެން ތަކެތި ތަރުތީބުކޮށް ބެހެއްޓުން.
• ޓޫލް އިންވެންޓްރީ ބަލަހައްޓައި، މުހިއްމު މަޢުލޫމާތު ފަސޭހައިން ލިބޭނޭހެން ފައިލްކޮށް ބެލެހެއްޓުން.
• ތެޔޮ، ކޫލަންޓް އަދި ބޮލްޓްއާއި ނަޓް ފަދަ ތަކެތީގެ އެންމެ ފަހުގެ ސްޓޮކް އަދަދުތައް ބަލަހައްޓައި، އެތަކެތީން އެންމެ މަދުވެގެން ހުންނަންވާވަރަށް ސްޓޮކް ބެހެއްޓުން.
• ކަނޑައެޅިފައިވާ ވަގުތުތަކުގައި ޓޫލްރޫމް ހުޅުވައި، އެ ޓޫލްރޫމް ބޭނުންކުރާ ފަރާތްކަށް އެހީތެރިކަން ފޯރުކޮށްދިނުމާއި، އެތަނުގެ ސާފުތާހިރުކަން ބެލެހެއްޓުން.

މަޤާމު: އެސިސްޓެންޓް ޓެކްނިކަލް އޮފިސަރ

ބޭނުންވާ އަދަދު: 01  

މަސައްކަތް ކުރަންޖެހޭ ތަން: އިބްރާހީމް ނާޞިރު އިންޓަނޭޝަނަލް އެއަރޕޯރޓް (ހުޅުލެ) / އޮޓޯމޯބައިލް މެއިންޓަނަންސް ސަރވިސަސް

ޝަރުޠު:

• އޯލެވެލް 2 މާއްދާއިން "ސީ" ފާސް ނުވަތަ އެއަށްވުރެ މަތިން ފާސްވެފައިވުން.
• އެސް.އެސް.ސީ ދިވެހިން "ސީ" ފާސް ނުވަތަ އެއަށްވުރެ މަތިން ފާސްވެފައިވުން.
• ކޮމްޕިއުޓަރުން ފަރިތަކަމާއެކު މަސައްކަތްކުރަން އެނގުން.
• އުމުރު: 18- 25 އަހަރާ ދެމެދު.

މުސާރަ އާއި އިނާޔަތްތަކަށް : މަހަކު -/10،000 އާއި -/11،000 ރުފިޔާއާ ދެމެދު.

ވަޒީފާގައި ކުރަންޖެހޭ މައިގަނޑު މަސައްކަތްތައް:

މަޤާމު: އެސިސްޓެންޓް އޮފިސަރ، ފެސިލިޓޭޝަން އެންޑް ސްޓޭންޑަރޑްސް

ބޭނުންވާ އަދަދު: 02  

މަސައްކަތް ކުރަންޖެހޭ ތަން: އިބްރާހީމް ނާސިރު އިންޓަނޭޝަނަލް އެއަރޕޯރޓް ( ހުޅުލެ )/ ޓަރމިނަލް ސަރވިސަސް

ޝަރުޠު:

• އޯލެވެލް އިނގިރޭސި ހިމަނައިގެން 3 މާއްދާއިން "ސީ" ފާސް ނުވަތަ އެއަށްވުރެ މަތިން ފާސްވެފައިވުން.
• އެސް.އެސް.ސީ ދިވެހިން "ސީ" ފާސް ނުވަތަ އެއަށްވުރެ މަތިން ފާސްވެފައިވުން.
• ކޮމްޕިއުޓަރުން ފަރިތަކަމާއެކު މަސައްކަތްކުރަން އެނގުން.
• އުމުރު: 18 -25 އަހަރާ ދެމެދު.

މުސާރަ އާއި އިނާޔަތްތައް: މަހަކު -/10,000 އާއި -/11،000 ރުފިޔާ އާ ދެމެދު.

ވަޒީފާ ގައި ކުރަންޖެހޭ މައިގަނޑު މަސައްކަތް:

• އެޖެންސީތަކުން ދޭ ސަރވޭ ޝެޑިއުލްތަކާއި އެއްގޮތަށް މަސައްކަތުގެ ޝެޑިއުލް ތައްޔާރުކުރުން.
• ދެވޭ ޙިދުމަތުގެ ފެންވަރު ރަނގަޅުކުރުމަށްޓަކައި ސެކްޝަންތަކާއި އަަދި އޭޖެންސީތަކާއެކު ގަވާއިދުން ބޭއްވޭ ބައްދަލުވުންތައް ރޭވުމަށް އެހީތެރިވުން.
• އިންޓަރވިއުކުރާ ފަރާތެއްގެ ހައިސީއްޔަތުން ކޮންޑަކްޓް އަދި ސަރވޭ ރިކުއަރމަންޓާއި އެއްގޮތަށް ފީލްޑްވޯރކް ފުރިހަމަކުރުން.
• ކަނޑައެޅިފައިވާ އުސޫލުތަކާ އެއްގޮތަށް މަހުން މަހަށް، އަދި ތިންމަހުން ތިންމަހަށް ތައްޔާރުކުރަންޖެހޭ ރިޕޯޓުތައް ތައްޔާރުކުރުމުގައި އެހީތެރިވެ، އޭ.އެސް.ކިއު ކޯޑިނޭޓަރަށް ޙަވާލުކުރުން.
• ވޯރކްފީލްޑް އިންޓަރވިއުކުރުމަށް ކަނޑައެޅިފައިވާ ސްޓާފުންނަށް ބްރީފިންގ ދިނުމާއި، ތަމްރީންކުރުމުގައި އެހީތެރިވުން.
• އެއްކުރެވޭ ޑޭޓާ ޞައްޙަތޯ ބެލުމަށްފަހު، މި ޑޭޓާ ބޭނުންކުރާ ސޮފްޓްވެއަރއަށް އެޅުމާއި، ބޭނުންކުރާ އެންމެހައި ލިޔެކިޔުންތައް ރަނގަޅަށް ބަލަހައްޓައި، އަޕްޑޭޓްކޮށް އަދި ޕްރޮސެސްކުރުން.
• ހަފުތާއަކު އެއްފަހަރު ޑޭޓާބޭސް އަޕްޑޭޓްކުރުން

