މަޤާމު

ލޯކަލް ކޮންސަލްޓަންޓް (ގެވެށި އަނިޔާގެ ޢަމަލު ހިންގާ މީހުން އިޞްލާޙުވުމަށާއި ދުޅަހެޔޮ ދިރިއުޅުމަކަށް ރުޖޫޢަވުމަށް އެހީތެރިވެދިނުމުގެ ގޮތުން ހިންގާނެ ޕްރޮގްރާމެއް ފަރުމާކުރުމަށް) 

މަސައްކަތުގެ އަގު

"ޓާމްސް އޮފް ރިފަރެންސް (ޓީ.އޯ.އާރު)" ގައިވާ މަސައްކަތްތަކަށް ރިޢާޔަތް ކުރެއްވުމަށްފަހު ކުރިމަތިލާ ފަރާތުން އަގު ހުށަހެޅުމަށް. ޓީ.އޯ.އާރު މި އޮތޯރިޓީގެ ވެބްސައިޓް www.fpa.gov.mv  އިން ލިބެން ހުންނާނެއެވެ.  

މަސައްކަތް ކުރަންޖެހޭ ތަން

ފެމިލީ ޕްރޮޓެކްޝަން އޮތޯރިޓީ

ތަޢުލީމާއި ތަޖުރިބާ

1. ކައުންސެލިންގ، ސައިކޯތެރަޕީ ނުވަތަ މަސައްކަތާ ގުޅޭ ދާއިރާއަކުން މާސްޓަރސް ނުވަތަ ޑޮކްޓްރޭޓް ލެވެލްގެ ސަނަދެއް ހާސިލުކޮށްފައިވުން.
2. ކައުންސެލިންގ، ސައިކޯތެރަޕީ ނުވަތަ މަސައްކަތާ ގުޅޭ ދާއިރާއަކުން މަދުވެގެން 3-5 އަހަރާ ދެމެދުގެ ތަޖުރިބާ ލިބިފައިވުން. އެކި ކަހަލަ އަނިޔާގެ ޢަމަލުތައް ހިންގާ މީހުންނަށް ފަރުވާ ނުވަތަ ރިހެބިލިޓޭޝަން ޕްރޮގްރާމް ފަރުމާކުރުމުގެ އަމަލީ ތަޖުރިބާ ހުރި ފަރާތްތަކަށް އިސްކަންދެވޭނެއެވެ.
3. އިނގިރޭސި އަދި ދިވެހި ބަހުން ފަސޭހަކަމާއެކު ވާހަކަ ދައްކަން، ލިޔަންކިޔަން އެނގުން.
4. އެންމެ މުހިންމު މަސައްކަތްތައް ފާހަގަކޮށް މަސައްކަތްތައް ތަރުތީބުން ކުރުމުގެ ހުނަރު ހުރުން.
5. މަސައްކަތްކުރުމުގައި ވަކި ލަނޑުދަނޑިތަކަކާއި ޓައިމްލައިންތައް ކަނޑައަޅައިގެން ކަނޑައަޅާ ވަގުތަށް މަސައްކަތް ނިންމުމުގެ ޤާބިލުކަން ހުރުން.
6. މަސައްކަތްކުރުމުގައި ބައްދަލުކުރަންޖެހޭ ތަފާތު ފަންނުތަކުގެ މީހުންނާ ބައްދަލުކޮށް އެންމެ އެކަށީގެންވާގޮތަށް މުޢާމަލާތްކޮށް މަސައްކަތްކުރަން އެނގުމާއެކު މުޢައްސަސާތަކާ ގުޅިގެން މަސައްކަތްކުރުން އެނގުން.
7. އޮފީހުގެ މަސައްކަތްތަކަށް ބޭނުންވާވަރަށް ކޮމްޕިއުޓަރ ބޭނުންކުރަން އެނގުން.

ކުރަންޖެހޭ މައިގަނޑު މަސައްކަތްތައް

ގެވެށި އަނިޔާ ހުއްޓުވުމަށް މަސައްކަތްކުރާ އެކި މުޢައްސަސާތަކާ ގުޅިގެންނާއި ކައުންސެލިންގ ނުވަތަ ސައިކޯތެރަޕީގެ ދާއިރާގެ ތަޖުރިބާކާރުންގެ މަޝްވަރާގެ މަތިން އަދި ދުނިޔޭގެ އެކި ޤައުމުތަކުގައި ގެވެށި އަނިޔާގެ ޢަމަލުތައް ހިންގާ ފަރާތްތައް އިޞްލާޙުކުރުމަށް ހިންގާ ފަރުވާގެ ޕްރޮގްރާމުތަކަށް ރިޢާޔަތް ކުރުމަށްފަހު ގެވެށި އަނިޔާގެ ޢަމަލު ހިންގާ މީހުން އިޞްލާޙުވުމަށާއި ދުޅަހެޔޮ ދިރިއުޅުމަކަށް ރުޖޫޢަވުމަށް އެހީތެރިވެދިނުމުގެ ގޮތުން، ކަމާބެހޭ މުއައްސަސާތަކުން ގެވެށި އަނިޔާގެ ޢަމަލު ހިންގާ މީހުންނާއެކު މަސައްކަތްކުރުމުގައި ހިންގާނެ ޕްރޮގްރާމެއް ފަރުމާކުރުން.

