މަޤާމް:

އެޑްމިނިސްޓްރޭޓިވް އޮފިސަރ 

މަޤާމުގެ ރޭންކް:

GS 4

މަޤާމުގެ ކްލެސިފިކޭޝަން:

އޮފިސަރ ގްރޭޑް 2

މަޤާމުގެ ގިންތި:

ދާއިމީ

މަޤާމުގެ ނަންބަރު:

243400، 243398

ބޭނުންވާ އަދަދު:

2 (ދޭއް)

ވަޒީފާ އަދާކުރަންޖެހޭ ތަނާއި ރަށް:

ޣާޒީ ސްކޫލް، ހުޅުމާލެ

ވަޒީފާ އަދާކުރަންޖެހޭ ސެކްޝަން:

އެޑްމިން ސެކްޝަން

މުސާރަ:

މަހަކު -/5،020 ރުފިޔާ

ސަރވިސް އެލަވަންސް:

މަހަކު -/1،500 ރުފިޔާ

އިތުރުގަޑީގެ ފައިސާ:

މަގާމުގެ މައިގަނޑު މަސްއޫލިއްޔަތު:

• ސްކޫލަށް ލިބޭ ބިލުތައް ޖޫރިމަނާ ނުވާގޮތަށް ފިނޭންސް ސެޕް މެދުވެރިކޮށް ފައިސާ ދައްކަންޖެހޭ ބިލުތަކަށް ފައިސާ ދެއްކުމުގެ މަސައްކަތް ކުރުން.
• ސްކޫލުގެ މުވައްޒަފުންގެ މުސާރައާ ގުޅުންހުރި މަސައްކަތްތައް ކުރުން.
• ފިނޭންސް ސެޕް މެދުވެރިކޮށް ޕޭރޯލް (މުސާރައިގެ މަސައްކަތް) މަސައްކަތް ކުރުން.
• ޖެހިގެން އަންނަ އަހަރުގެ ބަޖެޓް ތައްޔާރުކުރުން.
• ބަޖެޓާ ގުޅުންހުރި ރިޕޯޓްތައް ހެދުން.
• މިނިސްޓްރީއަށް ފޮނުވަންޖެހޭ ބަޖެޓް ރިޕޯޓްތަކާއި، އެހެނިހެން ލިޔެކިޔުންތައް ފޮނުވުމުގެ މަސައްކަތް ކުރުން.
• ސެޕް މެދުވެރިކޮށް ދުވަހުން ދުވަހަށް ސްޓޮކަށް ގަންނަންޖެހޭ ތަކެތި ގަތުމަށް ޕީއޯ ތައްޔާރުކުރުން.
• ސްޓޮކަށް ގެންނަތަކެތި ބާކީކޮށް ރަނގަޅަށް ބެލެހެއްޓުން.
• ސިވިލް ސަރވިސް ކޮމިޝަނުގެ ބަޖެޓާ ގުޅުންހުރި ދެންނެވުންތަކުގައިވާ މުހިންމު މަޢުލޫމާތާއި، ބަޖެޓާ ގުޅުންހުރި މިނިސްޓްރީ އޮފް އެޑިޔުކޭޝަނުގެ ސަރކިޔުލަރތަކާއި، މުދަލާއި ފައިސާއާ ބެހޭގޮތުން ހެދިފައިވާ ޤަވާޢިދުތަކާއި، މިނިސްޓްރީން ތައްޔާރުކުރާ މުހިންމު މަޢުލޫމާތުތައް މުވައްޒަފުންނަށް ލިބޭނޭ އިންތިޒާމް ހަމަޖެއްސުމުގެ މަސައްކަތް ކުރުން.
• އޮފީހުގެ ޑިއުޓީ ނެގުމާއި އޮފީސް ހުޅުވައި ލެއްޕުން.

