ދިވެހިރާއްޖެ
ސިވިލް ސަރވިސް ކޮމިޝަނުގެ އިދާރާއަށް ކޮންސަލްޓެންޓަކު ހޯދުން
މިހާރު ޢަމަލުކުރަމުންދާ ސިވިލް ސަރވިސްގެ މުސާރައިގެ އޮނިގަނޑަށް ޢަމަލުކުރަން ފެށި ފަހުން 5 އަހަރަށްވުރެ ގިނަ ދުވަސް ވެފައިވުމާއެކު، ސިވިލް ސަރވިސްގެ މުވައްޒަފުންގެ މުސާރައާއި ޢިނާޔަތްތަކުގެ ހާލަތު ދެނެގަނެވި، ގެންނަންޖެހޭ ބަދަލުތައް ފާހަގަކޮށް، ދިރާސާ ރިޕޯޓެއް ތައްޔާރު ކުރުމަށް ކޮންސަލަންޓަކު ބޭނުންވެއެވެ.
ބޭނުންވާ އަދަދު: 01
އުޖޫރަ (މަހަކަށް): -/25,000 (ފަންސަވީސްހާސް ރުފިޔާ)
މަސައްކަތުގެ ވަގުތު: ކޮންސަލްޓެންޓަކަށް ހޮވޭ ފަރާތާއި ސިވިލް ސަރވިސް ކޮމިޝަނާ އެއްބަސްވެވޭ ސުންގަޑިތަކަށް ހަވާލުކުރެވޭ މަސައްކަތް ނިންމުން
މުއްދަތު: 3 މަސްދުވަސް (ނުވަތަ މަސައްކަތް ނިމެންދެން)
ފެންވަރު ނުވަތަ ޝަރުތު:
- މަސައްކަތާ ގުޅޭ ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 9 ގެ ސަނަދެއް ހާސިލުކޮށްފައިވުން.
- މަސައްކަތުގެ ދާއިރާގައި 3 އަހަރުދުވަހުގެ މަސައްކަތުގެ ތަޖުރިބާ ލިބިފައިވުން.
ކުރަންޖެހޭ މަސައްކަތާ ބެހޭ މަޢުލޫމާތު:
ސިވިލް ސަރވިސްގެ މުވައްޒަފުންގެ މުސާރައާއި ޢިނާޔަތްތަކުގެ ހާލަތު ދެނެގަނެ، ގެންނަންޖެހޭ ބަދަލުތައް ގެނައުމަށްޓަކައި ކުރާ ދިރާސާގައި ތިރީގައި ފާހަގަ ކުރާ ކަންތައްތައްވެސް ހިމަނަންވާނެއެވެ.
|
މަސައްކަތް |
އިތުރު ތަފުސީލު |
|
ސިވިލް ސަރވިސްގެ މުސާރައިގެ އޮނިގަނޑުގެ ދިރާސާކުރުން |
|
|
އެލަވަންސް ތަކާއި އެހެނިހެން ބެނެފިޓްސްތައް ދިރާސާ ކުރުން |
|
|
މުސާރައިގެ އޮނިގަނޑަށް ހުށަހަޅާ ބަދަލު |
|
|
މަތީގައި ފާހަގަކޮށްފައިވާ ކަންތައްތަކަށް ބަލައި ރިޕޯޓު ހުށަހެޅުން |
|
މި މަސައްކަތްކުރާނޭ ފަރާތެއް ހޮވުން:
މަތީގައިވާ މަޢުލޫމާތުތަކުގެ މައްޗަށް ރިޢާޔަތްކޮށް، މި މަސައްކަތް ކުރުމަށް ޙަވާލުކުރާ ފަރާތެއް ހޮވާނީ، މި މަސައްކަތްކޮށްދިނުމަށް ހުށަހަޅާ ފަރާތްތަކާއެކު ކުރެވޭ އިންޓަރވިއުތަކާއި ޤާބިލުކަން ވަޒަންކުރުމަށް ކުރެވޭ އެސެސްމަންޓްތަކުގެ ނަތީޖާއަށް ބަލައިގެންނެވެ. މި ގޮތުން މީހަކު ހޮވުމުގައި ތިރީގައިވާ ކަންތައްތަކަށް ބެލޭނެއެވެ.
- ތަޢުލީމީ ފެންވަރު - %30
- މަސައްކަތުގެ ތަޖުރިބާ - %20
- ގާބިލްކަން ހުރި މިންވަރު (އިންޓަރވިއު/ ޕްރެޒެންޓޭޝަން/ ޕްރެކްޓިކަލްސް) - %50
ނޯޓް: ދިރާސާކުރުމުގެ ޤާބިލުކަމާއި މިފަދަ މަސައްކަތް ކުރުމުގެ ތަޖުރިބާ ހުރި ފަރާތްތަކަށް އިސްކަން ދެވޭނެއެވެ.
މި ކަމަށް އެދޭ މަތީގައި ބަޔާންކޮށްފައިވާ ޝަރުޠު ފުރިހަމަވާ ފަރާތްތަކުން 2015 ޖޫން 09 ވާ އަންގާރަ ދުވަހުގެ 14:00 ގެ ކުރިން މި މަސައްކަތް ކުރުމަށް ޝައުޤުވެރިވާކަން ހާމަކޮށް، އެކަމަށް އެދި ސިޓީއަކުން ހުށަހަޅަންވާނެއެވެ. އަދި ސިޓީއާ އެކު ވަނަވަރާއި ތަޢުލީމީ ސެޓްފިކެޓްތަކުގެ ކޮޕީއާއެކު މި ކޮމިޝަނަށް (ހ. ވެލާނާގެ، 12 ވަނަ ފަންގިފިލާ) ހުށަހެޅުއްވުން އެދެމެވެ.
2 ޝަޢުބާން 1436