މަޤާމު: އެސިސްޓަންޓް ޕްރޮކިޔުމެންޓް އޮފިސަރ

ބޭނުންވާ އަދަދު: 01

މަސައްކަތް ކުރަންޖެހޭ ތަން: އިބްރާހީމް ނާޞިރު އިންޓަނޭޝަނަލް އެއަރޕޯރޓް ( ހުޅުލެ ) / ޕްރޮކިއުމަންޓް އެންޑް ސްޓޯސް.  

ޝަރުޠު:

• ޖީ.ސީ.އީ އޭ ލެވެލް ހަދާފައިވުމާއެކު އިންގްލިޝް މި މާއްދާއިން "ސީ" ގްރޭޑް އިން މަތީ ފެންވަރަކަށް ފާސްވެފައިވުން
• އެސް.އެސް.ސީ ދިވެހިން ދަށްވެގެން 'ސީ' ފާސް ލިބިފައިވުން.
• ޕްރޮކިއުމަންޓް އަދި ޓެންޑަރގެ ދާއިރާއިން މަދުވެގެން 1 އަހަރުދުވަހުގެ ތަޖުރިބާ ލިބިފައިވާ ފަރާތަތަކަށް އިސްކަން ދެވޭނެއެވެ.
• އުމުރުން 20 - 30 އަހަރާ ދެމެދުގެ ފަރާތަކަށްވުން.

މުސާރައާއި އިނާޔަތްތަކަށް : -/10،000ރ އާއި -/11،000ރ އާ ދެމެދު.

ވަޒީފާ ގައި ކުރަންޖެހޭ މައިގަނޑު މަސައްކަތްތައް:

• އަންދާސީހިސާބާ ބެހޭ އެންމެހާ ލިޔެކިޔުންތައް ތައްޔާރުކޮށް ސަރުކާރުގެ ގެޒެޓް އަށް ފޮނުވުން. އަދި ދުވަހު ނޫސްތަކުގައި ޖަހަން ޖެހޭ އެއްޗެއް ނަމަ އެފަރާތްތަކަށް ފޮނުވުން.
• ކޮންޓްރެކްޓް ޑްރާފްޓްކުރުމަށް ފަހު، ލީގަލް އަށް ފޮނުވައިގެން އެ ކޮންޓްރެކްޓް ޗެކްކުރުން.
• އަންދާސީހިސާބާ ބެހޭ ޖަލްސާތައް ރާވާ ހިންގުން.
• އަންދާސީހިސާބާ ބެހޭ ގޮތުން ނިންމަންޖެހޭ އެންމެހާ ނިންމުންތައް ނިންމައި، ހޮވޭ ފަރާތަށް އެކަން އެންގުން.
• މުދާ ގަންނަން ޕަރޗޭސް އޯޑަރ ތައްޔާރުކުރަންޖެހިއްޖެ ހާލަތެއްގައި އެކަންކަން ކުރުން.

ހުށަހަޅަންޖެހޭ ލިޔުންތައް:

• ސީވީ އާއި ތަޢުލީމީ ސެޓްފިކެޓްތަކުގެ ކޮޕީ
• ސްކޫލް ލީވިންގ ސެޓްފިކެޓް ކޮޕީ
• ދިވެހި ރައްޔިތެއްކަން އަންގައިދޭ ކާޑު ކޮޕީ  
• ކުރިން އަދާކޮށްފައިވާ ވަޒީފާތަކާއި ގުޅޭ ލިޔެކިޔުންތަކުގެ ކޮޕީ
• 3 މަސް ދުވަސް ހަމަނުވާ ޕޮލިސް ރިޕޯޓު

ނޯޓް: ކޮންމެ މަޤާމަކަށްވެސް އެދެންވާނީ ވަކިސިޓީއަކުންނެވެ. އަދި ސިޓީއާއެކު ކަމާބެހޭ ލިޔުންތައް ހުށައަޅަންވާނެއެވެ.

ކުރިމަތިލުމުގެ ސުންގަޑި: 13 ޖުލައި 2015ގެ 16:00

ވަޒީފާއަށް އެދޭ ސިޓީ އެޑްރެސް ކުރައްވާނީ:

ޖެނަރަލް މެނޭޖަރ، ހިއުމަން ރިސޯސަސް

މޯލްޑިވްސް އެއަރޕޯޓްސް ކޮމްޕެނީ ލިމިޓެޑް

ކޯރޕަރޭޓް އޮފީސް، ހުޅުލެ، ދިވެހިރާއްޖެ

އިތުރު މަޢުލޫމާތު : ފޯނު – 3325511 

މި މަޤާމަށް އެދި ހުށަހަޅާ ފަރާތްތަކުގެ ތެރެއިން ޝަރުޠު ހަމަނުވާ ފަރާތްތަކާއި، ލިޔުންތަކުގެ ކޮޕީ ނެތް ފަރާތްތަކުގެ ސިޓީ އަދި ފޯމު ބަލައި ނުގަނެވޭނެ ވާހަކަ ދަންނަވަމެވެ.

19 ރަމަޟާން 1436 ހ