• މަރާމާތުގެ މަސައްކަތްތަކަށް އިޢުލާންކުރުން.
• މަރާމާތާ ގުޅިގެން ކުރެވިފައިވާ އިޢުލާނުތަކަށް ބިޑް ތައްޔާރުކުރުމާ ގުޅުންހުރި އެންމެހައި މަސައްކަތައްކުރުން.
• މަސައްކަތުގެ އެގްރީމަންޓްތައް ތައްޔާރުކުރުން.
• ދުވަހުން ދުވަހަށް ސްކޫލް މެއިލްޗެކްކުރުމާއި، ސްކޫލަށް ލިބޭ ލިޔެކިޔުންތައް އެންޓްރީކޮށް ބެލެހެއްޓުމާއެކު، އަވަސް ތަކެތި ވަގުތުން ވަގުތަށް ހުށަހަޅަންޖެހޭ ފަރާތްތަކަށް ހުށަހެޅުން.
• ސްކޫލުން އެކިއެކި ފަރާތްތަކަށް ފޮނުވާ ސިޓީ، މެސެޖް ފަދަތަކެތި ވަގުތުން ވަގުތަށް ނުވަތަ ހަމަޖެހިފަވާ ގަޑިއަކަށް ފޮނުވުން.
• އަމިއްލަ ފަރާތްތަކުން ސްކޫލަށް ލިބޭ  ސީޓީތަކަށް ކަމާގުޅޭ ވެރިއެއްގެ ލަފާގެމަތިން ޖަވާބުދިނުން.
• ކިޔަވައިދިނުމާ ގުޅޭގޮތުން އެޑިޔުކޭޝަން މިނިސްޓްރީންނާއި ތަޢުލީމީ ދާއިރާތަކުން ލިބޭ ސިޓީތަކަށް، ވެރިންގެ ލަފާގެމަތިން ޖަވާބުދިނުން.
• ދުވަހުގެ ޔައުމިއްޔާ ދުވަހުން ދުވަހަށް ލިޔެނިންމައި، ކޮންމެ ދުވަހުވެސް  ކުރީދުވަހުގެ ޔައުމިއްޔާ އެޑްމިނިސްޓްރޭޓަރަށް ނުވަތަ ކަމާބެހޭ ވެރިޔަކަށް ހުށަހެޅުން.
• ކޮންމެ މީލާދީ މަހެއްގެ 17 ވަނަދުވަހުގެ 14.00 ގެ ކުރިން ގަޑީލާރި ރިޕޯޓް ތައްޔާރުކޮށް، ބަޖެޓް ސެކްޝަނަށް ހުށަހެޅުން.
• ސްކޫލުގެ އަހަރީ ރިޕޯޓް ތައްޔާރުކުރުން.
• މަސައްކަތް މީހުންގެ ޑިއުޓީ ތައްޔާރުކުރުން.

މަޤާމުގެ ޝަރުޠު:

• އެޑްމިނިސްޓްރޭޝަން / މެނޭޖްމަންޓުގެ ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 4 ގެ ސަނަދެއް ހާސިލުކޮށްފައިވުން. ނުވަތަ؛
•  މަތީ ޘާނަވީ އިމްތިޙާނަކުން 2 މާއްދާއިން ދަށްވެގެން 'އީ' ގްރޭޑް ލިބިފައިވުމާއެކު، ހަޔަރ ސެކެންޑަރީ ސްކޫލް ސެޓްފިކެޓް އިމްތިޙާނުގައި 'ދިވެހި' މި މާއްދާއިން ދަށްވެގެން 'ސީ' ގްރޭޑް ލިބިފައިވުން. ނުވަތަ؛
• ސާނަވީ އިމްތިޙާނަކުން 2 މާއްދާއިން ދަށްވެގެން 'ޑީ' ގްރޭޑް ލިބިފައި، ސެކެންޑަރީ ސްކޫލް ސެޓްފިކެޓް އިމްތިޙާނުގައި 'ދިވެހި' މި މާއްދާއިން ދަށްވެގެން 'ސީ' ގްރޭޑް ލިބިފައިވުމާއެކު، އެޑްމިނިސްޓްރޭޝަން / މެނޭޖްމަންޓުގެ ދާއިރާއެއްގައި މަސައްކަތުގެ ދާއިރާއެއްގައި 2 އަހަރު ދުވަހުގެ މަސައްކަތު ތަޖުރިބާ ލިބިފައިވުން.

ވަޒީފާއަށް ޤާބިލް ފަރާތެއް ހޮވުމުގައި ބެލެވޭ ކަންތައްތައް:

- ހާސިލުކޮށްފައިވާ ތަޢުލީމާއި، ތަމްރީން ލިބިފައިވާ މިންވަރު.

- މަސައްކަތް ދާއިރާއިން ތަޖުރިބާ ލިބިފައިވާ މިންވަރު.

- މަސައްކަތުގެ ހުނަރާއި ފެންވަރާއި، ޤާބިލްކަމާއި ސިފަތައް.

