ދިވެހިރާއްޖެ
ޤުރްއާން ކިޔެވުމުގެ ޤައުމީ މުބާރާތް
ޤުރްއާން ކިޔެވުމުގެ 32 ވަނަ ޤައުމީ މުބާރާތް މި އަހަރު ފެށުމަށް ހަމަޖެހިފައި ވަނީ 03 މުޙައްރަމް 1439 (23 ސެޕްޓެމްބަރ 2017) ވަނަ ދުވަހު މާލޭގައެވެ.
- 1. މުބާރާތް ހުޅުވާލާފައިވާ ފަރާތްތައް:
މި މުބާރާތް ހުޅުވާލައިފާ ވަނީ އަތޮޅު ކައުންސިލްތަކަށާއި ، ސިޓީ ކައުންސިލްތަކަށާއި، އެ ކުންފުންޏެއްގެ ނުވަތަ އެ ޖަމްޢިއްޔާއެއްގެ މަޤްޞަދުތަކުގެ ތެރޭގައި އިސްލާމުދީނަށް ޚިދްމަތް ކުރުން ހިމެނޭ ކުންފުނި ތަކަށާއި ޖަމްޢިއްޔާތަކަށެވެ.
- 1. މުބާރާތުގެ ގޮފިތައް :
- 1. ފޮތުން ކިޔެވުމުގެ ގޮފި
- 2. ހިތުން ކިޔެވުމުގެ ގޮފި
- 2. މުބާރާތުގެ ބައިތައް
މި މުބާރާތުގައި ހިމެނެނީ ދެ ބަޔެކެވެ. އެއީ ފޮތުން ކިޔެވުމުގެ ބަޔާއި ހިތުން ކިޔެވުމުގެ ބަޔެވެ.މިއިން ކޮންމެ ބަޔެއް ބެހިފައިވަނީ ތިން ގޮތްޕަށެވެ. މި ގޮފިތަކަކީ
|
ފޮތުން ކިޔެވުން |
ހިތުން ކިޔެވުން |
|
ވިދިވިދިގެން 10 ފޮތް ތަޖްވީދު ހަމަތަކުގެ މަތިން |
ވިދިވިދިގެން 5 ފޮތް ތަޖްވީދު ހަމަތަކުގެ މަތިން |
|
ވިދިވިދިގެން 20 ފޮތް ތަޖްވީދު ހަމަތަކުގެ މަތިން |
ވިދިވިދިގެން 10 ފޮތް ތަޖްވީދު ހަމަތަކުގެ މަތިން |
|
މުޅި ޤުރްއާން ތަޖްވީދު ހަމަތަކުގެ މަތިން |
ވިދިވިދިގެން 20 ފޮތް ތަޖްވީދު ހަމަތަކުގެ މަތިން |
- 3. މުބާރާތުގައި ބައިވެރިވުން
- މި މުބާރާތުގައި ބައިވެރިވެވޭނީ އަތޮޅު ކައުންސިލްތަކާއި ސިޓީ ކައުންސިލްތައް ތަމްސީލު ކުރުމަށް އެ ކައުންސިލްތަކުން ހުށައަޅާ ކެންޑިޑޭޓުންނަށާއި މަތީގައި ބުނެވުނު ފަދަ ކުންފުނިތަކާއި ޖަމްޢިއްޔާތައް ތަމްސީލު ކުރުމަށް އެ ފަރާތްތަކުން ހުށައަޅާ ކެންޑިޑޭޓުންނަށެވެ.
- މުބާރާތުގައި ބައިވެރިވެވޭނީ މިކަމަށްޓަކައި ކީރިތި ޤުރްއާނާބެހޭ މަރުކަޒުން ތައްޔާރުކޮށްފައިވާ ފޯމް ފުރައި މުބާރާތުގައި ބައިވެރިވުމަށް އެދި މަރުކަޒަށް ހުށައަޅައި މަރުކަޒުން އެކަން ޤަބޫލު ކުރިކަން އެންގުމުންނެވެ.
- މުބާރާތުގައި ބައިވެރިވުމަށް އެދޭ ފޯމް 2017 މެއި 31 ވަނަ ދުވަހުގެ ކުރިން މަރްކަޒަށް ހުށައަޅަން ވާނެއެވެ.
- 15 އޭޕްރިލް 2017 ވަނަ ދުވަހުން ފެށިގެން މި ފޯމް މަރްކަޒުން ލިބެން ހުންނާނެއެވެ.
- 4. މުބާރާތުގައި ބައިވެރިކުރެވޭނެ ޢަދަދު :
- މި މުބާރާތުގެ ދެ ބައިގެ ތެރެއިން ކޮންމެ ގޮތްޕެއްގައި ވެސް ބައިވެރި ކުރެވޭނީ އަންހެން ކެންޑިޑޭޓަކާއި ފިރިހެން ކެންޑިޑޭޓެކެވެ.
- ކޮންމެ ކެންޑިޑޭޓަކަށް ބައިވެރިވެވޭނީ މުބާރާތުގައި ހިމެނޭ ދެ ބައިގެ ތިން ގޮފީގެ ތެރެއިން ކޮންމެވެސް އެއް ގޮތްޕެއްގައެވެ. އަދި އެއްވެސް ކެންޑިޑޭޓަކަށް މުބާރާތުގެ ދެ ބައިގައި ބައިވެރިއެއް ނުވެވޭނެއެވެ.
ނޯޓް: މި ޢަދަދަށްވުރެ މަދުން މުބާރާތުގައި ބައިވެރިކުރެވިދާނެއެވެ.
- 5. މުބާރާތުގައި ބައިވެރިވުމުގެ ޝަރުތުތައް :
ދިވެހި ރައްޔިތެއްކަމުގައިވުން.
ވީމާ މި މުބާރާތުގައި ބައިވެރިވެ ވަޑައިގަތުމުގެ ދަޢުވަތު އަތޮޅު ކައުންސިލްތަކަށާއި ސިޓީ ކައުންސިލްތަކަށާއި މަތީގައި ބުނެވުނު ކުންފުނި ތަކަށާއި ޖަމްޢިއްޔާތަކަށް އަރުވަމެވެ.
ވިމާ، މިކަން ޢާއްމުކޮށް އެންގުމަށް އިޢްލާން ކުރީމެވެ.
17 ރަބީޢުލްއާޚިރާ 1438
15 ޖަނަވަރީ 2017
________________________________________________________________
ނޯޓް: މިއިޢުލާން ގެޒެޓްގައި ޝާއިއުކޮށް ދެއްވުން އެދެމެވެ.
