1

މިސްކިތު އިމާމުގެ ޙައިޘިއްޔަތުން ހަވާލުކުރެވޭ މަޞްޢޫލިއްޔަތާއެކު، މިސްކިތު މަސައްކަތު މީހުންގެ މަސައްކަތް ބަލައި ރަނގަޅުކުރަން ހުންނަ ކަންކަން ރަނގަޅުކުރުމަށް އިރުޝާދު ދިނުމާއި، އެމަސައްކަތް ކުރުވުމާއެކު މިސްކިތް ބެލެހެއްޓުމުގެ އިސް މުވައްޒަފުގެ ޙައިޘިއްޔަތުން މިސްކިތުގެ މަސައްކަތު މީހުން ކުރާ މަސައްކަތް ސުޕަވައިޒު ކުރުން.

2

ނަމާދު ވަގުތަށް ފަރުވާތެރިވެ، ކޮންމެ ދުވަހަކު ފަރުޟު ފަސްނަމާދާއި ހުކުރުނަމާދު ވަގުތުގައި ބަންގި ގޮވުމާއި އިމާމުވެ ފަރުޟު ފަސް ނަމާދުކުރުން.

3

މިސްކިތައް ދަތިވާ ހުރިހާކަމެއްކައުންސިލްގެ އިދާރާއަށް އަންގައި އެކަންކަން ރަނގަޅުކުރުމަށް މަސައްކަތް ކުރުން

4

ރަމަޟާންމަހު މިސްކިތުގައި އިމާމުވެ ތަރާވީޙް ނަމާދު ކުރުން.

5

އިމާމުވެ ހުކުރުނަމާދައި ކޭތަނަމާދާއި ޢީދުނަމާދު އަދި ކަށުނަމާދު ކުރުން.

6

އިމާމެއްގެ ކިބައިގައި ހުރުމަށް ލާޒިމުކުރާ އަޚުލާޤީ މިންގަޑާއި އެއްގޮތަށް ޢަމަލުތައް ބެހެއްޓުން.

7

މިސްކިތުގެ ސައުންޑް ސިސްޓަމް ބެލެހެއްޓުމާއި ސިސްޓަމަށް މައްސަލައެއް ދިމާވެއްޖެނަމަ އެކަންކަންކައުންސިލްގެ އިދާރާއަށްއަންގައިގެން ރަނގަޅުކުރުން

8

މިސްކިތުގައި ކުރަންޖެހޭ ކަށުނަމާދު ކުރުމާއި ބެހޭ ގޮތުން ކުރަންޖެހޭ ކަންތައްތައް ކުރުން.

9

މިސްކިތު މަސައްކަތު މީހުން ލައްވާ ކޮންމެ ނަމާދުވަގުތެއްގެ 15 މިނިޓް އިރުގެ ކުރިން މިސްކިތް ސާފުކުރުވުން

10

މިސްކިތު މަސައްކަތު މީހުން ލައްވާ އެމީހުންނާއި ހަވާލުކުރެވިފައިވާ މަސައްކަތްތައް ބަރާބަރަށް ކުރުވައި މިސްކިތުގެ ވަޅުތަކާއި ފާޚާނާތަކާއި އަދި ގޯތި ތެރެއާއި މިސްކިތް ސާފުތާހިރުކޮށް ބެލެހެއްޓެވުން

11

މިސްކިތުގެ އިމާމުކައުންސިލްގެ އިދާރާއަށް ނުކުމެ ސޮއިކޮށްފައި ވަނިކޮށް، ހަމައެދުވަހު އިމާމުމީހާއަށް ކަމެއްދިމާވެގެން މިސްކިތަށް ދިއުމަށް އުޒުރުވެރި ވެއްޖެނަމަ އެދުވަހުގެ ބާކީއޮތްބަޔަށް މިސްކިތަށް އިމާމަކު ހަމަޖެއްސުމަކީ މިސްކިތް ހަވާލުކޮށްފައިވާ އިމާމުމީހާގެ ޒިންމާއެކެވެ. މިގޮތުން ހަވާލުކުރައްވާ އިމާމަކީ ތަޖުވީދު މަގުން ޤުރުއާންކިޔަވަން އެނގޭ މީހަކަށް ވުމާއި، ރީތިކޮށް ބަންގި ގޮވަން ދަންނަ މީހަކު ކަމުގައި ވާންވާނެއެވެ.

