އިޢުލާން:

ޓޫރިސްޓް ބީޗްގެ ބޭނުންކުރުމުގެ ހުއްދަ އަދި ފީ ނެގުމާއި ގުޅޭ:

މިރަށުގެ ދެކުނު ތުނޑީގައި ޓޫރިސްޓުންނަށް ކަނޑައަޅާފައިވާ ޓޫރިސްޓް ބީޗާއި މޫދު ސަރަޙައްދު ބޭނުންކުރުމާއި ބެހޭ އުޞޫލު ކައުންސިލްގެ 4 ވަނަ ދަޢުރުގެ ނަމްބަރ 89/2023/352 (02 ނޮވެމްބަރ 2023) ޢާންމު ޖަލްސާއިން ވަނީ ފާސްކޮށް، 26 ފެބްރުއަރީ 2025 ގައި ދިވެހި ސަރުކާރުގެ ގެޒެޓުގައި ޝާއިޢުކޮށްފައެވެ.

ވުމާއެކު، މިއުޞޫލުގެ 5 ވަނަ މާއްދާގެ ގައި ބަޔާކޮށްފައިވާ ގޮތުގެ މަތިން ޓޫރިސްޓުންނަށް ޙާއްޞަކޮށްފައިވާ ބީޗާއި މޫދު ސަރަޙައްދު ބޭނުންކުރުމުގެ ހުއްދައަށް އެދި ފޯމު ހުށަހެޅުމުގެ ފުރުޞަތު 15 މާރިޗް 2025ގެ ނިޔަލަށް ހުޅުވާލެވިފައިވާ ވާހަކަ ދަންނަވަމެވެ. އަދި މިމުއްދަތު ތެރޭގައި ފޯމު ފުރިހަމަކޮށްފައި ނުވާ ފަރާތްތަކަށް ބީޗް ބޭނުންނުކުރެވޭނެ ކަމުގައި ދަންނަވަމެވެ.

ފޯމުގެ ލިންކް: https://forms.office.com/r/QaTXXKbqdR

ގެޓްޒެޓް ލިންކް: https://gazette.gov.mv/iulaan/330147

އަދި ދަންނަވަމެވެ. 01 މާރިޗް 2025 އިން ފެށިގެން ޓޫރިސްޓު ބީޗްގެ ޚިދުމަތުން ފީ ނެގުމަށް ވަނީ ހަމަޖެހިފައެވެ. އެހެންކަމުން ޓޫރިސްޓުނަށް ޚާއްޞަ ކުރެވިފައިވާ ސަރަޙައްދު ފިޔަވައި އެހެން އެއްވެސް ސަރަޙައްދެއްގައި ޓޫރިސްޓުންނަށް ޚާއްޞަކޮށްގެ މިދަންނަވާ ކަންކަން އިންތިޒާމް ކުރުމަކީ މަނާކަމެވެ.

• ބާބެކިއު
• ހަފްލާތައް
• ކުޅިވަރު ހަރަކާތްތައް
• ސަންބެޑް ޚިދުމަތް

އެހެން ނަމަވެސް އުޞޫލުގައިވާ ގޮތުގެމަތިން ކައުންސިލްގެ ހުއްދައާއިއެކު ކަނޑައެޅޭ ފީއަކަށް ޓޫރިސްޓު ބީޗްގައި މިފަދަ އިންތިޒާމްތައް ޓޫރިސްޓުންނަށް ހަމަޖެއްސިދާނެއެވެ.

ވީމާ، މިކަން ޢާންމުކޮށް އެންގުމަށްޓަކައި އިޢުލާނު ކުރީމެވެ.

28 ޝައުބާން 1446ހ

27 ފެބްރުއަރީ 2025މ