ވަޒީފާގެ ފުރުޞަތު 

މަޤާމު:

 އޮފިސަރ، ޕްރޮކިޔުމަންޓް 01

ބޭނުންވާ އަދަދު:

 (އެކެއް)

މުސާރައާއި ޢިނާޔަތްތައް:

 9،400 - 8،800

ފެންވަރު ނުވަތަ ޝަރުތު:

• ބިޒްނަސް މެނޭޖްމަންޓް ، އެޑްމިނިސްޓްރޭޝަން ނުވަތަ ފައިނޭންސް ގެ ދާއިރާއިން ދިވެހިރާއްޖޭގެ ޤައުމީ ސަނަދުގެ އޮނިގަނޑު ލެވެލް 4 ނުވަތަ މަތީ ސެޓްފިކެޓެއް ޙާޞިލް ކޮށްފައިވުން، ނުވަތަ މަތީ ސާނަވީ އިމްތިޙާނަކުން 3 މާއްދާއިން ދަށްވެގެން 'ޑީ' ގްރޭޑް ލިބިފައި ވުން.

ނުވަތަ

• ސާނަވީ އިމްތިޙާނަކުން 5 މާއްދާއިން ދަށްވެގެން 'ޑީ' ގްރޭޑް ލިބިފައި ވުމާއެކު މަޤާމާއި ގުޅުންހުރި ދާއިރާ އަކުން މަދުވެގެން 03 އަހަރުގެ ތަޖުރިބާ ލިބިފައިވުން.
• ދިވެހި ބަހުންނާއި އިނގިރޭސި ބަހުން ފަރިތަކަމާއެކު މުޢާމަލާތު ކުރަން އެނގުން.
• ވޭތުވެދިޔަ 5 އަހަރު ޖިނާއީ ކުށެއް ސާބިތުވެފައިވާ މީހަކު ކަމުގައިނުވުން.
• ގިނަވަގުތު މަސައްކަތުގައި އުޅެވޭ އަދި އެހެން މުވައްޒަފުންނާ ގުޅިގެން މަސައްކަތް ކުރެވޭ ފަރާތަކަށްވުން.
• މި މަޤާމަށް މީހަކު އައްޔަން ކުރުމުގައި ޕްރޮކިއުމަންޓް ދާއިރާއިން ތަޖުރިބާ ލިބިފައިވާ ފަރާތްތަކަށް އިސްކަންދެވޭނެއެވެ.

މަސްއޫލިއްޔަތު:

• ކޯޕަރޭޝަންގެ އިދާރީ ހިންގުން ހަމަޖެއްސުމަށް ބޭނުންވާނެ ލޮޖިސްޓިކްސް މަސައްކަތްތައް ބެލެހެއްޓުން.
• ކޯޕަރޭޝަނުން އެކި ފަރާތްތަކަށް ފޮނުވަން ޖެހޭ އެންމެހާ ލިޔެކިޔުންތަކާއި ތަކެތި އެފަރާތްތަކާ ޙަވާލުކުރުން.
• ކޯޕަރޭޝަންގެ ބޭނުމަށް ގަންނަން ބޭނުންވާ ތަކެތީގެ އަގު ހޯދުމާއި، ގަތުމާއި އަދި އެތަކެތި ކޯޕަރޭޝަނަށް ގެންނަށް ބޭނުންވެއްޖެ ޙާލަތެއްގައި ގެނައުމަށް އެހީތެރިވުން.
• ކަސްޓަމަރުން އަތުން ނެގޭ ފައިސާ ދުވަހުން ދުވަހަށް ބޭންކަށް ޖަމާކުރުމާއި ބޭންކުން ހޯދަން ޖެހިއްޖެ އެހެނިހެން ޚިދުމަތްތައް ހޯދުން.
• އޮފީސް މަރާމާތުގެ މަސައްކަތްތައް ކުރާ ވަގުތު ތަކުގައި ސުޕަވައިޒް ކުރުން.
• ކޯޕަރޭޝަންގެ ލަނޑުދަނޑިތައް ހާސިލްކުރުމަށް ކުރެވޭ މަސައްކަތްތަކުގައި ބައިވެރިވެ އެއްބާރުލުން ދިނުމާއިއެކު، އޮފީހުގެ މަސައްކަތުގެ ދާއިރާއިން ހަވާލުކުރެވޭ އެހެނިހެން ކަންތައްތައް ކުރުން.