ކުޑަހުވަދޫން ބަންޑާރަ ގޯޗަށްއެދި ފޯމް ހުށަހެޅުމަށް ކޮށްފައިވާ ޢިއުލާނާއި ގުޅޭ.

              ކުޑަހުވަދޫން ބަންޑާރަ  ގޯއްޗަށް އެދި  ފޯމް ހުށަހެޅުމަށް ކޮށްފައިވާ މި އިދާރާގެ ނަންބަރު: D-381/IUL/2022/59  ( 30 އޮގަސްޓް 2022 ) ގެ ޢިއުލާނާއެކު އެޓޭޗްކުރެވިފައިވާ ލިޔެކިޔުންތަކުގައި ބައެއް ކުށް ހުރިކަން ފާހަގަ ކުރެވިފައިވެއެވެ. މިއީ އިދާރީއޮޅުމެއް ކަމަށްވާތީ މިކަންކަން އެންމެހާ ފަރާތްތަކުގެ ސަމާލުކަމަށް ދަންނަވަމެވެ. އެއީ؛

• ގޯއްޗަށް އެދި ހުށަހެޅުމަށް، ގެޒެޓްކުރެވިފައިވާ ފޯމުގައި އެޓޭޗް ކުރެވިފައިވާ އިޤްރާރަކީ އިދާރީ އޮޅުމަކުން އެޓޭޗްކުރެވިފައިވާ އިޤްރާރެކެވެ. ނަމަވެސް މިއިދާރާއިން ދޫކޮށްފައިވާ ފޯމްތަކުގައި އެޓޭޗްކުރެވިފައިވާނީ ރަގަޅު އިޤްރާރުކަމުގައި ދަންނަވަމެވެ. އަދި ރަގަޅު އިޤްރާރު މި އިޢުލާނާއެކު އެޓޭޗް ކުރެވިފައިވާނެއެވެ.

• ގޯއްޗަށް އެދި ހުށަހަޅާ ފޯމާއެކު އެޓޭޗް ކޮށްފައިވާ " ފޯމް ފުރާނެގޮތުގެ އިރުޝާދުގެ" 6.9 ވަނަ ނަންބަރާއި ގުޅޭ ތަނެއްވާނަމަ، މަޢުލޫމާތު ފުރިހަމަ ކުރުމަށްފަހު، އެފަދަތަނެއް ދޫކޮށްލަން ބޭނުންވާ ފަރާތްތަކުންވެސް މި އިޢުލާނާއެކު އެޓޭޗް ކުރެވިފައިވާ އިޤްރާރު ފުރިހަމަކޮށް ފޯމާއެކު ހުށަހެޅުއްވުން އެދެމެވެ.

• ފޯމާއެކު ހުށަހަޅަންޖެހޭ ތަކެތީގެ ލިސްޓްގެ 8ވަނަ ނަންބަރުގައި ހަވާލާދީފައިވާ ( 5ވަނަ ޕޮއިންޓް) ލިޔެވިފައިވަނީ އިދާރީ އޮޅުމަކުންނެވެ. ރަގަޅުގޮތަކީ 7ވަނަ ޕޮއިންޓްކަމުގައިވެސް ދަންނަމެވެ.

ކެޓަގަރީ " A "

• ގައިޑްލައިންގެ ޖަދުވަލު 2 – ކެޓަގަރީ " A " ޕޮއިންޓް  އުނިކުރުމަށް  ކަނޑައަޅާފައިވާ ގޮތުގެ ތަފްޞީލްގެ ( ހ ) ގައި " 7.1 ގެ (އ) " ކަމުގައިވަނީ އިދާރި ކުށެކެވެ. ރަގަޅު ގޮތަކީ 7.1 ގެ (ކ) އެވެ. އަދި

• ގައިޑްލައިންގެ ޖަދުވަލު 2 – ކެޓަގަރީ " A " ޕޮއިންޓް  އުނިކުރުމަށް  ކަނޑައަޅާފައިވާ ގޮތުގެ ތަފްޞީލްގެ ( ށ ) ގައި " 7.1 ގެ (ވ) " ކަމުގައިވަނީ އިދާރި ކުށެކެވެ. ރަގަޅު ގޮތަކީ 7.1 ގެ (އ) އެވެ.

ކެޓަގަރީ " B "

• ގައިޑްލައިންގެ ޖަދުވަލު 4 – ކެޓަގަރީ " B " ޕޮއިންޓް  އުނިކުރުމަށް  ކަނޑައަޅާފައިވާ ގޮތުގެ ތަފްޞީލްގެ ( ހ ) ގައި " 7.1 ގެ (އ) " ކަމުގައިވަނީ އިދާރި ކުށެކެވެ. ރަގަޅު ގޮތަކީ 7.1 ގެ (ޅ) އެވެ.

• ގައިޑްލައިންގެ ޖަދުވަލު 4 – ކެޓަގަރީ " B " ޕޮއިންޓް  އުނިކުރުމަށް  ކަނޑައަޅާފައިވާ ގޮތުގެ ތަފްޞީލްގެ ( ށ ) ގައި " 7.1 ގެ (ވ) " ކަމުގައިވަނީ އިދާރި ކުށެކެވެ. ރަގަޅު ގޮތަކީ 7.1 ގެ (ކ) އެވެ.

ދަންނަވަމެވެ. މިއީ އިދާރީގޮތުން ލިޔެވިފައިވާ ކުށަކަށްވާތީ، މިކަން އިސްލާހްކޮށް އެންމެހާ ފަރާތްތަކުގެ މަޢުލޫމާތަށްޓަކައި ދަންނަވަމެވެ.