ދިވެހިރާއްޖެ
ސަރުކާރުން ކަނޑައަޅާފައިވާ ދެމެހެއްޓެނިވިގޮތެއްގައި ރާއްޖޭގައި ކާބޯތަކެތި އުފެއްދުން އިތުރުކޮށްގެން ކާނާގެ ރައްކާތެރިކަން ލިބޭނެމަގު ތަނަވަސްކޮށްދިނުމުގެ ސިޔާސަތުގެ ދަށުން، ރާއްޖޭގައި އުފެއްދޭ ކާނާގެ ބާވަތްތައް އާލާކޮށް، ފުޑްސެކިއުރިޓީ ނުވަތަ ކާނާގެ ރައްކާތެރިކަން ރައްޔިތުންނަށް ހޯދައިދިނުމުގެ ޕްރޮގްރާމަށް ގަސް ފޯރުކޮށްދޭނެ ފަރާތެއް ހޯދުމަށް ކުރެވުނު އިޢުލާން (IUL)30-A2/30/2016/43 އާ ގުޅިގެން އެކަށީގެންވާ އަދަދަކަށް މަޢުލޫމާތު ދިނުމުގެ ބައްދަލުވުމަށް ހާޒިރުވެފައިނުވާތީ މި އިޢުލާން ބާޠިލުކޮށް، އަލުން އިޢުލާން ކުރަމެވެ.
މި ޕްރޮގްރާމުގެ ދަށުން 2016 ވަނައަހަރު ފ. ނިލަންދޫ، ފ. މަގޫދޫ، ފ. ފީއަލި އަދި ފ. ދަރަނބޫދޫގެ ގޭބިސީތަކަށް ގަސް ހަދިޔާ ކުރުމަށް ވަނީ ހަމަޖެހިފައެވެ. އެގޮތުން، މި ޕްރޮގްރާމް ހިންގުމަށް ހަމަޖެހިފައިވަނީ މައިގަނޑު 5 ބާވަތެއް (އަލަ، ކައްޓަލަ، ބަނބުކެޔޮ، މުރަނގަ އަދި ފަތްކެޔޮ) ދިރުވައި އާލާކުރުމުގެ މަޤްޞަދުގައެވެ.
މުޑުވައްގަސް އުފައްދަން ބޭނުންވާ އަދަދު
|
|
ދަނޑިއަލުވި |
މުރަނގަ ގަސް |
އޮޅުއަލަ |
ބަނބުކެޔޮ ގަސް |
ފަތްކެޔޮ |
|
ނިލަންދޫ |
955 |
319 |
1274 |
319 |
319 |
|
ފީއަލި |
638 |
213 |
851 |
213 |
213 |
|
މަގޫދޫ |
373 |
124 |
497 |
124 |
124 |
|
ދަރަނބޫދޫ |
252 |
84 |
336 |
84 |
84 |
|
ޖުމްލަ |
2218 |
740 |
2958 |
740 |
740 |
މި ޕްރޮގްރާމަށް ބޭނުންވާ ގަސް ފޯރުކޮށްދިނުމަށް އެދި އަންދާސީހިސާބު ހުށަހެޅުމުގެ ފުރުޞަތު ރާއްޖޭގެ ކޮންމެ ރަށެއްގެ ރަށު ކައުންސިލް، އެރަށެއްގައި ޙަރަކާތްތެރިވާ ޖަމްޢިއްޔާ ޖަމާޢަތްތައް އަދި ކޯޕަރޭޓިވް ސޮސައިޓީތަކަށް ވަނީ ހުޅުވާލެވިފައެވެ. މި ޕްރޮގްރާމް ހިންގުމަށްހަމަޖެހިފައިވާ ހުރިހާ ރަށަކަށް ބޭނުންވާ ގަސްތައް އެއްފަހަރާ ފޯރުކޮށްދިނުމަށް ނުވަތަ ވަކިވަކި ރަށްރަށަށް ބޭނުންވާ ގަސްތައް ފޯރުކޮށްދިނުމަށްވެސް އަންދާސީހިސާބު ހުށަހެޅިދާނެއެވެ. އަންދާސީހިސާބު ހުށަހަޅުއްވާ ފަރާތްތަކުގެ ތެރެއިން ޕްރޮގްރާމަށް ބޭނުންވާނެ ގަސްތައްތައްޔާރުކޮށް ފޯރުކޮށްދެވޭނެ ފަރާތެއް ކަނޑައެޅުމުގައި ބަލާނީ ތިރީގައި މިވާ ކަންކަމަށެވެ.
- އަގު %70
- މުއްދަތު %25
- ތަޖުރިބާ %5
ވީމާ، ސުރުޚީގައިވާ ޕްރޮގްރާމުގެ ދަށުން ގަސް ފޯރުކޮށްދިނުމަށް ޝައުޤުވެރިވެލައްވާ ފަރާތްތަކުން 2016 ޖުލައި 14 ވާ ބުރާސްފަތި ދުވަހުގެ 11:00އަށް މި މިނިސްޓްރީއަށް (ވެލާނާގޭގެ 7 ވަނަ ފަންގިފިލާއަށް) ވަޑައިގެން މަޢުލޫމާތު ސާފުކުރެއްވުމަށްފަހު، 2016 ޖުލައި 19 ވާ އަންގާރަ ދުވަހުގެ 11:00އަށް އަންދާސީހިސާބު ހިއްޕަވައިގެން މި މިނިސްޓްރީއަށް (ވެލާނާގޭގެ 7 ވަނަ ފަންގިފިލާއަށް) ވަޑައިގެންދެއްވުން އެދެމެވެ.
މަޢުލޫމާތު ސާފުކުރެއްވުމުގެ ބައްދަލުވުމަށް ވަޑައިނުގަންނަވާ ފަރާތްތަކުގެ އަންދާސީހިސާބު ބަލައިނުގަނެވޭނެ ވާހަކަ ދަންނަވަމެވެ.
އިތުރު މަޢުލޫމާތު ހޯއްދެވުމަށް 3339239 ، 3339211 އަދި 3339279 ނަންބަރު ފޯނާ ގުޅުއްވުން އެދެމެވެ.
