މަގާމު:

ޑިރެކްޓަރ  

މަޤާމުގެ ނަންބަރު:

J-246622

ބޭނުންވާ އަދަދު:

01 (އެކެއް)

މަޤާމުގެ ގިންތި:

ދާއިމީ

މަޤާމުގެ ރޭންކް:

އީ.އެކްސް 1

މަޤާމުގެ ކްލެސިފިކޭޝަން:

ޑިރެކްޓަރ

ސެކްޝަން:

ޒުވާނުންގެ މަރުކަޒު

މަޤާމް އޮތް އޮފީސް:

މިނިސްޓްރީ އޮފް ޔޫތު އެންޑް ސްޕޯޓްސް

ވަޒީފާ އަދާކުރަން ޖެހޭ ތަން:

މިނިސްޓްރީ އޮފް ޔޫތު އެންޑް ސްޕޯޓްސް، ޒުވާނުންގެ މަރުކަޒު މާލެ

މުސާރަ:

މަހަކު 8835.00ރުފިޔާ

ސަރވިސް އެލަވަންސް:

މަހަކު 2000.00ރުފިޔާ

އިތުރު ޢިނާޔަތްތައް:

1. ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުސޫލުން ބޭސްފަރުވާގެ ޚިދުމަތް.
2. ދިވެހިރާއްޖޭގެ ޕެންޝަނާބެހޭ ޤާނޫނުގެ ދަށުން ލިބިދެވޭ ޕެންޝަން ކޮންޓްރިބިއުޝަން.
3. ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުސޫލުން އިތުރުގަޑީގެ ފައިސާ.

މަޤާމުގެ މަސްއޫލިއްޔަތުތަކާއި ވާޖިބްތައް:

1. ރާއްޖޭން ބޭރު ފަރާތްތަކާއި އެކު ގުޅުން ބަދަހިކުރުމަށް މަސައްކަތްކުރުމާއި އެފަރާތްތަކާއި ގުޅިގެން ރާއްޖޭގެ ޒުވާނުންނަށް ކުރިއަށްދެވޭނެ ފުރުސަތުތައް ހޯދައިދިނުމަށް މަސައްކަތްކުރުން.
2. ރާއްޖޭން ބޭރުގެ އެހެން ފަރާތްތަކާ އެކު ހެދޭ އެކްޝަން ޕްލޭން ނުވަތަ އެމް.އޯ.ޔޫ ތަކުގެ ދަށުން ކުރަންޖެހޭ މަސައްކަތް ކުރުވުމުގައި އިސްދައުރެއް އަދާކޮށް ޕްރޮގްރާމްތައް މޮނިޓަރކޮށް ބެލެހެއްޓުން.
3. ޑޯނާ އެޖެންސީތަކާއި އެކު މަޝްވަރާ ބައްދަލުވުންތައް ބާއްވާ ޑިޕާޓްމަންޓާ އެކު މަސައްކަތް ކުރާނެ ގޮތުގެ އެކްޝާން ޕްލޭނެއް އެކުލަވާލުން އަދި  ޕްރޮގްރާމްތައް ކުރިއަށްދާގޮތް ބަލައި ވިލަރެސްކޮށް ބެލެހެއްޓުން.
4. އެކި އެކި ދާއިރާތަކުން ޒުވާނުންނާ ގުޅުންހުރި ރިސާރޗްތައް ހެދޭ މިންވަރު ބަލައި އެކަމަށް މަގުފަހިކޮށްދިނުން. އަދި ރިސާރޗް ނިމުމުން ރިސާރޗްގެ ރިޕޯޓް ޢާންމު ކުރުމުގައި އިސްކޮށް ހަރަކާތްތެރިވެއުޅުން. އަދި ރިޕޯޓް ތައް އެނަލައިޒްކުރުމަށްފަހު ޒުވާނުންގެ މަރުކަޒުތަކުން /ޔޫތް ސެކްޝަން އިން ހިންގޭނެ ޕްރޮގްރާމްތައް ކަނޑައެޅުން.
5. ޒުވާނުންނަށް އަމާޒުކޮށްގެން ހިންގޭ ޕްރޮގްރާމްތަކުގެ ޑޭޓާބޭސްއެއް ހެދުމަށް މަސައްކަތްކޮށް އަދި  މަސައްކަތް ވިލަރެސްކޮށް ބެލެހެއްޓުން.
6. ޔޫތު ޑިޕާޓްމަންޓުގެ އިދާރީ އަދި ބަޖެޓުގެ ކަންތައްތައް ރާވާ ހިންގައި އެހީތެރިކަން ފޯރުކޮށްދިނުން.
7. ޒުވާނުންގެ ތަރައްގީއާއި ގުޅުންހުރި އެކިއެކި ތަމްރީން ޕްރޮގްރާމްތަކާއި ހޭލުންތެރިކުރުމުގެ ޕްރޮގްރާމްތައް ރާވާ، މޮނިޓަރ ކުރުމުގައި ވިލަރެސްކުރުން.
8. ޔޫތު ހެލްތް ސްޓްރެޓަޖީގެ މަސައްކަތްކުރުން.
9. ޒުވާނުންގެ ގައުމީ މަޖްލިސް ރިވިއު ކުރުމާއި މަޖިލީހުގެ މަސައްކަތް ވިލަރެސްކުރުން.
10. ޒުވާނުންގެ ގައުމީ ސިޔާސަތު ރިވިއުކުރުމުގެ މަސައްކަތްކުރުން.
11. މީގެ އިތުރުންވެސް ތަނުގެ މަސައްކަތަށް ކުރިއެރުން ލިބޭފަދަ ހުރިހާ ކަމެއްގައި ބައިވެރިވުމާއެކު ވަޒީފާއާއި ގުޅޭގޮތުން އޮފީހުން އަންގާ އެންގުންތަކަށް އެއްބާރުލުން ދިނުން.
12. އިންޓަނޭޝަނަލް ރިލޭޝަންގެ މަސައްކަތް ރާވާ ހިންގުން.
13. ޒުވާނުންނަށް ބޭނުންވާ ޕްރޮގްރާމްތަށް ދެނެގަނެ ޕްރޮގްރާމްތަށް ރާވާހިންގުން.
14. ޒުވާނުންނަށް ބޭނުންވާ މާލީ އަދި ފަންނީ އެހީ ހޯދުމަށް ބޭނުންވާ ކަންކަން ކުރުމަށް ޕްރޮޖެކްޓް ލިޔެ ތައްޔާރުކުރުން.
15. ޒުވާނުންނަށް ދިމާވާ މައްސަލަތަށް ދިރާސާކޮށް ވަޒަންކޮށް އެއިރަކަށް ގެންނަންޖެހޭ ބަދަލުތަށް ގެނެސް ކުރިއަށް ގެންދިއުން.
16. ޒުވާނުން މަސައްކަތަށް އަހުލުވެރި ކުރުމުގެ ގޮތުން ކުރަންޖެހޭ އެންމެހާ މަސައްކަތްތަށް ރާވާ ހިންގުން.
17. ޒުވާނުން އިޖްތިމާޢީ، އިގްތިޞާދީ އަދި ނަފްސާނީގޮތުން ދުޅަހެޔޮ ބަޔަކަށް ހެދުމަށް ދިރާސާތަކުގެ އަލީގައި ޕްރޮގްރާމްތަށް ރާވާ ހިންގުން.
18. ޒުވާނުންގެ ދިރިއުޅުމުގެ ވައްޓަފާޅިއަށް އަންނަމުންދާ ނޭއްގާނީ އަމަލުތައް ހުއްޓުވުމަށްޓަކައި ޕްރޮގްރާމްތަށް ރާވާ ހިންގުން.
19. ޒުވާނުންގެ މެދުގައި ވޮލަންޓިއަރިޒަމް ކުރިއެރުވުމަށް މަސައްކަތްތަށް ރާވާ ހިންގުން.
20. ޒުވާނުންނަށް އަމާޒުކޮށްގެން ހިންގާނެ ފެއަރތައް އެކަށައަޅާ އަހަރީ ޕްލޭނެއް އެކުލަވާލުން.

މަޤާމުގެ ޝަރުތުތައް:

1-      މެނޭޖްމަންޓް/ އެޑްމިނިސްޓްރޭޝަން/ ޔޫތު އެފެއާރޒް ދާއިރާއަކުން ދިވެހިރާއްޖޭގެ ގައުމީ ސަނަދުތަކުގެ އޮނިގަނޑުގެ ލެވެލް 5ގެ ސަނަދެއް ޙާސިލްކޮށްފައި ވުމާއެކު، މަގާމުގެ މަސައްކަތުގެ ދާއިރާއެއްގައި 6 އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން.

ނުވަތަ

2-      މެނޭޖްމަންޓް/ އެޑްމިނިސްޓްރޭޝަން/ ޔޫތު އެފެއާރޒް ދާއިރާއަކުން ދިވެހިރާއްޖޭގެ ގައުމީ ސަނަދުތަކުގެ އޮނިގަނޑުގެ ލެވެލް 6ގެ ސަނަދެއް ޙާސިލްކޮށްފައި ވުމާއެކު، މަގާމުގެ މަސައްކަތުގެ ދާއިރާއެއްގައި 4 އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން.