12

ރަސްމީ ދުވަސްތަކުގައި ކޮންމެ ދުވަހެއްގެ 12:00 ގެ ކުރިން ކައުންސިލްގެ އިދާރާގައި އޮންނަ މުވައްޒަފުން ސޮއިކުރާ ފޮތުގައި ސޮއި ކުރައްވަން ވާނެއެވެ.

13

މިސްކިތުގައި ޤްރުއާން ކްލާސްތައް ހިންގުމަށް ހަމަޖައްސައިފިނަމަ އެ ކްލާސް ހަމަޖެހިފައިވާ ޤަޥާއިދުން ކުރިއަށް ގެންދިއުމާއި ކްލާހުން ކިޔަވާ ކުދީންގެ ޤުރުއާން ކިޔެވުމުގެ ފެންވަރު މަތިކޮށް އަޚުލާޤީ ފެންވަރު ރަނގަޅުކުރުމަށް މަސައްކަތް ކުރުން

14

މީގެ އިތުރުންވެސް ކައުންސިލްގެ އިދާރާއިން މަޤާމާއި ގުޅޭގޮތުން ހަވާލުކުރާ މަސައްކަތް ފަރުވާތެރިކަމާއެކު ކުރުން.

15

އެއްވެސް ސަބަބަކާއިހުރެ މިސްކިތު މަސައްކަތު މީހުން ޙާޟިރުނުވާ ވަގުތެއްގައި ނަމަ، މިސްކިތުގެއިމާމު މިސްކިތް ސާފުކުރުމާއި އަދި ނަމާދުކޮށް ނިމިގެން ދަމުން ބޮކި، ހޮޅިބުރި އާއި ފަންކާ ނިންވުމާއި، މިސްކިތުގެ ދޮރުތައްލެއްޕުން.

16

މިސްކިތުގައި ދީނީ ދަރުސްތައް ދިނުންފަދަ ޕްރޮގްރާމްތައް ހިންގާނަމަ، އެފަދަ ޕްރޮގްރާމްތަކަށް ބޭނުންވާ އެހީތެރިކަން ދިނުމާއި އަދި ނިމެންދެން މިސްކިތުގައި މަޑުކުރުން. އަދި ދީނީ ދަރުސް ދިނުމުގެ ރެކޯޑް ތައް (ދީނީ ދަރުސް ދެއްވި ތާރީޚާއި އަދި މަޢުޟޫޢު އަދި ދަރުސް ދެއްވި ބޭފުޅެއްގެ ފުރިހަމަ ނަމާއި އެޑްރެސް އެގޭގޮތަށް ފޮތެއްގައި ލިޔެ)  އެރެކޯޑްތައް ބަލަހައްޓައި ކޮންމެ ނިމޭ މަހެއްގެ 16 އިން ހިގާމަހުގެ 15 އަށް ރިޕޯރޓް ތައްޔާރުކޮށް ކައުންސިލްގެ އިދާރާއަށް ހުށަހެޅުން ( ރިޕޯރޓް ތައްޔާރުކުރުމުގައި ކައުންސިލްގެ އިދާރާގެ އެއްބާރުލުން ހޯދުން)

17

މިދެންނެވި ޚިދުމަތްތަކާއި ގުޅިގެން ދާންދޫ ކައުންސިލްގެ މަޝްވަރާގެ މަތިން ޢާންމުންނަށް އަންގަންޖެހޭ އެންގުންތައް އެންގުމާއި ހޯދަންޖެހޭ މައުލޫމާތު ހޯދާ އެކަންކަން ބެލެހެއްޓުން.

18

މި ޚިދުމަތްތަކާއި ގުޅިގެން އެކިއެކި ފަރާތްތަކަށް ފޮނުވާ އަދި ހާމަ ކުރަންޖެހޭ އެންމެހާ މައުލޫމާތާއި ލިޔުންތައް ހާމަ ކުރާނީ އެވަގުތަކު ކައުންސިލް ހިންގުމާއި ހަވާލުވެ ހުންނަވާ ވެރިޔަކު ލައްވައި ސޮއިކުރުވައި އަދި އިދާރާގެ ސިއްކަ ޖަހާފައިވާ ލިޔުމަކުންނެވެ.

