|
01- ބިންބިމާ ގޯތީގެ ރަޖިސްޓްރީއާ ޢިމާރާތާއި ގޯތީގެ ރަޖިސްޓްރީ ލިޔެ ބެލެހެއްޓުން.
02- ގޯތިގެދޮރާ ބިންބިމާބެހޭ ފައިލްތައް ބެލެހެއްޓުމާ ލިޔެކިޔުންތަކާ ރެކޯޑް ބެލެހެއްޓުން.
03- ގޯތިގެދޮރުގެ މިލްކުވެރިކަމަށް އަންނަ ބަދަލުތަކާގުޅިގެން ރަޖިސްޓަރީތަކަށް ގެންނަންޖެހޭ ބަދަލުތައް ދުވަހުން ދުވަހަށް ގެނައުމާއި ވެރިފަރާތްތަކަށް އަންނަ ބަދަލުތަކާ އަލަށް ރަޖިސްޓަރީކުރާ ގޯތިގެދޮރާބެހޭ މަޢުލޫމާތު ކޮންމެ މަހެއްގެ ފުރަތަމަ މަސައްކަތު 5 ދުވަހުގެތެރޭގައި އިދާރީ ބަޔަށް ދިނުމާ އެ މަޢުލޫމާތުތައް ބެލެހެއްޓުން.
04- އެއްގަމާއި ކަނޑުގައިދުއްވާ އުޅަނދުފަހަރުގެ އެކިކަންކަމަށް ދޫކުރަންޖެހޭ ފޯމް ދޫކުރުމާ ބަލައިގަތުމާ އުޅަނދުފަހަރުގެ އެކި ކަންކަމަށް ހައްދަންޖެހޭ ސެޓްފިކެޓް/ހުއްދަފަދަ ތަކެތި ހެއްދުމާއި އެކަމާއިބެހޭ އެންމެހާ ލިޔެކިޔުންތަކާއި ރެކޯޑް ބެލެހެއްޓުން.
05- ކަރަންޓް ކޭބަލް، ޓީ.ވީ ކޭބަލް، ފެންލައިން، ފާޚާނާހޮޅިލުމަށް ނުވަތަ އަދި މިނޫންވެސް އެފަދަ ކަމަކާ ގުޅިގެން ރަށުގެމަގު ކޮންނަންޖެހޭފަދަ ކަމަކާ ގުޅިގެން ދޫކުރަންޖެހޭ ހުއްދައާއި ލިޔުންތައް ލިޔުން.
06- ކުށުގެ މައްސަލަތަކާބެހޭ ލިޔުންތަކާ އަރުވައިލާ، ފޮނުވައިލާ އަދި ގޭބަންދުކުރެވޭ މީހުންގެ ލިޔުންތަކާ ރަޖިސްޓްރީއާއި ރެކޯޑް ލިޔެ ބެލެހެއްޓުން.
07- ގޯއްޗަށްއެދޭ ފޯމް ދޫކުރުމާއި ބަލައިގަތުމާބެހޭގޮތުން ޔުނިޓުން ކުރަންޖެހޭ މަސައްކަތްތައް ކުރުމާއި އެ މަސައްކަތްތަކާގުޅޭ ލިޔެކިއުންތަކާއި ރެކޯޑް ބެލެހެއްޓުން.
08- އެއްބުރިއަށްވުރެ އުސްކޮށް ޢިމާރާތްކުރުމަށް ހުއްދަދިނުމާއި އެފަދަ ތަންތަން ޢިމާރާތްކުރުމާއިބެހޭގޮތުން ލިޔަންޖެހޭ ލިޔުންތައް ލިޔުމާއި ކަމާބެހޭ މަޢުލޫމާތު ހިމެނޭ ދަފްތަރު ތައްޔާރުކޮށް ބެލެހެއްޓުން.
09- ފުރަބަންޑާރަ ރައްޔިތުންގެ ރުއްގަހާބެހޭ އެންމެހާ މަޢުލޫމާތުތައް ލިޔެ ބެލެހެއްޓުމާ މިނޫންވެސް ރުއްގަހާބެހޭގޮތުން ބަލަހައްޓަންޖެހޭ ރެކޯޑް ލިޔެ ބެލެހެއްޓުން.