ނުވަތަ

3-      މެނޭޖްމަންޓް/ އެޑްމިނިސްޓްރޭޝަން/ ޔޫތު އެފެއާރޒް ދާއިރާއަކުން ދިވެހިރާއްޖޭގެ ގައުމީ ސަނަދުތަކުގެ އޮނިގަނޑުގެ ލެވެލް 7ގެ ސަނަދެއް ޙާސިލްކޮށްފައި ވުމާއެކު، މަގާމުގެ މަސައްކަތުގެ ދާއިރާއެއްގައި 2 އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން.

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް:

• ތަޢުލީމާއި ތަމްރީން.
• މަސައްކަތުގެ ތަޖުރިބާ.
• އިންޓަވިއު.
• ޤާނޫނުތަކާއި ގަވާއިދުތަކަށް އަހުލުވެރިވެފައިވާ މިންވަރު.

ހުށަހަޅަންޖެހޭ ލިޔުންތައް:

1. ފުރިހަމަ ކުރައްވާފައިވާ ވަޒީފާއަށް އެދޭ ފޯމު
2. ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީމެއިލް އެޑްރެސް ހިމެނޭގޮތަށް)
3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ، މުއްދަތު ހަމަނުވާ ކާޑުގެ ދެފުށުގެ ލިޔުންތައް ފެންނަ، އަދި ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް.
4. ސިވިލް ސަރވިސްއަށް / ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން ކުރިމަތިލާ މަޤާމަށް ހޮވިއްޖެނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއް ނެތްކަމަށް، ވަޒީފާ އަދާކުރާ އޮފީހުގެ ލިޔުން.
5. ލިބިފައިވާ ހުރިހާ ތަޢުލީމީ ސެޓުފިކެޓުތަކުގެ ކޮޕީ.

(ހ) މޯލްޑިވްސް ކޮލިފިކޭޝަން އޮތޯރިޓީން ފެންވަރު ބައްލަވާފައިވާ ތަޢުލީމީ ސެޓުފިކެޓުތަކުގެ ކޮޕީ (ރާއްޖޭގައި ރަޖިސްޓްރީކޮށްގެން ހިންގާ މަތީ ތަޢުލީމުދޭ މަރުކަޒަކުން ހިންގާ ރާއްޖެއިން ބޭރުގެ ޕްރޮގްރާމްތަކުގެ ފެންވަރު ބައްލަވާފައިވާ ސެޓުފިކެޓުތަކާއި، ރާއްޖެއިން ބޭރުގެ މަތީ ތަޢުލީމުދޭ މަރުކަޒަކުން ހިންގާ ރާއްޖެއިން ބޭރުގެ ޕްރޮގްރާމްތަކުގެ ފެންވަރު ބައްލަވާފައިވާ ސެޓުފިކެޓުތައް ނުވަތަ ކޯސް ފުރިހަމަކުރިކަމުގެ ލިޔުމާއެކު ކޯހުން ލިބޭ ސެޓުފިކެޓު ވަކި ފެންވަރެއްގައި ޤަބޫލު ކުރެއްވޭނެކަމަށް މޯލްޑިވްސް ކޮލިފިކޭޝަން އޮތޯރިޓީން ދޫކުރައްވާފައިވާ ލިޔުމުގެ ކޮޕީ)

(ށ) ރާއްޖޭގައި ރަޖިސްޓްރީކޮށްގެން ހިންގާ މަތީ ތަޢުލީމުދޭ މަރުކަޒަކުން ކުރިއަށްގެންދާ ރާއްޖޭގެ

 ޕްރޮގްރާމްތަކުގެ ސެޓުފިކެޓުތަކުގެ ކޮޕީ.  ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީ.

(ނ) ސިވިލް ސަރވިސް ޓްރޭނިންގ އިންސްޓިޓިއުޓުން ހިންގަވާ ކޯސްތަކުގެ ސެޓުފިކެޓުތަކުގެ ކޮޕީ.

6. ފުރިހަމަކޮށްފައިވާ، ކުރު މުއްދަތުގެ ކޯސްތަކާއި ތަމްރީނުތަކުގެ ސެޓުފިކެޓުތަކުގެ ކޮޕީ.

7. ސިވިލް ސަރވިސްގެ ވަޒީފާއަށް ވަނުމަށް ދެވޭ އިމްތިޙާނުން ފާސްވިކަން އަންގައިދިނުމުގެ ގޮތުން ސިވިލް

ސަރވިސް ޓްރޭނިންގ އިންސްޓިޓިއުޓުން ދޫކޮށްފައިވާ ސެޓުފިކެޓުގެ ކޮޕީ.

