ޕޯލްޓްރީ ފާމިންގެ (ގެރިބަކަރި، ކުކުޅު ދޫނި ފަދަ ތަކެތި ގެންގުޅުމުގެ) ދަނޑުވެރިކަން ކުރުމަށް ކޮށްފައިވާ އިޢުލާންގައިވާ ތާރީޚު ބަންދުދުވަހަކާއި ދިމާވާތީ އިޢުލާން ބާޠިލްކޮށް ދަނޑުބިމަށް އެދި ކުރިމަތި ލުމުގެ ފުރުޞަތު އަލުން ހުޅުވާލަމެވެ.

އެގޮތުން މިފަހަރު ދޫކުރުމަށް ނިންމާފައިވަނީ ޕޯލްޓްރީ ފާމިންގެ މަސައްކަތް ކުރުމަށް 10000 (ދިހަހާސް އަކަފޫޓުގެ) 01 ދަނޑުބިމެވެ. ދަނޑުބިމާއި ގުޅޭ އިތުރު ތަފްޞީލު މަޢުލޫމާތު ކަރުދާހުގައި ހިމަނާފައިވާނެއެވެ. މަޢުލޫމާތު ކަރުދާސް މިއިދާރާގެ ކައުންޓަރާއި، ވެބުސައިޓާއި، ފޭސްބުކު ޕޭޖުގެ އިތުރުން ދިވެހި ސަރުކާރުގެ ގެޒެޓުން ލިބެން ހުންނާނެއެވެ. މިއިދާރާއަށް ވަޑައިގެން މަޢުލޫމާތު ސާފުކުރައްވަން ބޭނުންފުޅުވާ ފަރާތްތަކަށް 2026 އޮކްޓޫބަރ 29 ވަނަ ދުވަހުން ފެށިގެން ރަސްމީގަޑީގައި މަޢުލޫމާތުކަރުދާސް ނެންގެވޭނެއެވެ.

ވީމާ، ދަނޑުވެރިކަން ކުރުމަށް ޝައުޤުވެރިވާ ފަރާތްތަކުން 2026 ނޮވެންބަރ 08 ވަނަ ދުވަހުގެ 11:00 އަށް މިކައުންސިލަށް ވަޑައިގެން އަންދާސީ ހިސާބު ހުށަހެޅުއްވުން އެދެމެވެ. އަންދާސީ ހިސާބު ހުށަހަޅުއްވާނީ މިއިދާރާއިން ދޫކުރާ އަންދާސީ ހިސާބު ހުށަހަޅާ ފޯމާއި އެއްގޮތަށެވެ. އަންދާސީ ހިސާބު ހުށަހަޅާ ފޯމުގެ ނަމޫނާ މިއިދާރާއިންނާއި، މިއިދާރާގެ ވެބުސައިޓާއި( www.faafnilandhoo.gov.mv )، ފޭސްބުކު ޕޭޖުގެ އިތުރުން ދިވެހި ސަރުކާރުގެ ގެޒެޓުން ޑައުންލޯޑް ކުރެވޭނެއެވެ. އަންދާސީ ހިސާބު ހުށަހަޅުއްވާނީ ބަންދުކޮށް ފައިވާ ސިޓީއުރައެއްގައެވެ. ސިޓީ އުރައިގެ ބޭރުގައި "ޕޯލްޓްރީ ފާރމިންގެ މަސައްކަތަށް ދާއިމީ ދަނޑު ބިން ލިބުންއެދި" މިހެން ލިޔެފައި އޮންނަންވާނެއެވެ. ގަޑިޖެހިގެން ވަޑައިގަންނަވާ ފަރާތްތަކުގެ އަންދާސީ ހިސާބު ބަލައި ނުގަންނާނެކަން މަޢުލޫމާތަށްޓަކައި ދަންނަވަމެވެ.

ވީމާ، މިކަން ޢާއްމުކޮށް އެންގުމަށްޓަކައި އިޢުލާނުކުރީމެވެ.

17 ޖުމާދުލްއޫލާ 1448

28 އޮކްޓޫބަރ  2026