މިކޯޓަށް 11 ކޮމްޕިއުޓަރ ސިސްޓަމް ގަތުމަށް ކުރެވުނު ނަންބަރު: 144-A3/2018/679 އިޢުލާނާއި ގުޅިގެން އެއްވެސް ފަރާތަކުން އަންދާސީ ހިސާބު ހުށަހަޅާފައިނުވާތީ، އެތަކެތި ގަތުމަށް އަލުން އިޢުލާނު ކުރަމެވެ.

ވީމާ، އެކަމަށް ޝައުޤުވެރިވަޑައިގަންނަވާ ފަރާތްތަކުން 08 އޮގަސްޓް 2018 ވާ ބުދަ ދުވަހުގެ 14:45 އަށް ސިވިލް ކޯޓަށް ވަޑައިގެން އަންދާސީ ހިސާބު ހުށަހެޅުއްވުން އެދެމެވެ.

މި އިޢުލާނާއި ގުޅޭ މަޢުލޫމާތު ކަރުދާސް އެޓެޗްކުރެވިފައި ވާނެއެވެ.

18 ޛުލްޤަޢިދާ 1439

31  ޖުލައި  2018 

c

ސިވިލް ކޯޓު

މާލެ

ދިވެހިރާއްޖެ

ނަންބަރު  144-A3/2018/743( 31ޖުލައި 2018 ) އިޢުލާނާއިގުޅޭ މަޢުލޫމާތު

(ކޮމްޕިއުޓަރ ސިސްޓަމް ގަތުމާގުޅޭ)

31 ޖުލައި 2018

• މި އިޢުލާނާއި ގުޅިގެން އަންދާސީ ހިސާބު ހޯދުމަށް ބޭނުންވާ ތަކެތީގެ ތަފްޞީލް ތިރީގައި އެވަނީއެވެ.

ނޯޓު: ހުށަހަޅާ ތަކެތީގެ ސްޕެސިސިކޭޝަން މަތީގައިވާ ސްޕެސިސިކޭޝަނައްވުރެ ދައްވެގެން ނުވާނެއެވެ.

އަންދާސީ ހިސާބު ހުށަހެޅުމުގައި ސަމާލުކަން ދެއްވަންވީ ކަންތައްތައް:

