އާންމު ސަރަހާއްދުތަކަށް ކުނި އެޅުމާއިބެހޭގޮތުން އާންމުން ހޭލުންތެރި ކުރުމަށްއަމިއްލަ ޖަމިއްޔާ އަދި ޖަމާއަތްތަކަށް ޕްރޮޕޯސަލް ހުށަހެޅުމަށް ހުޅުވާލުން

މި މިނިސްޓްރީއިން 23 އެޕްރީލް 2018 ގައި ގެޒެޓުގައި ޝާއިއުކުރި ނަންބަރު IUL)438-WMPC/438/2018/141) އިޢުލާނުގެ "ޓާރމްސް އޮފް ރިފަރެންސް" އަށް ބަދަލުތަކެއް ގެނެވިފައިވާތީ އެ އިޢުލާން ބާތިލްކޮށް އަލުން އިޢުލާން ކުރީމެވެ.

އާންމު ސަރަހާއްދުތަކަށް ކުނި އެޅުމާއިބެހޭގޮތުން އާންމުން ހޭލުންތެރި ކުރުމަށް މިމިނިސްޓްރީން "ސާފު ރާއްޖެ" ނަމުގައި ހޭލުންތެރި ކުރުމުގެ ޕްރޮގްރާމެއް އަންނަނީ ހިންގަމުންނެވެ. މިގޮތުން އާންމު ސަރަހައްދުތަކާއި މޫދަށް ކުނި އެޅުމުގެ މައްސަލައަށް ހައްލެއް ހޯދުމުގެ ގޮތުން އަމިއްލަ ޖަމިއްޔާ ޖަމާއަތްތަކާއި ގުޅިގެން ހޭލުންތެރި ކުރުމުގެ ޕްރޮގްރާމްތަކެއް ހިންގުމަށް ވަނީ ރޭވިފައެވެ.

އާންމުން ހޭލުންތެރި ކުރުމަށް އަމިއްލަ ޖަމިއްޔާ އަދި ޖަމާއަތްތަކުން މަސައްކަތްތަކެއް ރާވާ ހިންގުމަށް ޕްރޮޕޯސަލް ހުށަހެޅުމުގެ ފުރުސަތު ހުޅުވާލަމެވެ. މިގޮތުން ކުރުމަށް ރާވާ މަސައްކަތްތަކުގެ ތަފްސީލާއި، ޖަމިއްޔާ ނުވަތަ ޖަމާއަތުގެ މަސައްކަތްތަކާއި ހިންގާ ފަރާތްތަކުގެ ވަނަވަރާއި އެކު "ޓާރމްސް އޮފް ރިފަރެންސް" އާ އެއްގޮތްވާ ގޮތުގެ މަތިން ޓެކްނިކަލް ޕްރޮޕޯސަލްތައް ވަކި ސިޓީ އުރައެއްގައި އަދި ފައިނޭންޝަލް ޕްރޮޕޯސަލް ދެވަނަ ސިޓީ އުރައިގައި ބަންދުކޮށް ހުށަހެޅުއްވުން އެދެމެވެ.

މި މަސައްކަތުގެ "ޓާރމްސް އޮފް ރިފަރެންސް" ޑައުންލޯޑު ކުރެވޭ ގޮތައް، މި އިޢުލާނާއި އެކު އެޓޭޗް ކުރެވިފައި ވާނެއެވެ. އަދި މި މިނިސްޓްރީގެ ވެބްސައިޓް www.environment.gov.mv އިން ޑައުންލޯޑް ކުރެވެންވެސް ހުންނާނެއެވެ. މިކަމާއި ގުޅިގެން އިތުރު މަޢުލޫމާތު އޮޅުން ފިލުވުމަށް ބޭނުން ވެއްޖެނަމަ އީމެއިލްގެ ޒަރިއްޔާއިން މި މިނިސްޓްރީއަށް ހުށަހެޅުއްވުން އެދެމެވެ.

ބީލަން ހުށަހެޅުން

ޝައުޤުވެރިވާ ފަރާތްތަކުން 3 ޖޫން 2018 ވަނަ ދުވަހުގެ 1300 ގެ ކުރިން، ޕްރޮޕޯސަލް ތިރީގައިވާ އެޑްރެހަށް  ބަންދުކުރެވިފައިވާ ސިޓީއުރައެއްގައި ހުށައެޅުއްވުން އެދެމެވެ. އަދި ޕްރޮޕޯސަލްތައް ހުޅުވާނީ 3 ޖޫން 2018 ވަނަ ދުވަހުގެ 1300 ޖަހާ އިރު އެ މީޓިންގައި ބައިވެރިވާން ބޭނުންވާ ބޭފުޅުންގެ ކުރިމަތީގައެވެ.

ވީމާ، މި މަސައްކަތް ކޮށްދެއްވަން ޝައުގުވެރިވާ ފަރާތްތަކުން ޕްރޮޕޯސަލް ފުރިހަމަކޮށް ސިޓީއުރައެއްގައި ބަނދުކޮށް، މަސައްކަތުގެ "ޓާރމްސް އޮފް ރިފަރެންސް" ގައިބަޔާންކޮށްފައިވާ ގޮތަށް ބީލަން ހުށަހެޅުއްވުން އެދެމެވެ.

ބީލަން ހުޅުވުމަށް ހަމަޖެހިފައިވަނީ 3 ޖޫން 2018 ވާ އާދީއްތަ ދުވަހުގެ 1300 ގައި މިނިސްޓްރީ އޮފް އެންވަޔަރަންމަންޓް އެންޑް އެނާރޖީގައި މި މަސައްކަތަށް އަންދާސީ ހިސާބު ހުށަހަޅުއްވާ ފަރާތްތަކުގެތެރެއިން މި ޖަލްސާގައި ބައިވެރިވެވަޑައިންނަވާ ބޭފުޅުންގެ ހާޒިރުގައެވެ.

ބީލަން ހުށަހަޅުއްވަންވާނީ ތިރީގައި މިދަންނަވާ ގޮތަށް އެޑްރެސް ކޮށްފައެވެ.

ޕްރޮކިޔުމަންޓް ޔުނިޓް،
މިނިސްޓްރީ އޮފް އެންވަޔަރަމަންޓް އެންޑް އެނަރޖީ،
ހަނދުވަރީ ހިނގުން، މާފަންނު، މާލެ، 20392، ދިވެހިރާއްޖެ.
ފޯނު: 3018341 960+ ، ފެކްސް: 3018301 960+
އީމެއިލް : [email protected]
ވެބްސައިޓް: www.environment.gov.mv