ދިވެހިރާއްޖެ
ނަންބަރު: (IUL)CHSE-SMT/1/2026/41
އިޢުލާން
އިންވިޖިލޭޓަރުން ހޯދުމާއިބެހޭ
މިސެންޓަރުގެ ( ސީ. އެޗް.އެސް.އީ – ހުޅުމާލެ) 2026 ވަނަ އަހަރުގެ ސެޕްޓެމްބަރ/އޮކްޓޯބަރު މަހުގައި ބޭއްވުމަށް ހަމަޖެހިފައިވާ އޭލެވެލް އިމްތިހާން ބެލެހެއްޓުމަށްޓަކައި އިންވިޖިލޭޓަރުން ހޯދަން ބޭނުންވެއެވެ. ވީމާ، މި ކަމަށް ޝައުޤުވެރިވާ ފަރާތްތަކުން އެޕްލިކޭޝަން ހުށަހެޅުމަށް އާންމުކޮށް ޢިއްލާން ކުރީމެވެ.
އިންވިޖިލޭޓަރުންގެ ޝަރުތުތައް:
- ދިވެހި ރައްޔިތަކަށްވުން
- އުމުރުން 18 އަހަރުފުރިފައިވާ މީހަކަށްވުން
- ޖީ.ސީ.އީ އޯލެވެލް ފެންވަރަށް އިނގިރޭސިބަސް އެނގޭ މީހަކަށްވުން
- އެމީހަކު އިންވިޖިލޭޓުކަން ކުރާ (އެއަހަރުގެ) އިމްތިޙާނުގެ ކެންޑިޑޭޓެއް ކަމުގައި ނުވުން
- އެމީހަކު އިންވިޖިލޭޓުކަން ކުރާ (އެއަހަރުގެ) އިމްތިޙާނުގެ ކެންޑިޑޭޓަކަށް ތިރީގައި ބަޔާން ކުރާ މީހަކު ނުވުން
(މަންމަ، ބައްޕަ، އަނބިމީހާ، ފިރިމީހާ، އެއްބަނޑުއެއްބަފާ މީހެއް، އެއްބަނޑު / އެއްބަފާ މީހެއް، ދަރިއެއް، ބަލަދުވެރިކަމުގެ ދަށުގައިވާ މީހެއް)
އިންވިޖިލޭޓަރުންގެ މަސްއޫލިއްޔަތު:
އިމްތިޚާން އޮންނަ ގަޑިތަކުގައި އިންވިޖިލޭޓަރުންގެ ހައިސިއްޔަތުން އިމްތިޚާން ހޯލް ބެލެހެއްޓުމާއި އަދި މި ނޫންވެސް މި ކަމާއި ގުޅިގެން ކުރަންޖެހޭ އެންމެހާ ކަންތައްތައް ކަނޑައެޅިފައިވާ އުސޫލުތަކާއި އެއްގެތްވާ ގޮތަށް މި ސެންޓަރުން އަންގާ ގޮތެއްގެ މަތިން ކުރުން.
އިންވިޖިލޭޓަރުންގެ އުޖޫރަ:
އިންވިޖިލޭޓަރެއްގެ ގޮތުގައި މަސައްކަތް ކުރައްވާ ކޮންމެ ސެޝަނަކަށް -/200ރ (ދުއިސައްތަ ރުފިޔާ) ލިބޭނެއެވެ.
އިންވިޖިލޭޓަރުންގެ މަސައްކަތް ކުރިއަށް ދާނެ މުއްދަތު:
27 ސެޕްޓެމްބަރ 2026 ން 30 އޮކްޓޯބަރ 2026 ށް (މި ސެންޓަރުން ދޭ ޝެޑިއުލްއާއި އެއްގޮތަށް)
އިންވިޖިލޭޓަރުން މަސައްކަތް ކުރުމަށް ފޯރމާއެކު ހުށަހަޅަން ޖެހޭ ތަކެތި:
- އިންވިޖިލޭޓުކަން ކުރުމަށް އެދޭ ފޯރމް އަދި އިޤުރާރް ފޯރމް (ފޯރމްގައި ފުރިހަމަ ކުރަންޖޭބައި ފުރިހަމަ ކުރުމަށްފަހު)
- ތަޢުލީމީ ގޮތުން ލިބިފައިވާ އެންމެ މަތީ ސެޓްފިކެޓް
- ދިވެހި ރައްޔިތެއްކަން އަންގައިދޭ އައިޑީ ކާރޑްގެ ދެފުށުގެ ސާފު ކޮޕީ
- ބޭންކް އެކައުންޓް ނަންބަރު އަންގައިދޭ ސްލިޕެއް
އިންވިޖިލޭޓަރުންގެ މަސައްކަތް ކުރުމަށް އެދެންވީ ގޮތް:
އިންވިޖިލޭޓަރެއްގެ ގޮތުގައި މަސައްކަތް ކުރުމަށް ޝައުޤުވެރިވާ ފަރާތްތަކުން މި ކަމަށް ޚާއްސަ ކުރެވިފައިވާ ފޯރމް ފުރިހަމަ ކުރެއްވުމަށްފަހު ހުށަހަޅަންޖެހޭ ތަކެއްޗާއެކު މި ސެންޓަރަށް (ސީ.އެޗް.އެސް.އީ -ހުޅުމާލެ) ނުވަތަ އީ މެއިލް މެދުވެރިކޮށް [email protected] އަށް ހުށަހެޅުއްވުން އެދެމެވެ.
ވީމާ، މަތީގައިވާ ޝަރުތުތައް ފުރިހަމަވާ މިކަމަށް ޝައުގުވެރިވެލައްވާ ފަރާތްތަކުން މިކަމަށް އެދޭ ފޯމު ފުރިހަމަ ކުރުމަށް ފަހު 11 އޮގަސްޓް 2026 ވާ އަންގާރަ ދުވަހުގެ 14:00 ގެ ކުރިން ހުށަހެޅުއްވުން އެދެމެވެ. އަދި މިކަމަށް އެދޭ ފޯމު މިސެންޓަރުގެ ކައުންޓަރުން ލިބެން ހުންނާނެ ވާހަކަ ދެންނެވީމެވެ.
