ދިވެހިރާއްޖެ
އިޢުލާނު
ތިމާވެށީގެ ގޮތުން ހިމާޔަތް ކޮށްފައިވާ ސަރަޙައްދުތަކުގެ ޕަރފޯމަންސް އޮޑިޓަށް ބޭނުންވާ ސާވޭ ކުރުމުގައި ހަރަކާތްތެރިވާނެ އެނިއުމަރޭޓަރުން ހޯދުމާ ގުޅޭ
ތިމާވެށީގެ ގޮތުން ހިމާޔަތް ކޮށްފައިވާ ސަރަޙައްދު ތަކުގެ ޕަރފޯމަންސް އޮޑިޓްގެ ތެރެއިން އޮޑިޓަރ ޖެނެރަލް އޮފީހުގެ ، ޓީމެއް 2023 މޭ 2 ން 2023 މޭ 11 ގެ ނިޔަލަށް ބ.އަތޮޅަށް ދަތުރު ކުރުމަށް ހަމަޖެހިފައިވާ ކަމަށް އޮޑިޓަރ ޖެނެރަލް އޮފީހުން މަޢުލޫމާތު ދެއްވާފައިވެއެވެ. އަދި މި ދަތުރުގައި ހިމާޔަތް ކޮށްފައިވާ ސަރަހައްދު ތަކުގެ އިންސްޕެކްޝަން ހެދުމުގެ އިތުރުން ، ބ.އަތޮޅުން ހޮވާލެވޭ ރަށްތަކުގެ ރައްޔިތުންގެ މެދުގައި ސާވޭއެއް ކުރުމަށް ހަމަޖެހިފައިވާ ކަމަށް އެ އޮފީހުން ހާމަކުރައްވައެވެ. އެހެން ކަމުން މި ސާވޭ ކުރުމުގައި އެ އޮފީހުގެ އޮޑިޓް ޓީމާއެކު މި ރަށުން ހަރަކާތްތެރިވާނެ 4 އެނިއުމަރޭޓަރުން ހޯދުމަށް ބޭނުން ވެއެވެ.
އެނިއުމަރޭޓަރުންގެ ހުންނަންވާނެ ޝަރުތުތައް
- ސާނަވީ ތަޢުލީމު ފުރިހަމަ ކޮށްފައިވުން
- 18 އަހަރު ފުރިފައިވުން
- ކައުންސިލްގެ މުވައްޒަފެއް ކަމުގައި ނުވުން
- ސާވޭ ކުރުމަށް ރަށުތެރޭގެ އެކި ހިސާބުތަކަށް ދަތުރު ކުރެވޭނެ މީހެއް ކަމުގައިވުން
- ގޫގުލް ފޯމް ބޭނުން ކުރަން އެގޭ ފަރާތެއް ކަމުގައިވުން
- ސާވޭ ކުރުމަށް 3 ދުވަހު ފުލް ޓައިމްކޮށް މަސައްކަތް ކުރެވޭނެ މީހެއް ކަމުގައިވުން
ނޯޓް: (އެނިއުމަރޭޓަރުންނަށް ސާވޭ ކުރުމަށް 3 ދުވަސް ދެވޭނެއެވެ. މި ފަރާތް ތަކަށް ދުވާލަކު -/500 (ފަސްސަތޭކަ) ރުފިޔާގެ މަގުން ޖުމްލަ -/1500 (އެންހާސް ފަސްސަތޭކަ) ރުފިޔާ ދިނުމަށް ހަމަޖެހިފައިވެއެވެ. ފައިސާ ހަވާލުކުރެވޭނީ ކޮންމެ އެނިއުމަރޭޓަރަކާ ޙަވާލުކުރެވޭ ގެ ތަކުގެ ސާވޭ ފުރިހަމަ ކުރުމަށްފަހު ހުށަހެޅުމުންނެވެ)
ވީމާ ، އެނިއުމަރޭޓަރެއްގެ ޝަރުތުތައް ފުރިހަމަވާ ފަރާތްތަކުން ސާނަވީ ތަޢުލީމު ފުރިހަމަކޮށްފައިވާ ކަމުގެ ލިޔެކިޔުންތަކާއެކު އެފަރާތްކުގެ އައި ޑީ ކާޑުގެ ކޮޕީއެއް 2023 އެޕްރީލް 20 ވާ ބުރާސްފަތި ދުވަހުގެ 12:00 ގެ ކުރިން މި އިދާރާއަށް ހުށަހެޅުއްވުން އެދެމެވެ.
މިހެންވެ މިކަން ޢާއްމުކޮށް އަންގައި އިޢުލާނު ކުރީމެވެ.
27 ރަމަޟާން 1444ހ
