އަރިއަތޮޅު ދެކުނުބުރީ ދަނގެތީ ކައުންސިލްގެ އިދާރާ
ދިވެހިރާއްޖެ
"އދ.ދަނގެތީގައި ޓޫރިސްޓުންނަށް ޚާއްޞަކުރެވޭ ބީޗާއި މޫދު ސަރަޙައްދާއިބެހޭ އުޞޫލު" ޢާންމުކުރުން:

އިޢުލާން:

"އދ.ދަނގެތީގައި ޓޫރިސްޓުންނަށް ޚާއްޞަކުރެވޭ ބީޗާއި މޫދު ސަރަޙައްދާއިބެހޭ އުޞޫލު" ޢާންމުކުރުން:

މިރަށުގެ ދެކުނު ތުނޑީގައި ޓޫރިސްޓުންނަށް ކަނޑައަޅާފައިވާ ބީޗާއި މޫދު ސަރަޙައްދު ބޭނުންކުރުމާއި ބެހޭ އުޞޫލެއް މިކައުންސިލުން އެކުލަވާލައި، ކައުންސިލްގެ 4 ވަނަ ދަޢުރުގެ ނަމްބަރ 89/2023/352 (02 ނޮވެމްބަރ 2023) ޢާންމު ޖަލްސާއިން ވަނީ ފާސްކޮށްފައެވެ.

ވުމާއެކު، މިއުޞޫލު 26 ފެބްރުއަރީ 2025 ދުވަހު ދިވެހިސަރުކާރުގެ ގެޒެޓުގައި ޝާއިޢު ކޮށްފައިވާތީ، 26 ފެބްރުއަރީ 2025 ދުވަހުން ފެށިގެން އުޞޫލަށް ޢަމަލު ކުރަމުން ގެންދާނެ ވާހަކަ ރައްޔިތުންގެ މަޢޫލޫމާތައްޓަކައި ދެންނެވީމެވެ.

އަދި ދަންނަވަމެވެ. މިއުޞޫލުގެ 3 ވަނަ މާއްދާގެ (ނ) ގައި ބަޔާކޮށްފައިވާ ގޮތުގެ މަތިން ޓޫރިސްޓުންނަށް ޙާއްޞަކޮށްފައިވާ ބީޗާއި މޫދު ސަރަޙައްދުގައި އަމިއްލަ ފަރާތެއްގެ އެއްވެސް އެއްޗެއް ހުރިނަމަ އެތަކެތީގެ ތަފްޞީލު ކައުންސިލަށް ހުށަހަށައި، 45 (ސާޅީސް ފަހެއް) ދުވަހުގެ ތެރޭގައި އެތަކެތި ނަގަންވާނެއެވެ. މިމުއްދަތުތެރޭގައި ނުނަގާ ހުރި ތަކެއްޗަކީ ބީޗް ބޭނުންކުރާ ހުރިހާ ފަރާތްތަކަށް ވެސް ބޭނުންކުރެވޭ ކައުންސިލްގެ ބެލުމުގެ ދަށުގައިވާ ތަކެތި ކަމުގައި ބެލެވޭނެއެވެ.

ވީމާ، މިކަން ޢާންމުކޮށް އެންގުމަށްޓަކައި އިޢުލާނު ކުރީމެވެ.

27 ޝައުބާން 1446ހ

26 ފެބްރުއަރީ 2025މ

26 ފެބުރުވަރީ 2025
ހޯދާ