އިޢުލާން

ޤަވާއިދާއި ޚިލާފަށް މާލެއާއި ވިލިނގިލީގެ ފަޅުގެ އެކި ސަރަޙައްދުތަކުގައި ދަތުރުނުކޮށް އަޅާފައި ހުންނަތާ ގިނަދުވަސްވެފައިވާ އުޅަނދުފަހަރު ނެގުމާއި ބެހޭ

މިހާރަކަށް އައިސް މާލެއާއި ވިލިނގިލީގެ ފަޅު ބެލެހެއްޓުމާބެހޭ ޤަވާއިދާއި ޚިލާފަށް، އުޅަނދު ބަލަހައްޓާނެ ފަރާތެއް ނެތި އެއްގޮތަކަށްވެސް ދަތުރުނުކޮށް ގިނަދުވަސްތަކެއް ވަންދެން ފަޅުތެރޭގެ އެކިސަރަޙައްދުތަކުގައި އަޅާފައި ހުންނަ އުޅަނދުފަހަރާއި، އައިސްފޮށި ބަހައްޓައިގެން މަސްގުދަނެއްގެ ގޮތުގައި ބޭނުންކުރާ އުޅަނދުފަހަރާއި އަދި  ރަޖިސްޓްރީ ނަމްބަރު އެއްގޮތަކަށްވެސް ނުޖަހާ ހުންނަ އުޅަނދުފަހަރު ގިނަވަމުންދާކަން ފާހަގަކުރެވެއެވެ. އަދި ފަޅުގެ ގަވާއިދާ އެއްގޮތަށް ހުއްދަނަގައިގެން ފަޅުބޭނުންކުރާ ފަރާތްތަކަށް އެފަދަ އުޅަނދުފަހަރުގެ ސަބަބުން ވަރަށް ބޮޑަށް ދަތިވަމުންދާކަންވެސް ވަނީ ފާހަގަކުރެވިފައެވެ. ކަންމިހެންއޮތުމާއެކުވެސް، ޒިންމާދާރު ފަރާތެއް ނެތި ފަޅުތެރޭގައި މިގޮތަށް އަޅާފައިހުންނަ އުޅަނދުފަހަރުގައި ތަފާތު ކުއްތަށްކުރުން އިތުރުވަމުން ދާކަމުގެ ޝަކުވާ މިމިނިސްޓްރީއަށް ދަނީ ލިބެމުންމުންނެވެ.

ވީމާ 30 އޭޕްރީލް 2017 ގެ ނިޔަލަށް، އެފަދަ އުޅަނދުފަހަރުގެ ވެރިފަރާތްތަކުން އެއުޅަނދުފަހަރު މާލެއާއި ވިލިނގިލީގެ ފަޅުން ނެންގެވުމަށާއި، މިތާރީޚްގެ ފަހުން ނުނަންގަވާ ހުންނަ އެފަދަ އުޅަނދުފަހަރަކީ ބަލަހައްޓާނެ ފަރާތެއް ނެތި ފަޅުތެރެއަށް ދޫކޮށްލާފައި ހުރި އުޅަނދުފަހަރުކަމަށް ބަލާ، ޤާނޫނު ނަންބަރު 6/2008 ގެ ދަށުން އަމަލުކުރަމުންގެންދާ ' މާލެއާއި ވިލިނގިލީގެ ފަޅު ބެލެހެއްޓުމާބެހޭ ޤަވާއިދު ' އާއި އެއްގޮތަށް މިމިނިސްޓްރީއިން އެފަދަ އުޅަނދުފަހަރު ނެގުމުގެ މަސައްކަތް ކުރަމުން ގެންދާނެ ވާހަކަ ޢާންމުކޮށް އަންގާ އިޢުލާން ކުރީމެވެ.

17 ޖުމާދަލްއާޚިރާ 1438

16 މާރިޗު 2017