1. މި ތަކެތި ސިވިލް ކޯޓާއި ޙަވާލުކޮށް ނިންމުމުގެ ކުރިން  އަގުގެ ތެރެއިން އެއްވެސް މިންވަރެއް ލިބިއެއް ނުދެވޭނެއެވެ.
2. މިކޯޓުން ދެވުނު މަޢުލޫމާތު ކަރުދާހުގައި ބަޔާންކުރެވިފައިވާ ސްޕެސިފިކޭޝަންގެ ތަކެތީގެ އަގު ހުށަހެޅުއްވުމަށް ސަމާލުކަންދެއްވުމާއެކު،  އެއައްވުރެ މަތީ ސްޕެސިފިކޭޝަންގެ ތަކެތީގެ އަގު އިތުރު އޮޕްޝަންއެއްގެ ގޮތުގައި ހުށަހެޅިދާނެއެވެ.
3. އަންދާސީ ހިސާބުގައި ތަކެތީގެ ތަފްޞީލީ މަޢުލޫމާތާއެކު ވަކިވަކިން އެއްޗެއްގެ އަގާއި ތަކެތީގެ ޖުމްލަ އަގު ހުށަހަޅުއްވަންވާނެއެވެ.
4. ހުށަހަޅާ އަންދާސީ ހިސާބުގައި ތަކެތީގެ ވޮރަންޓީގެ މުއްދަތާއި، ޕާރޓްސް ވޮރަންޓީއާއި ސާރވިސް ވޮރަންޓީގެ މުއްދަތާއި، ސާރވިސް ވޮރަންޓީގެ މުއްދަތުގައި ދެއްވާނެ ޚިދުމަތެއްވާނަމަ  އެމަޢުލޫމާތާއި، މަސައްކަތް ޙަވާލުކުރުމުން ތަކެތި ގެނެސް ސިވިލް ކޯޓާއި ޙަވާލުކޮށް ނިންމައިދެވޭނެ މުއްދަތު ބަޔާން ކުރެވިފައި އޮންނަންވާނެއެވެ.
5. އަންދާސީ ހިސާބު ހުށަހަޅާ ފަރާތުގެ މަސައްކަތުގެ ތަޖްރިބާ ހުރި ނެތްގޮތް އޮޅުންފިލާނެ ޕްރޮފައިލް އަންދާސީ ހިސާބާއެކު ހުށަހަޅަންވާނެއެވެ. މިގޮތުން ހުށަހަޅުއްވަނީ ކުންފުންޏަކުން ނަމަ ކުންފުނީގެ ރަޖިސްޓްރީގެ ކޮޕީއާއި ކުންފުނީގެ ޑިރެކްޓަރުންގެ މަޢުލޫމާތާއި، އަމިއްލަ ފަރާތަކުން ހުށަހަޅުއްވާނަމަ އައިޑެންޓިޓީކާޑުގެ ފޮޓޯކޮޕީ އާއި، ފާއިތުވި 2 (ދޭއް) އަހަރު މިފަދަ ތަކެތި ވިއްކާފައިވާ ތަންތަނުން ދީފައިވާ ލިޔުން ހުށަހަޅުއްވަން ވާނެއެވެ. މާރކްސް ދިނުމުގައި ބެލެވޭނީ ހަމައެކަނި މަސައްކަތް ނިންމި ކަމުގެ ލިޔުމަށެވެ. އެގްރީމެންޓް ނުވަތަ ބިޑް އެވާރޑް ލެޓަރ މީގެ ތެރޭގައި ޤަބޫލު ނުކުރެވޭނެއެވެ.
6. އަންދާސީ ހިސާބު ޤަބޫލުކުރެވޭނީ އަންދާސީ ހިސާބު ހުށަހަޅާ ފަރާތަކީ ދައުލަތައް ދައްކަންޖެހޭ އެއްވެސް ޓެކުހެއް ނުދައްކާ އޮތް ފަރާތެއް ނޫންކަން ސާބިތުކޮށްދޭ ޓެކްސް ކްލިއަރެންސް ލިޔުމުން ހުށަހެޅުމުންނެވެ. އަދި މީގެ އިތުރުން އަންދާސީ ހިސާބު ހުށަހަޅާ ފަރާތަކީ ޕެންޝަން އޮފީހަށް އެއްވެސް ފައިސާއެއް ދައްކަންޖެހި ނުދައްކާވާ ފަރާތެއްކަމުގައި ވެގެންނުވާނެއެވެ.
7. ކަނޑައެޅިފައިވާ ސްޕެސިފިކޭޝަނަށްވުރެ ދަށް ސްޕެސިފިކޭޝަންގެ ތަކެތި ޤަބޫލެއް ނުކުރެވޭނެއެވެ.
8. ތަކެއްޗާއި މިކޯޓުން ޙަވާލުވާނީ އެތަކެތި ގެނެސް އިންސްޓޯލްކޮށްދީ ނިންމުމުން މިކޯޓުގެ ފަރާތުން ޗެކްކޮށް މައްސަލައެއް ނެތްކަން ޔަޤީން ކުރުމަށްފަހުގައެވެ.
9. ވޮރަންޓީގެ މުއްދަތުގެ ތެރޭގައި ޑެލިވަރީގެ ޚަރަދެއް ނުދެވޭނެއެވެ. މަސަލައެއް ދިމާވެއްޖެ ނަމަ އެކަންކަން ރަނގަޅުކުރުމަށް ކުރެވޭ ޚަރަދުގެ ތެރެއިން އެއްވެސް މިންވަރެއް މިކޯޓުން އެފަރާތަކަށް ނުދެވޭނެއެވެ.
10. އަންދާސީ ހިސާބު ހުށަހަޅުއްވާއިރު އަންދާސީ ހިސާބުގައި މިދަންނަވާ މަޢުލޫމާތު ފުރިހަމަ ކުރެވިފައި އޮންނަންވާނެއެވެ.

       (ހ) މިކޯޓުގެ އިޢުލާނުގެ ނަންބަރާއި ތާރީޚް އަންދާސީ ހިސާބާއި ހުށަހަޅުއްވާ ތަފްޞީލް  ލިޔުންތަކުގައި ލިޔުއްވުން.

1. މިމަސައްކަތާއިގުޅިގެން ޕޮއިންޓް ދެވޭނީ މިދަންނަވާ ގޮތުގެ މަތީންނެވެ.

