ސަރކިއުލަރ 

މި މިނިސްޓްރީގެ ނަންބަރ 142C2/CIR/2017/15 ސާރކިއުލާރ އާއި ހަވާލާދީ ދަންނަވަމެވެ.

ފަޤީރުންގެ ލިސްޓުގައި ރަޖިސްޓްރީވުމަށް އެދޭ ފޯމް ހުށަހެޅުމުގެ މުއްދަތު އިތުރުކޮށްދިނުމަށް އެދި އަތޮޅުތެރޭގެ ވަރަށްގިނަ ރަށްރަށުން އެދެމުންދާތީ، ފަޤީރުންގެ ލިސްޓްގައި ހިމެނުމަށް ދެވިފައިވާ މުއްދަތު 18 މެއި 2017 ވަނަ ދުވަހުގެ 12:00 ގެ ނިޔަލަށް އިތުރުކޮށްފައިވާ ވާހަކަ ދެންނެވީމެވެ. މާލެ އޭރިއާގެ ފޯމްބަލައިގަތުން ކުރިއަށްދާނީ  14 މެއި 2017 އިން 16 މެއި 2017 ގެ ނިޔަލަށެވެ. އަތޮޅުތެރޭގެ ފޯމްތައް ބަލައިގަތުން ކުރިއަށްދާނީ 14 މެއި 2017 އިން ފެށިގެން 18 މެއި 2017 ވަނަ ދުވަހުގެ ނިޔަލަށެވެ.

ވީމާ، މިކަމަށް ޚާއްޞަ ސަމާލުކަމެއް ދެއްވައި އަތޮޅުތެރޭގެ ރައްޔިތުން ހުށަހަޅުއްވާ ފޯމްތައް ކައުންސިލްތަކުން ބަލައިގަތުމަށްފަހު، ކައުންސިލްތަކުން ފުރިހަމަކުރަންޖެހޭ ބައިތައް ފުރިހަމަ ކުރައްވާ ކައުންސިލް ތައްގަނޑު ޖެއްސެވުމަށްފަހު، ކަނޑައެޅިފައިވާ ތާރީޚުގައި ފޯމްތައް މި މިނިސްޓްރީއަށް ފޮނުވުން އެދެމެވެ. މިފޯމް މި މިނިސްޓްރީގެ ވެބްސައިޓުން  (islamicaffairs.gov.mv) ޑައުންލޯޑް ކުރެވެން ހުންނާނެ ވާހަކަ ދެންނެވީމެވެ.

                             15 ޝަޢުބާން 1438