އިންޓަވިއުކުރުން:

• މި މަޤާމަށް މީހަކު ނެގުމަށް ހަމަޖެހިފައިވަނީ، އިންޓަވިއު ކުރުމަށް ފަހުގައެވެ.  އިންޓަވިއު އޮންނާނީ، 9 މާރިޗު 2015 ގައެވެ.  
• މި މަޤާމަށް އެދިފައިވާ ޝަރުޠު ހަމަވާ ފަރާތްތަކުގެ އަދަދު 15 އަށްވުރެ ގިނަނަމަ، ވަޒީފާއަށް ކުރިމަތިލާފައިވާ ފަރާތްތަކުގެ ތަޢުލީމީ ފެންވަރާއި ތަޖުރިބާއަށް ބެލުމަށްފަހު ޝޯޓްލިސްޓް ކުރެވޭނެއެވެ. އިންޓަވިއު ކުރެވޭނީ ޝޯޓް ލިސްޓް ކުރާއިރު ހޮވޭ ފަރާތްތަކާއިއެވެ.
• މި ޢިއުލާނާ ގުޅިގެން މި މަޤާމަށް ކުރިމަތިލާ ފަރާތްތަކުގެ ތެރެއިން ޝަރުޠު ހަމަވާ ފަރާތްތަކާ އިންޓަވިއު ކުރުމަށްފަހު، އެންމެ މަތީ މާކްސް ލިބޭ، އަދި އެންމެ ޤާބިލުކަމަށް ފެންނަ ފަރާތަކަށް މި ވަޒީފާ ހަމަޖައްސައިދެވޭނެއެވެ.

ޝަރުޠު ހަމަވާ ފަރާތަކުން ހުށަހަޅަންޖެހޭ ތަކެތި:

• ސިވިލް ސަރވިސްގެ ވަޒީފާއަށް އެދޭ ފޯމު (ސިވިލް ސަރވިސްގެ ވަޒީފާއަށް އެދޭ ފޯމު، ޣާޒީ ސްކޫލުގެ އޮފީހުން ލިބެން ހުންނާނެއެވެ.)
• ސިވިލް ސަރވިސްއަށް / ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން، ކުރިމަތިލާ މަޤާމަށް ހޮވިއްޖެނަމަ، އަދާކުރަމުންދާ ވަޒީފާއިން ވީއްލުމާމެދު އިޢުތިރާޒެއް ނެތްކަމަށް، އެ މުވައްޒަފު ވަޒީފާ އަދާކުރާ އޮފީހުގެ ލިޔުމެއް.   
• ލިބިފައިވާ ތަޢުލީމާއި ތަމްރީނު ދެނެގަތުމަށް ބޭނުންވާ ލިޔުންތައް (މޯލްޑިވްސް ކޮލިފިކޭޝަންސް އޮތޯރިޓީން ފެންވަރު ބަލައި، ތައްގަނޑު ޖަހާފައިވާ ލިޔުމުގެ ކޮޕީ) 
• މަސައްކަތުގެ ތަޖުރިބާ ދެނެގަތުމަށް، މަސައްކަތްކޮށްފައިވާ އިދާރާތަކުން ދޫކޮށްފައިވާ ލިޔުންތައް.
• ވަޒީފާއަށް އެދޭފަރާތުގެ ދިވެހި ރައްޔިތެއްކަން އަންގައިދޭ ކާޑުގެ ދެފުށުގެ ލިޔުންތައް ފެންނަ، ލިޔެފައިވާ ލިޔުންތައް ކިޔަން އެނގޭ ފަދަ ސާފު ކޮޕީއެއް.
• ވަޒީފާއަށް ކުރިމަތިލާ ފަރާތުގެ ވަނަވަރު / ސީ.ވީ (ގުޅޭނެ ފޯނު ނަންބަރާއެކު)

މަޤާމަށް އެދެންވީ ގޮތާއި ސުންގަޑި:

މި މަޤާމަށް ޝަރުޠު ހަމަވާ ފަރާތްތަކުން، 2015 މާރިޗު 8 ވާ އާދީއްތަ ދުވަހުގެ 15.00 ގެ ކުރިން، ބަޔާންކުރެވިފައިވާ ތަކެއްޗާއެކު، ޣާޒީ ސްކޫލުގެ އެޑްމިން އޮފީހަށް ހުށަހެޅުން އެދެމެވެ.

އިތުރު މަޢުލޫމާތު:

  މި އިޢުލާނާ ގުޅިގެން އިތުރު މަޢުލޫމާތު ސާފުކުރަން ބޭނުންވާ ފަރާތްތަކުން، ޣާޒީ ސްކޫލުގެ 3350773 ނަންބަރު ފޯނަށް ގުޅުން އެދެމެވެ.

7 ޖުމާދަލްއޫލާ 1436