ނޯޓު: ކުރަންޖެހޭ މަސައްކަތުގެ އިތުރު ތަފުސީލު ޓީ.އޯ.އާރ.ގައި ބަޔާން ކުރެވިފައިވާނެއެވެ.

މި މަސައްކަތަށް ޝައުޤުވެރިވެވަޑައިގަންނަވާ ފަރާތްތަކުން ޕްރޮޕޯސަލްއާއެކު (މަސައްކަތުގެ އަގު ހިމެނޭގޮތަށް) ތިރީގައިވާ މަޢުލޫމާތު  ހުށަހަޅަން ވާނެއެވެ.

1- މޯލްޑިވްސް ކޮލިފިކޭޝަން އޮތޯރިޓީން އެކްރެޑިޓްކޮށްފައިވާ ތަޢުލީމީ ސެޓްފިކްޓުތަކުގެ ކޮޕީ ޓްރާންސްކްރިޕްޓާއެކު

2- ވަޒީފާއެއްގައި އުޅެފައިވާ ނުވަތަ އުޅޭ ފަރާތެއްނަމަ އަދާކުރާ ނުވަތަ އަދާކޮށްފައިވާ ވަޒީފާގެ މަސްއޫލިއްޔަތު އެނގޭނެ ރަސްމީ ލިޔުމެއް

3- ކުރިމަތިލާ ފަރާތުގެ/ ފަރާތްތަކުގެ ވަނަވަރު (ކަރިކިއުލަމް ވީޓާ)

4- ދިވެހި ރައްޔިތެއްކަން އަންގައިދޭ ކާޑުގެ ކޮޕީ

5- ކުރިން މިފަދަ މަސައްކަތެއް ކޮށްފައިވާނަމަ އެކަމުގެ ތަފުސީލު އެނގޭނެ ލިޔުންތަކުގެ ކޮޕީ

މި މަސައްކަތް ކޮށްދިނުމަށް އެދިލައްވަޑައިގަންނަވާ ފަރާތްތަކުން މި އޮތޯރިޓީގެ (ހ. ފުލިދޫގެ، 02 ވަނަ ފަންގިފިލާ) ރިސެޕްޝަނަށް ޕްރޮޕޯސަލާއި އަދި މަތީގައި ބަޔާންކުރެވިފައިވާ އެހެނިހެން ލިޔެކިޔުންތައް 2016 އޭޕްރިލް 10 ވަނަ ދުވަހުގެ 13:30 ގެ ކުރިން ހުށަހެޅުއްވުން އެދެމެވެ. މަތީގައި ބަޔާންކޮށްފައިވާ ހުރިހާ ލިޔެކިއުންތައް ހަމަކޮށް [email protected] އަށް ބަޔާންކުރެވިފައިވާ ސުންގަޑީގެ ކުރިން ފޮނުވާ އީމެއިލް ބަލައިގަނެވޭނެއެވެ.

ނޯޓު:

- މަތީގައިވާ ކޮންސަލްޓަންސީއަށް އިންޓަރވިއުއަށް ދަޢުވަތު ދެވޭނީ ޝަރުޠު ހަމަވާ ފަރާތްތަކުގެ ތެރެއިން ހަމައެކަނި ޝޯޓްލިސްޓްކުރެވޭ ފަރާތްތަކަށެވެ.

- މި ކޮންސަލްޓޭޝަންއަކީ ކޮންޓްރެކްޓް އުސޫލުން 10 ހަފުތާގެ މުއްދަތަށް ކަނޑައަޅާފައިވާ ކޮންސަލްޓެންސީއެކެވެ.

- ކޮންސަލްޓަންސީއަށް ހޮވޭނީ ތަޢުލީމީ ސެޓްފިކެޓުތަކާއި ޕްރޮފެޝަނަލް ކޮލިފިކޭޝަން އަދި އިންޓަރވިއުއާއި ހުށަހަޅާ އަގަށް ބަލައި އެންމެ މަތިން މާރކްސް ލިބޭ ފަރާތަކަށެވެ.

އިތުރު މައުލޫމާތު:

ފޯން: 3010551، ފެކްސް: 3010552

އީމެއިލް: [email protected]

18 ޖުމާދަލްއާޚިރާ 1437