މި މިނިސްޓްރީގެ ފިޝަރީޒް ޓްރެއިނިންގ ފެސިލިޓީ ހިންގަމުންދާ ކ. މަނިޔަފުށީ ޓްރެއިނިންގ އެންޑް ރިސާރޗް ފެސިލިޓީގެ އިމާރާތްތަކާއި، ޖެޓީ އަދި ފާނަކޮށިތައް ޤާއިމުކޮށްފައިވާ ސަރަޙައްދުގެ ރައްކާތެރިކަން ކަށަވަރުކުރުމަށާއި، އެ ތަނުގެ އޮޕަރޭޝަނަލް ކަންކަން ހަރުދަނާކޮށް ބެލެހެއްޓުމަށްޓަކައި، ސީ.ސީ.ޓީ.ވީ ސާވައިލަންސް ނިޒާމެއް ޤާއިމުކުރުމަށް ބޭނުންވާތީ، 64 ޗެނަލް ސީ.ސީ.ޓީ.ވީ އެން.ވީ.އާރް ސިސްޓަމެއް، ސަރވޭލަންސް ކެމަރާއާއެކު ފޯރުކޮށްދީ އިންސްޓޯލް ކޮށްދޭނެ ފަރާތެއް ހޯދަން ބޭނުންއެވެ. ވީމާ، މި މަސައްކަތް ކޮށްދިނުމަށް ޝައުގުވެރިވާ ފަރާތްތަކަށް ފުރުޞަތު ހުޅުވާލަމެވެ.

ވީމާ، މިކަމަށް ޝައުގުވެރިވެލައްވާ ފަރާތްތަކުން ތިރީގައިވާ ތާވަލާ އެއްގޮތަށް ރަޖިސްޓްރޭޝަން ކުރުމާއި، މަޢުލޫމާތު ސާފުކުރުމާއި، އަންދާސީ ހިސާބު ހުށަހެޅުއްވުން އެދެމެވެ. މަޢުލޫމާތު ސާފުކުރުމަށް ބާއްވާ ސެޝަނުގައި ބަރިވެރިވެވޭނީ ރަޖިސްޓްރޭޝަން ކުރާ ފަރާތްތަކަށް އެކަނިއެވެ. އަދި، އަންދާސީ ހިސާބު ހުށަހެޅޭނީ މަޢުލޫމާތު ސެޝަނުގައި ބަރިވެރިވެވަޑައިގަންނަވާ ފަރާތްތަކަށް އެކަނިއެވެ.

މި އިޢުލާނާ ގުޅޭ މަޢުލޫމާތު ކަރުދާސް އެއްކަރުދާސް ކުރެވިފައިވާނެއެވެ. ބީލަން ހުށަހެޅުމަށް ކަނޑައަޅާފައިވާ މުއްދަތަކީ ރަސްމީ ބަންދު ނޫން 07 (ހަތް) ދުވަހުގެ މުއްދަތެއް ކަމުގައި ވުމުން، މި މުއްދަތުގެ ތެރޭގައި ސަރުކާރު ބަންދު ދުވަހެއް ކަނޑައަޅައިފި ނަމަ، ދެން ބިޑް ބަލައިގަނެވޭނީ ސަރުކާރު ހުޅުވިގެން ބަންދުވި ދުވަސްތަކަށް ރަސްމީ ދުވަސް ހަމަކޮށް، ޖެހިގެން އަންނަ ރަސްމީ ދުވަހުގެ 11:00 އަށެވެ.

މި އިޢުލާނާ ގުޅިގެން އިތުރު މަޢުލޫމާތު ސާފުކުރެއްވުމަށް ގުޅުއްވާނީ 3339239, 3322625 އަދި 3339279 ނަންބަރު ފޯނަށެވެ.