މި ސްކޫލުގައި ހިންގަމުންދާ އާރލީ އިންޓަރވެންޝަން ސެންޓަރަށް ދަރިވަރުން ވެއްދުމުގެ ފުރުޞަތު ހުޅުވާލަމެވެ. އަދި ދަރިވަރުން ވެއްދުމުގައި ޝަރުޠުތަކުގެ ގޮތުގައި ބެލެވޭ ކަންތައްތައް ތިރީގައި މިވަނީއެވެ.

• 3 އަހަރާއި 5 އަހަރާ ދެމެދުގެ ކުދިން ކަމުގައިވުން.
• އޯޓިޒަމްއަށް ޑައިގްނޯސިސް ކުރެވިފައިވާ ކުއްޖެއްކަމުގައިވުން.
• ޑައުންސިންޑްރޯމްއަށް ޑައިގްނޯސިސް ކުރެވިފައިވާ ކުއްޖެއްކަމުގައިވުން.
• އޯޓިޒަމްއަށް ޑައިގްނޯސިސްކުރެވިފައިވާކަމުގެ ކްލިނިކަލް ސައިކޮލޮޖިސްޓެއްގެ ރަސްމީލިޔުން.
• ޑައުންސިންޑްރޯމަށް ޑައިގްނޯސިސްކުރެވިފައިވާކަމުގެ ކްލިނިކަލް ސައިކޮލޮޖިސްޓެއްގެ ރަސްމީލިޔުން.
• ޕްރީ ސްކޫލެއްގައި ތަޢުލީމު ހާސިލުކުރަމުންދާ ދަރިވަރަކަށްވުން.
• އުފަންދުވަހުގެ ސްޓެފިކެޓް ނުވަތަ އައި.ޑީ.ކާޑުގެ ކޮޕީ
• ގްރޯތް ކާޑު/ ވެކްސިން ކާޑުގެ ކޮޕީ.

ނޯޓް: * ދަރިވަރުން ހޮވުމުގައި އިސްކަންދެވޭނީ މަތީގައިވާ ޝަރުޠުތައް ހަމަވުމާއެކު ދަރިވަރުގެ ހުރި ނުކުޅެދުންތެރިކަމުގެ ދަރަޖައާއި ޙާލަތު އަދި ޤާބިލުކަމަށް ބަލައިގެންނެވެ.

ވީމާ، މިކަމަށް އެދިވަޑައިގަންނަވާ ބެލެނިވެރިން މިކަމަށް ޚާއްޞަކުރެވިފައިވާ ފޯމު ފުރުމަށްފަހު 06 އެޕްރީލް 2015 ވާ ހޯމަ ދުވަހުގެ 13:00 ގެ ކުރިން ސްކޫލަށް ހުށަހެޅުއްވުން އެދެމެވެ. މިފޯމު ލިބިވަޑައިގަންނަވަނީ ސްކޫލް އޮފީހުންނެވެ. މިކަމާގުޅޭގޮތުން އިތުރު މަޢުލޫމާތު ސާފުކުރަން ބޭނުންފުޅުވާނަމަ މި ސްކޫލުގެ ފޯނު ނަންބަރު: 3315759 އާ ގުޅުއްވުން އެދެމެވެ.