މިކައުންސިލުން ހިންގަމުންދާ "މަދަދު" ކުރެޑިޓް ސްކީމްގެ އުސޫލު އިސްލާޙްކޮށް އިސްލާމިކް ފައިނޭންސްގެ އުސޫލުތަކާއި ހަމަތަކަށް ފުރިހަމައަށް ފެތޭ ސްކީމަކަށް ބަދަލުކުރުމަށް މިކައުންސިލުން ވަނީ ނިންމާފާއެވެ.

މިއާއެކު ސްކީމްގެ އުސޫލު އިސްލާޙުކޮށް އަލުން އިޢުލާނުކުރެވެންދެން، މިއަދުން ފެށިގެން 31 ޑިސެމްބަރ 2021 ގެ ނިޔަލަށް ސްކީމަށް އެދި ފޯމު ހުށަހެޅުމުގެ ފުރުސަތު ވަނީ މެދުކަނޑައިލެވިފައެވެ. އަދި ސްކީމްގެ އުސޫލު އިސްލާޙުކުރެވުމުން އެކަން އާންމުކޮށް އިއުލާނުކުރެވޭނެކަމުގައި ދަންނަވަމެވެ.

 ވީމާ، މިކަން ޢާންމުކޮށް އެންގުމަށްޓަކައި އިޢުލާނުކުރަމެވެ. އަދި މިބަދަލާއި ގުޅިގެން ކުރިމަތިވެދާނެ ދަތިތަކަށް މިކައުންސިލުން ނިހާޔަތަށް މަޢާފަށްއެދެމެވެ.