ނަންބަރު:A/IUL/344/2021/24

އިޢުލާން

އއ. ފެރިދޫ ނެތިގޮސްފައިވާ ސަގާފީ ތަރިކައިގެ މަޢުލޫމާތު ހޯދުން:

އއ. ފެރިދޫގެ ނެތިގޮސްފައިވާ ސަގާފީ ތަރިކައިގެ އެއްވެސް މަޢުލޫމާތެއް ލިބިފައިވާ ފަރާތެއްވާނަމަ ލިޔުމަކުން 2021 އޮގަސްޓް 05 ވާ ބުރާސްފަތި ދުވަހުގެ 14:00 ގެ ކުރިން މިކައުންސިލްގެ އިދާރާއަށް ހުށައެޅުއްވުން އެދި ދެންނެވީމެވެ. ސަގާފީ ތަރިކައިގެ ބައެއް މަޢުލޫމާތު، މިސާލާއެކު ތިރީގައި އެވަނީއެވެ.

ސަގާފީ ތަރިކަ ބެހިގެންވާ ބައިތައް:

1. އުފުލޭ ސަގާފީ ތަރިކަ، މިސާލަކަށް:

• ލޯމާފާނު، ރުނބާ

2. އާސާރީ ބިނާތައް، މިސާލަކަށް:

• ޏ. ފުވައްމުލަކު ގެންމިސްކިތް ވެޔޮ، ބ. ކެންދޫ ތަބްރޭޒްގެފާނުގެ މަޤާމްފުޅު

3. އާސާރީ ސަރަޙައްދުތައް، މިސާލަކަށް:

• ނ. ލަންދޫ މާބުދުގެ

4. މަޢުނަވީ ސަގާފީ ތަރިކަ، މިސާލަކަށް:

• ދޫދޫމަތިން ވާރުތަވަމުން އަންނަ ސަގާފަތާ ގުޅުންހުރި ކަންކަން، ފާޅުކުރުންތައް: މީގެ ތެރޭގައި ބަނދި، ފަރިހި، ފޯކްލޯ ވާހަކަ ފަދަ ތަކެތި ހިމެނޭ
• ފަންނީ ހުށަހެޅުން: މިސާލަކަށް ބަނޑިޔާ ޖެހުން، ތާރަޖެހުން، ބޮޑުބެރު މިފަދަ ފަންނުތައް
• އިޖްތިމާއީ އާދަކާދަތައް، ރަސްމުތައް އަދި ރަސްމިއްޔާތުތައް: މީގެ ތެރޭގައި ހިއްޗަށް ވަޑައިގަތުން، ޚިތާނުކުރުން، ކައިވެނިކުރުން، އެކި ރަށްރަށުގައި އީދު ފާހަގަކުރެވޭގޮތް ހިމެނޭ
• އިލްމާއި ގުދުރަތީ ކައުނާ ގުޅުންހުރި ކަންކަން: މިސާލަކަށް ފަންޑިތަވެރިކަން، މާލިމީކަން، ނުޖޫމީ އިލްމު އަދި ދިވެހި ބޭސްވެރިކަން ފަދަ ކަންތައް ހިމެނޭ
• ސަގާފަތާ އާދަ ކާދަޔާ ގުޅޭ އުފެއްދުންތެރިކަން: ހާއްސަ ކާބޯތަކެތި، ކަނބުރުވެރިކަން، އޮޑި ދޯނި ފަހަރުބަނުން އަދި ލިޔެލާޖެހުން ފަދަ ކަންތައް ހިމެނޭ

ވީމާ، މިކަން އާންމުކޮށް އެންގުމަށްޓަކައި އިޢުލާންކުރީމެވެ.

05 ޛުލްޙިއްޖާ 1442