ދިވެހިރާއްޖެ
އިޢުލާން
ހުށަހަޅުއްވާފައިވާ އަގުތައް ބޮޑުކަމަށް ފެންނާތީ، މި ސްކޫލުގެ ނަންބަރު GS76/IUL/2016/16 އިޢުލާން ބާޠިލުކޮށް، އަލުން މިމަސައްކަތަށް ކުރިމަތިލުމުގެ ފުރުޞަތު ހުޅުވާލަމެވެ.
މި ސްކޫލުގެ ވާރޭފެން ނެގުމަށް ބޭނުންކުރާ 2 ބްލޮކުގެ ދިޔަދޮވިތައް ބަދަލުކުރުމުގެ މަސައްކަތް ކޮށްދެއްވާނެ ފަރާތެއް ބޭނުންވެއްޖެ:
މި ސްކޫލުގެ (ބާރަށު ސްކޫލް) 2 ބްލޮކުގެ ދިޔަދޮވިތައް ބަދަލުކުރުމުގެ މަސައްކަތް ކޮށްދެއްވާނެ ފަރާތެއް ހޯދަން ބޭނުންވެއްޖެއެވެ. ވީމާ، މިކަމަށް ޝައުޤުވެރިވެލައްވާ ފަރާތްތަކުން ތިރީގައި މިދަންނަވާ ތާރީޚަށް މި މަދަރުސާއަށް ވަޑައިގެން މަޢުލޫމާތު ސާފުކުރެއްވުމަށްފަހު ކަނޑައެޅިފައިވާ ތާރީޚަށް އަންދާސީހިސާބު ހުށަހެޅުއްވުމަށް ދަންނަވަމެވެ. މަޢުލޫމާތު ސާފުކުރެއްވުމާއި ބިޑް ހުށަހެޅުއްވުމުގެ ބައްދަލުވުމަށް އެހެން ފަރާތެއް ފޮނުއްވާނަމަ، އެކަން އެނގޭނެ ލިޔުމަކާއެކު ބަދަލުގައި ފޮނުއްވާ ފަރާތެއްގެ ދިވެހި ރައްޔިތެއްކަން އަންގައިދޭ ކާޑުގެ ކޮޕީއެއް ހުށަހަޅުއްވަންވާނެއެވެ. މަޢުލޫމާތު ސާފުކުރެއްވުމާއި ބިޑް ހުށަހެޅުއްވުމުގެ ބައްދަލުވުމުގައި ކޮންމެ ބޭފުޅަކަށްވެސް ބައިވެރިވެވަޑައިގެންނެވޭނީ ކޮންމެވެސް އެއް ހައިސިއްޔަތަކުންނެވެ. މަޢުލޫމާތު ސާފުކުރެއްވުމުގެ ބައްދަލުވުމުގައި ބައިވެރިވެވަޑައިގެންނެވޭނީ މި ބައްދަލުވުން ނިމުމުގެ ކުރިން ބައިވެރިވެވަޑައިގަންނަވާ ފަރާތްތަކަށް އެކަންޏެވެ. އަންދާސީހިސާބު ހުށަހެޅުއްވޭނީ ގަޑިއަށް ހާޒިރުވެވަޑައިގަންނަވާ ފަރާތްތަކަށް އެކަންޏެވެ.
|
މަޢުލޫމާތު ސާފުކުރުން ފެށޭގަޑި |
އަންދާސީހިސާބު ހުށަހެޅުމަށް |
|
2016 އޮކްޓޫބަރު 24 ވާ ހޯމަދުވަހުގެ ހެނދުނު 11:30 |
2016 އޮކްޓޫބަރު 27 ވާ ބުރާސްފަތިދުވަހުގެ ހެނދުނު 11:30 |
އަދި ދަންނަވަމެވެ. މަޢުލޫމާތު ސާފުކުރެއްވުމަށް ވަޑައިނުގަންނަވާ ފަރާތްތަކުގެ އަންދާސީހިސާބު ބަލައިގަންނަގޮތަށް ހަމަޖެހިފައެއް ނުވެއެވެ. އިތުރު މަޢުލޫމާތު ސާފުކުރެއްވުމަށް ގުޅުއްވާނީ 6500527 ނަންބަރު ފޯނާއެވެ.
10 މުޙައްރަމް 1438