10- ގޭބިސީތަކުގެ މަޢުލޫމާތާއި މިނޫންވެސް ޔުނިޓްގެ މަސައްކަތްތަކާއިބެހޭގޮތުން ބަލަހައްޓަންޖެހޭ މަޢުލޫމާތުގެ ދަފްތަރުތައް ތައްޔާރުކޮށް އަޕްޑޭޓްކޮށް ބެލެހެއްޓުން.
11- ޔުނިޓްގެ މަސައްކަތްތަކާބެހޭގޮތުން ލިޔަންޖެހޭ ލިޔުންތައް ލިޔުމާއި ޔުނިޓްގައި މަސައްކަތްކުރާ އެހެން މުވައްޒަފުންނާ ގުޅިގެން ޔުނިޓްގެ ލިޔެކިއުންތަކާއި ލިޔުންތަކާބެހޭ ރެކޯޑާއި ފައިލިންގ ސިސްޓަމް ބެލެހެއްޓުން.
12- ޔުނިޓުން ފޮނުވަންޖެހޭ އެންމެހާރިޕޯރޓްތައް ތައްޔާރުކޮށް ފޮނުވަންޖެހޭ ފަރާތްތަކަށް މުއްދަތަށް ފޮނުވުން.
13- ވިޔަފާރިކުރާ ތަންތަނާއި ސައިހޮޓާ ކެންޓީނުފަދަ ތަންތަން ރަޖިސްޓަރީކުރުމާއި ބެހޭގޮތުން ކުރަންޖެހޭ މަސައްކަތްތައް ކުރުމާއި ބެލެހެއްޓުމާއި އެފަދަ ތަންތާނގެ ދަފްތަރު ތައްޔާރުކޮށް އަޕްޑޭޓްކޮށް ބެލެހެއްޓުން.
14- މަސްވެރިކަމާ ދަނޑުވެރިކަމާއިބެހޭ ކަންތައްތައް ކުރުމާއި ބެލެހެއްޓުމާއި މަސްވެރިންނާއި ދަނޑުވެރިންގެ ދަފްތަރު އަޕްޑޭޓްކޮށް ބެލެހެއްޓުން.
15- ރަށުގައިއުޅޭ ބިދޭސީންނާއިބެހޭ ދަފްތަރު ތައްޔާރުކޮށް އަޕްޑޭޓްކޮށް ބެލެހެއްޓުމާއި ޤަވާޢިދާ ޚިލާފަށް އުޅޭ ބިދޭސީންގެ މަޢުލޫމާތު އެއްކޮށް ސަރުކާރުގެ ކަމާބެހޭ އިދާރާތަކަށް ފޮނުވުމާއި އެކަމުގައި އަޅަންޖެހޭ ފިޔަވަޅު އެޅުން.
16- ފާދިއްޕޮޅު ހިންނަވަރު ކައުންސިލް އިދާރާގެ އެހެން ޔުނިޓެއްގެ މަސައްކަތްތައް ޚާއްޞަ ޙާލަތެއްގައި ވަގުތީގޮތުން ޙަވާލުކުރެވިއްޖެނަމަ އެ މަސައްކަތެއް ކުރުން.
17- ޔުނިޓްގެ އެހެން މުޥައްޒަފަކަށް ދިމާވާ ކަމަކާ ގުޅިގެން އެ މުވައްޒަފެއްގެ މަސައްކަތްތައް ވަގުތީގޮތުން ޙަވާލުކުރެވިއްޖެނަމަ އެ މަސައްކަތްތަކެއް ކުރުން.
18- ޚާއްޞަ ވާޖިބުތަކުގެ އިތުރުން މުޅި ކައުންސިލަށް ދިމާވާ ކުއްލި އިމަރޖެންސީ ކަންކަމާއި އެންމެން ޝާމިލުވާންޖެހޭ ޚާއްޞަ ކަންކަމުގައި ބައިވެރިވުން.
19- މީގެއިތުރުން ޔުނިޓްގައިހިމެނޭ އެހެން މަސައްކަތްތަކާއި އިދާރާއިންކުރިއަށްގެންދާ ޚާއްޞަ މަސައްކަތްތަކުގައި ބައިވެރިވުމާއި އިދާރާގެ މަސައްކަތުގެދާއިރާގެ ތެރެއިން ޙަވާލުކުރެވޭ އެހެނިހެން ކަންތައްތައް ކުރުން.
|