(ހ) ހުށަހަޅުއްވާ އަގުގެ މައްޗަށް 50 ( ފަންސާސް ) ޕޮއިންޓް (އެންމެ ކުޑައަގު ހުށަހަޅުއްވާ ފަރާތަކަށް އެންމެ ގިނަޕޮއިންޓް)

(ށ) ހުށަހަޅުއްވާ ތަކެތީގެ ފެންވަރުގެ މައްޗަށް  5 ( ފަހެއް ) ޕޮއިންޓް ( ހުށަހަޅުއްވާފައިވާ ތަކެތީގައި އެކުލެވިގެންވާ ބައިތަކުގެ  މައްޗަށް ބަލާ ދެވޭ ޕޮއިންޓް )

(ނ) މުއްދަތަށް 30 (ތިރީސް) ޕޮއިންޓް ( ތަކެތި ގެނެސް އިންސްޓޯލްކޮށް މިކޯޓާއި ޙަވާލުކުރެވޭނެ އެންމެ ކުރު މުއްދަތު ހުށަހަޅުއްވާ ފަރާތަކަށް އެންމެ ގިނަ ޕޮއިންޓް )

      (ރ) ތަޖްރިބާގެ މައްޗަށް 5 (ފަހެއް) ޕޮއިންޓް  ( ފާއިތުވި 2 (ދޭއް) އަހަރު މިފަދަ ތަކެތި އެންމެ ގިނައިން ސަޕްލައިކޮށްފައިވާ ފަރާތްތަކުން ސަޕްލައިކޮށްދީފައިވާ ކަމުގެ ލިޔުން ހުުށަހަޅާ މިންވަރުގެ މައްޗަށް ބިނާކޮށް ގިނަ ތަކެތި ސަޕްލައިކޮށްފައިވާ ފަރާތަށް އެންމެ ގިނަ ޕޮއިންޓް )

(ބ) ވޮރަންޓީގެ މައްޗަށް 10 (ދިހަހެއް) ޕޮއިންޓް  ( ވޮރަންޓީގެ މުއްދަތާއި ( ޕާރޓްސް ވޮރަންޓީ އާއި ސާރވިސް ވޮރަންޓީ ހިމެނޭ ގޮތުން ) އެ މުއްދަތުގެ ތެރޭގައި ދޭނެ ޚިދުމަތަށްބަލާ އެންމެ ޚިދުމަތްތެރި ހުށަހެޅުމަކަށް އެންމެ ގިނަ ޕޮއިންޓް)

1. މި ތަކެތި ސަޕްލައި ކުރުމަށް ޙަވާލުކުރާނީ މަތީގައިވާ ކަންތައްތަކަށްބަލައި، އެންމެ ގިނަ ޕޮއިންޓް ލިބޭ ފަރާތަކަށެވެ.
2. ތަކެތި ގެނެސްދިނުމަށް ދެވޭ މުއްދަތުގައި ގެނެސް ނުދެވިއްޖެނަމަ، އިތުރުވާ ކޮންމެ ދުވަހަކަށް ތަކެތީގެ ޖުމްލަ އަގުން، މާލިއްޔަތު ޤާނޫނުގައި ވާ ފަދައިން ޖޫރިމަނާގޮތުގައި ކެނޑޭނެއެވެ. މުއްދަތުގައި ތަކެތި ގެނައިކަމަށް ބެލެވޭނީ ގެނެސްދިނުމަށް ކަނޑައެޅިފައިވާ މުއްދަތުގައި ގެނެސް ކުރަންޖެހޭ އެންމެހައިކަންތައްތައް ފުރިހަމަކޮށް ސިވިލް ކޯޓާއި ޙަވާލުކުރުމުންނެވެ.
3. ތަކެތި ގެނެސްދިނުމަށް ކަނޑައެޅިފައިވާ މުއްދަތަށް ތަކެތި ނުގެނެސްގެން ޖޫރިމަނާ ކުރެވޭ ޢަދަދު ތަކެތީގެ ޖުމްލަ އަގުގެ 15   (ފަނަރަ) އިންސައްތައަށްވުރެ އިތުރުވެއްޖެ ނަމަ އެހިސާބުން ފެށިގެން ޙަވާލުކުރެވުނު ތަކެތި ގެނައުމުގެ މަސައްކަތުން ވަކިކުރެވޭނެއެވެ. މީގެ އިތުރުން އެމުއްދަތައް ތަކެތި ނުގެނައުމުގެ ސަބަބުން ކުރެވޭ ޖޫރިމަނާގެ ފައިސާވެސް އެފަރާތަކުން ދައްކަން ޖެހޭނެއެވެ.
4. 15.   މަޤްބޫލް ސަބަބެއް މެދުވެރިވެގެން މުއްދަތުގައި ތަކެތި ގެނެސް ޙަވާލު ނުކުރެވޭނަމަ ނުގެނެވުނު ސަބަބު ބަޔާންކޮށް ލިޔުމަކުން އެކަން މުއްދަތު ހަމަވުމުގެ ކުރިން ( ސަރުކާރު ބަންދުނޫން 7 " ހަތެއް" ދުވަހުގެ ކުރިން ސިވިލް ކޯޓަށް ހުށަހަޅުއްވާ ގޮތެއް ނިންމަވަން ވާނެއެވެ. މިގޮތުން މުއްދަތު އިތުރު ކުރުމަށް ހުށަހެޅުއްވޭނީ 1 (އެކެއް) ފަހަރު އެވެ.
5. އަންދާސީ ހިސާބު ހުށަހެޅުއްވޭނީ ކޮންމެ ފަރާތަކަށް 1 ( އެކެއް) އަންދާސީ ހިސާބެވެ. އަންދާސީ ހިސާބު ހުށަހެޅުއްވުމުގައި އެކަކަށް ހުށަހެޅުއްވޭނީ 1 (އެކެއް) އަންދާސީ ހިސާބެވެ. އަންދާސީ ހިސާބު ހުށަހަޅުއްވަންވާނީ އެތަނެއްގެ ލެޓަރހެޑް ގައެވެ.
6. މިލިޔުމުގައި ބަޔާންވެގެންނުވާ ކަމެއްވާނަމަ އެކަމަކާ ގުޅޭގޮތުން މަޢުލޫމާތު ސާފު ކުރެއްވުމަށް ގުޅުއްވާނީ 3006448 އެވެ.

