ގދ.ގައްދޫގައި އިމާރާތްކޮށްފައިވާ 50 ހައުސިންގ ޔުނިޓުގެ ތެރެއިން، ސަރުކާރުގެ "ހިޔާ" މަޝްރޫޢުގެ ދަށުން، ގދ.ގައްދޫ ރައްޔިތުންނަށް ޙާއްސަކޮށް ދޫކުރުމަށް ހަމަޖެހިފައިވާ 10 ހައުސިންގ ޔުނިޓަށް ކުރިމަތިލުމުގެ ފުރުޞަތު، 20 ސެޕްޓެންބަރު 2018 ވާ ބުރާސްފަތި ދުވަހުގެ ހެނދުނު 10:00 އިން ފެށިގެން 02 އޮކްޓޯބަރު 2018 ވާ އަންގާރަ ދުވަހުގެ 14:00 އަށް ހުޅުވާލަމެވެ. މިހައުސިންގ ޔުނިޓްތަކަށް ކުރިމަތިލުމަށް އެދޭ ފޯމާއި އުޞޫލު މިނިސްޓްރީގެ ކައުންޓަރުން ލިބިވަޑައިގަންނަވާނެއެވެ. އަދި މި މިނިސްޓްރީގެ ވެބްސައިޓް www.housing.gov.mv އިން ޑައުންލޯޑް ކުރެވޭނެއެވެ. މީގެ އިތުރުން ފޯމާއި އުޞޫލު ގދ.ގައްދޫ ކައުންސިލް އިދާރާ އިން ލިބެން ހުންނާނެ ކަމުގައި ދެންނެވީމެވެ.

 ފޯމު ބަލައިގަތުމަށް ހަމަޖެހިފައިވަނީ މި މިނިސްޓްރީގެ ކައުންޓަރުންނާއި ގދ.ގައްދޫ ކައުންސިލް އިދާރާ އިން 25 ސެޕްޓެންބަރު 2018 ވާ އަންގާރަ ދުވަހުން ފެށިގެން 02 އޮކްޓޯބަރު 2018 ވާ އަންގާރަ ދުވަހުގެ ނިޔަލަށް ބަންދުނޫން ކޮންމެ ދުވަހެއްގެ ރަސްމީ ގަޑީގައެވެ. އަދި ފޯމާއިއެކު ހުށަހަޅަންޖެހޭ ތަކެތި ހަމަނުވާ ފޯމުތަކާއި މަޢުލޫމާތު ފުރިހަމަނުވާ ފޯމު ބަލައިނުގަންނާނެ ވާހަކަ ދަންނަވަމެވެ.

މިހެންވެ، މިކަން ޢާއްމުކޮށް އެންގުމަށްޓަކައި އިޢުލާންކުރަމެވެ.