ގްރާންޓްގެ ނަން:

ށ.އަތޮޅުގެ ޖަމިއްޔާތަކުން ރާވާ އިޖްތިމާޢީ ތަރައްޤީގެ ޕްރޮގްރާމްތަކަށް މާލީ އެހީ ދިނުން

އެހީގެ ފައިސާދެވޭ މިންވަރު: 

ޕްރޮޕޯސަލް ހުށައަޅާ ޖަމިއްޔާތަކުގެ ތެރެއިން އަތޮޅުން ހޮވާލެވޭ އެންމެ ރަނގަޅު ޕްރޮޕޯސަލް ހުށައަޅާ 3 ޖަމިއްޔާއަކަށް ކޮންމެ ޖަމްއިއްޔާއަކަށް 75,000/- (ހަތްދިހަ ފަސް ހާސް) ރުފިޔާއެވެ.

 ސުންގަޑި:

 2023 އޮކްޓޯބަރ 12ވާ ބުރާސްފަތި ދުވަހުގެ 14:00ގެ ނިޔަލަށް

ޕްރޮޕޯސަލް ހުށަހަޅަންޖެހޭ ގޮތް:

 ޕްރޮޕޯސަލްތައް ހުށައެޅުމަށް މިކައުންސިލްގެ [email protected]  މެއިލްއަށް ޕްރޮޕޯސަލްއާއި ޕްރޮޕޯސަލްއާއި ގުޅޭ ލިޔެކިޔުންތައް ހުށައަޅަންވާނެއެވެ.

ނޯޓް: ޕްރޮޕޯސަލް އީމެއިލް މެދުވެރިކޮށް ހުށަހެޅުމުން މެއިލް ލިބުނު ކަމަށް ރަސްމީ 1 ދުވަސްތެރޭގައި ޖަވާބު ނުލިބޭނަމަ 6540471 /6540472 އަށް ގުޅުއްވާ ޕްރޮޕޯސަލް ލިބުނުކަން ކަށަވަރުކުރަންވާނެއެވެ.

 ޕްރޮޕޯސަލްއާއިއެކު ހުށަހަޅަންޖެހޭ ތަކެތި:

1.  ޖަމްޢިއްޔާގެ ރަޖިސްޓަރީގެ ކޮޕީ
2. ޖަމްޢިއްޔާގެ ފާއިތުވި 1 އަހަރުގެ އަހަރީ ރިޕޯޓުގެ ކޮޕީ
3. ޖަމްޢިއްޔާގެ ފާއިތުވި އަހަރުގެ އަހަރީ ރިޕޯޓް މިނިސްޓްރީއަށް ބަލައިގެންފައިވާކަމުގެ ލިޔުން
4. ހިންގުމަށް ހުށައަޅާ ޕްރޮގްރާމްއަކީ ޖަމިއްޔާ ނިސްބަތްވާ ރަށު ކައުންސިލުން އެންޑޯސްކުރާ ޕްރޮގްރާމެއްކަން ބަޔާންކޮށްފައިވާ ރަށު ކައުންސިލްގެ ލިޔުން
5. ޕްރޮގްރާމްގެ ޚަރަދުގެ ޖަމިއްޔާއިން ހިއްސާވާނަމަ ފާއިތުވި މަހުގެ (އޮގަސްޓް 2023)ގެ ބޭންކް ސްޓޭޓްމަންޓް
6. އެހެންފަރާތްތަކުން ޕްރޮގްރާމް ހިންގުމުގައިއާއި ޚަރަދުތަކުގައި ހިއްސާވާނަމަ އެކަން ބަޔާންކުރާ އެފަރާތްތަކުގެ ލިޔުން
7. ޕްރޮގްރާމްގެ އެކިއެކި ކަންތައްތަކާ ހަވާލުވާ ފަރާތްތައް ކަމުގައި ޕްރޮޕޯޒަލްގައި ހިމަނާފައިވާ ފަރާތްތަކުގެ އައި.ޑީ.ކާޑު ކޮޕީ
8. މަޝްރޫޢާއި ގުޅޭ އެހެނިހެން ލިޔެކިޔުން

• ޕްރޮޕޯސަލްއާއިއެކު ހުށައަޅަންޖެހޭ މައިގަނޑު ލިޔެކިޔުންތައް ފުރިހަމަ ނުވާނަމަ ޕްރޮޕޯސަލް ބަލައިނުގަތުމާއި ޕްރޮޕޯސަލް ބާޠިލުކުރުމުގެ އިޙްތިޔާރު މިކައުންސިލަށް ލިބިގެންވެއެވެ.