• ·        މަސައްކަތްޙަވާލުކުރުން:

1. މި ތަކެތި ގެނައުމުގެ މަސައްކަތް ޙަވާލު ކުރާނެ ފަރާތެއް ކަނޑައެޅުމުގައި އިސްކަންދެވޭނީ، ތަކެތީގެ ފެންވަރަށާއި، ތަކެތީގެ އަގާއި، ވޮރަންޓީޕީރިއަޑްގެ މައްޗަށާއި، ޑެލިވަރީ މުއްދަތާއި މަސައްކަތުގެ ތަޖްރިބާގެ މައްޗަށް ބެލުމަށްފަހު އެންމެގިނަ ޕޮއިންޓް ލިބޭ ފަރާތަކަށެވެ. މިގޮތުން އެއްފަރާތަށްވުރެ ގިނަ ފަރާތްތަކުން ހަމަހަމަ ވެއްޖެ ނަމަ އެންމެ އެކަށީގެންވާ ކަމަށް މިކޯޓަށް ފެންނަ ފަރާތަކަށެވެ. މިގޮތުން ބަލާ އެކިފަރާތްތަކަށް ބައިކޮށްގެން ޙަވާލުކުރުމަކީ ކުރަންޖެހިދާނެ ކަމެކެވެ. މިގޮތުން ހޮވޭ ފަރާތަކަށް އެކަން ލިޔުމަކުން މިކޯޓުން އަންގާނެއެވެ. މިގޮތުން އެންގޭ ލިޔުމުގެ ކޮޕީ މި މަސައްކަތާއި ގުޅިގެން އަންދާސީ ހިސާބު ހުށަހަޅުއްވާ ހުރިހާ ފަރާތްތަކަށް ލިބިދެވޭނެއެވެ.

• އަންދާސީ ހިސާބު ބަލައިގަތުން:

އަންދާސީ ހިސާބު ބަލައިގަންނާނީ އަންދާސީ ހިސާބު ހުށަހެޅުމަށް އަންނަ އެންމެންގެ ޙާޟިރުގައި 08 އޮގަސްޓް 2018 ވާ ބުދަ ދުވަހުގެ   14:45 ގައި ސިވިލް ކޯޓު (ޖަސްޓިސް ބިލްޑިން ގްރައުންޑް ފްލޯރ) އިންނެވެ. ގަޑި ޖެހުމަށްފަހު ގެންނަ އެއްވެސް އަންދާސީ ހިސާބެއް ބަލައެއް ނުގަނެވޭނެއެވެ.