މިރަށުގެ ޤަބުރުސްތާން 01 އަހަރުދުވަހުގެ މުއްދަތަށް ކޮންޓްރެކްޓް އުޞޫލުން ސާފުކޮށް ބަލަހައްޓައިދޭނެ ފަރާތެއް ހޯދުމަށް ބޭނުންވެއެވެ. ވީމާ ޤަބުރުސްތާން ސާފުކޮށް ބެލެހެއްޓުމަށް ބޭނުންވާ ފަރާތްތަކުން 2018 ޑިސެމްބަރ 12 ވަނަ ދުވަހުގެ 13:30 އަށް އަންދާސީ ހިސާބު / ސިޓީ ހުށަހެޅުއްވުން އެދެމެވެ. އަންދާސީ ހިސާބުގައި / ސިޓީގައި މަހަކަށް ޖެހޭ އަގު އެގެން އޮންނަންވާނެއެވެ. އަންދާސީ ހިސާބު / ސިޓީއާއިއެކު ހުށަހަޅާ ފަރާތުގެ މުއްދަތު ހަމަނުވާ އައިޑީ ކާޑު ކޮޕީ / ވިޔަފާރި ރަޖިސްޓްރީގެ ކޮޕީ ހުށަހެޅުއްވުން އެދެމެވެ.

ކުރަންޖެހޭ މަސައްކަތްތައް:

1- ހޯނޑެއްދޫ ޤަބުރުސްތާނުގެ ވިނަނޮޅާ ސާފުކޮށް ބެލެހެއްޓުން.

2- ހޯނޑެއްދޫ ޤަބުރުސްތާނުގެ ވަށައިގެންވާ މަގުތަކުގެ 2/1 ކުނިކަހާ ސާފުކޮށް ބެލެހެއްޓުން.

3- ހޯނޑެއްދޫ ކުރީގެ ހުކުރު މިސްކިތުގެ (އާޘާރީ މިސްކިތް) ގޯތިތެރެ ވިނަނޮޅާ ކުނިކަހާ ސާފުކޮށް ބެލެހެއްޓުން.

4- މީގެ އިތުރުން ކައުންސިލުން ކުރަމުންދާ އިޖުތިމާޢީ މަސައްކަތްތަކުގައި ބައިވެރިވުން.

ޕޮއިންޓް ދިނުމަށް ހަމަޖެހިފައިވާގޮތް:

މަސައްކަތުގެ އަގަށް %95 (އެންމެ ކުޑަ އަގެއް ހުށަހަޅާ ފަރާތަކަށް 95 މާކްސް ލިބޭގޮތަށް)

މި މަސައްކަތާއިގުޅޭ ތަޖުރިބާ އަށް %5 (އެންމެ ގިނަ ތަޖުރިބާ ލިޔުންތައް ހުށަހަޅާ ފަރާތަކަށް 5 މާކްސް)

ބަދަލުގައި މީހަކު ފޮނުއްވައިގެން އަންދާސި ހިސާބު ނުވަތަ އަގު ބަޔާންކޮށްފައިވާ ސިޓީ ހުށަހަޅާނަމަ، ހުށަހަޅާ ފަރާތުގެ ސިޓީއެއް އަންދާސީ ހިސާބު / ސިޓީ ހިފައިގެން އަންނަ ފަރާތުން ގެންނަންވާނެއެވެ. އަދި ބަދަލުގައި ކޮންމެ ފަރާތަކަށް ހުށަހެޅޭނީ އެއް އަންދާސީ ހިސާބެވެ.

މިހެންވެ މިކަން ޢާއްމުކޮށް އެންގުމަށްޓަކައި އިޢުލާން ކުރީމެވެ.