1. މަސައްކަތުގެ ތަޖުރިބާ ދެނެގަތުމަށް، މަސައްކަތްކޮށްފައިވާ އިދާރާތަކުން ދޫކޮށްފައިވާ ލިޔުންތަކުގެ ކޮޕީ

(ހ) ސިވިލް ސަރވިސް އިން ބޭރު ވަޒީފާއެއް އަދާކޮށްފައިވާނަމަ، އެ ވަޒީފާއެއް އަދާކުރި މުއްދަތާއި ކުރި މަސައްކަތް ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ށ)އަމިއްލަ ކުންފުންޏެއްގެ ނުވަތަ އަމިއްލަ އިންސްޓިޓިއުޓެއްގެ ނުވަތަ އަމިއްލަ އިދާރާއެއްގައި ވަޒީފާ އަދާކޮށްފައިވާނަމަ ވަޒީފާ އަދާކުރި މުއްދަތާއި ކުރި މަސައްކަތް އަދި މަސައްކަތްކޮށްފައިވާ ތަނުގެ މުވައްޒަފުންގެ އަދަދު ބަޔާންކޮށް އެ އޮފީހަކުން ދޫކޮށްފައިވާ ލިޔުން.

މަޤާމަށް އެދެންވީގޮތާއި ސުންގަޑި:

ވަޒީފާއަށް އެދޭ ފޯމު މިނިސްޓްރީ އޮފް ޔޫތު އެންޑް ސްޕޯޓްސްގެ ކައުންޓަރުން ލިބެން ހުންނާނެއެވެ. އަދި، މި އިދާރާގެ www.youth.gov.mv  ވެބްސައިޓުން މި ފޯމު ޑައުންލޯޑުވެސް ކުރެވޭނެއެވެ. މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ 2017 ނޮވެންބަރު 6 ވާ ހޯމަ ދުވަހުގެ 13:30 ގެ ކުރިން، މިނިސްޓްރީ އޮފް ޔޫތު އެންޑް ސްޕޯޓްސް (ވެލާނާގެ 3 ވަނަ ފަންގިފިލާ) އަށެވެ. ވަޒީފާއަށް އެދޭ ފޯމާއި ލިޔުންތައް އީމެއިލް މެދުވެރިކޮށްވެސް އަދި ފެކްސް މެދުވެރިކޮށްވެސް ބަލައި ގަނެވޭނެއެވެ. އީ-މެއިލް އެޑްރެހަކީ، [email protected]  އެވެ. ފެކްސް ނަންބަރަކީ، 3327162 އެވެ. އެޕްލިކޭޝަން ފޯމާއެކު ހުށަހަޅަންޖެހޭ ހުރިހާ ލިޔުންތައް ހުށަހަޅާފައި ނުވާނަމަ އެޕްލިކޭޝަން ބާޠިލުކުރެވޭނެއެވެ.

އިންޓަވިއު އޮންނާނެ ތަނާއި، މުއްދަތު:

މި މަޤާމަށް މީހަކު ހޮވުމަށް ބޭއްވޭ އިންޓަވިއު  އޮންނާނީ، 10 ނޮވެންބަރު 2017  އާއި 30 ނޮވެންބަރު 2017  އާ ދެމެދު، މިނިސްޓްރީ އޮފް ޔޫތު އެންޑް ސްޕޯޓްސް (ވެލާނާގެ 3 ވަނަ ފަންގިފިލާ) ގައެވެ. ވުމާއެކު، މި ވަޒީފާއަށް ކުރިމަތިލާ ފަރާތްތަކުން، އެ ތާރީޚުތަކުގައި އިންޓަވިއުއަށް ހާޒިރުވުމަށް ތައްޔާރުވެގެން ތިބުން އެދެމެވެ.

ޝޯޓް ލިސްޓްކުރުން:

މި ވަޒީފާއަށް އެދި ހުށަހަޅާ، ޝަރުޠު ހަމަވާ ފަރާތްތަކުގެ އަދަދު 10 އަށްވުރެ ގިނަނަމަ، ތަޢުލީމީ ފެންވަރާއި ތަޖުރިބާއަށް ބަލައި، ވަޒީފާއަށް ކުރިމަތިލާފައިވާ ފަރާތްތަކުގެ ތެރެއިން އެންމެ މަތިން މާކްސް ލިބޭ 10 ފަރާތް ޝޯޓްލިސްޓް ކުރެވޭނެއެވެ.

މަޤާމަށް މީހުން ހޮވުމަށް ކަނޑައަޅާފައިވާ ކްރައިޓީރިއާގެ ހުރިހާ ބަޔަކުން އެންމެ ދަށްވެގެން ލިބެންޖެހޭ ޖުމްލަ އިންސައްތަ:

%30 (އިންސައްތަ).

އިތުރު މަޢުލޫމާތު ހޯދުން:

މި އިޢުލާނާ ގުޅިގެން މަޢުލޫމާތު ސާފުކުރުމަށް ގުޅާނީ 3347316 ނަންބަރު ފޯނާއެވެ. ފެކްސް ނަންބަރަކީ، 3327162 އެވެ. އީ-މެއިލް ކުރާނީ [email protected] އަށެވެ.