19

އެއްވެސް ނޫސް މަޖައްލާއަކަށް ނުވަތަ ރޭޑިއޯ ޓީވީ ޗެނެލަކަށް ރަސްމީގޮތުން މައޫލާތު ދެއްވާނަމަ އެމައުލޫމާތެއް ދެއްވަންވާނީ ކައުންސިލްގެ އިދާރާ ހިންގުމާއި ހަވާލުވެ ހުންނަވާ ވެރިއަކާއި މަޝްވަރާކޮށް އެފަރާތަކުން ދެއްވާ ލަފާގެ މަތީންނެވެ.

20

މިސްކިތަށް ހޯދަންޖެހޭ ތަކެތި ބަޖެޓުގައި ހިމެނުމަށް ކައުންސިލްގެ ބަޖެޓް ހެދުމުގެ މަރުހަލާގައި، ކައުންސިލްގެ އިދާރާގެ ފައިނޭންސް އާއި ބެހޭ ބަޔަށް އެ މައުލޫމާތު ފޯރުކޮށްދިނުން.

21

މިސްކިތް ބެޖެހެއްޓުމުގެ މަސައްކަތާއި ގުޅިގެން އަންނަ ސިޓީ މެސެޖްތަކާއި އަދި ފޮނުވާ ސިޓީ މެސެޖްތަކާއި އަދި ރިޕޯރޓްތައް ލިޔެ ފޮނުވަންޖެހޭ ފަރާތްތަކަށް ފޮނުވުމުގައި މިސްކިތުގެ މަސައްކަތް ކުރާ އިސް މުވައްޒަފުގެ ޙައިޘިއްޔަތުން ކައުންސިލްގެ އިދާރާއަށް އެއްބާރުލުންދީ އިދާރީ މަސައްކަތެއް ކުރުމަށް ކައުންސިލްގެ އިދާރާއިން އެދިއްޖެނަމަ އެކަން ކުރުން.

22

އިންސާފު ވެރިކަމާއި، ތެދުވެރިކަމާއިއެކު ވަކިފަރާތަކަށް ނުޖެހި،  ސިޔާސީ އެންމެހާ ނުފޫޒުތަކުން އެއްކިބާވެ ހުރެ މަތީގައިވާ މަސައްކަތްތައް ކުރުން.

23

ކައުންސިލްގެ އިދާރާގެ ހުރިހާ ޔުނިޓު ތަކުގައި މަސައްކަތް ކުރާ މުވައްޒަފުންނާއި އަދި ކައުންސިލަރުންނާއި ގުޅިގެން އެކުވެރިކަމާއި އެއްބާރުލުން ދެމެހެއްޓުމަށް މަސައްކަތް ކޮށް، އަދި މަސައްކަތް ކުރެވޭ މާހައުލަކީ ހިތްހަމަ ޖެހިގެން ރަނގަޅުފެންވަރުގެ ޚިދުމަތެއް ފޯރުކޮށްދޭ މާހައުލަކަށް ހެދުމަށް މަސައްކަތް ކުރުން.

24

މީގެ އިތުރުން ސަރުކާރުން ރައްޔިތުންނަށް ދެއްވާ ޚިދުމަތްތަކުގެ ތެރެއިން ޔުނިޓާއި ހަވާލު ކުރައްވާ މަސައްކަތްތައް ކުރާނެ ވަކި މުވައްޒަފަކު ނެތުމުގެ ސަބަބުން، ކުރުމަށް ހަވާލުކުރެވޭ ރަސްމީ މަސައްކަތްތައް ކުރުން.

25

ދިވެހިރާއްޖޭގެ ޤާނޫނު އަސާސީއާއި ވަޒީފާއާއި ބެހޭ ޤާނޫނާއި ދިވެހި ސިވިލް ސަރވިސްގެ ޤާނޫނާއި، ޤަޥާޢިދާއި ކޯޑް އޮފް ކޮންޑަކްޓާއި، ޚިލާފު ނުވާގޮތަށް ސިވިލްސަރވިސް މުވައްޒަފެއްގެ ޙައިޘިއްޔަތުން މަސައްކަތް ކުރުން.