ވިޒިޓް މޯލްޑިވްސް ކޯޕަރޭޝަން ލިމިޓެޑް

މާލެ، ދިވެހިރާއްޖެ

އިޢުލާން ނަންބަރު: VMC-HR/1/2026/25 (IUL)

ވަޒީފާގެ ފުރުޞަތު

މަޤާމުގެ ނަން: ލީގަލް ކައުންސިލް

- މުސާރަ (މަހަކު) : -/16,560 ރުފިޔާ މަހަކު

- ސަރވިސް އެލަވަންސް: -/5,796 ރުފިޔާ މަހަކު

- ލިވިންގ އެލަވަންސް: -/4,968 ރުފިޔާ މަހަކު

- ޓެކްނިކަލް ކޮލިފިކޭޝަން އެލަވަންސް / ސަޕޯޓިންގ ކޮލިފިކޭޝަން އެލަވަންސް: ހުށަހަޅާ އެންމެ މަތީ ސަނަދަށް ބިނާކޮށް

- ލެވެލް 9 އަދި އެއަށްވުރެން މަތިން -/1,750 ރުފިޔާ (މަހަކު)

- ލެވެލް 7 އަދި 8 ގެ ސަނަދަކަށް -/1,250 ރުފިޔާ (މަހަކު)

- ލެވެލް 6 އިން ދަށުގެ ސަނަދަކަށް -/750 ރުފިޔާ (މަހަކު)

- އިތުރު ގަޑީގެ ފައިސާ އާއި އެހެނިހެން އެލަވަންސްތައް ހަމަޖެހިފައިވާ އުސޫލުގެ ދަށުން

ޑިޕާރޓްމަންޓް / ސެކްޝަން: ލީގަލް އެންޑް ކޮމްޕްލަޔަންސް

ބޭނުންވާ އަދަދު: 1

1. ޝަރުޠު:

މަޤާމުގެ މަސައްކަތް ކުރުމުގެ ހުނަރު/ޤާބިލުކަން ސާބިތުކޮށްދިނުމާއެކު:

ހ. ދިވެހިރާއްޖޭގެ ޤައުމީ ސަނަދުގެ އޮނިގަނޑު ލެވެލް 9 ގެ ސަނަދެއް (މާސްޓަރސް ޑިގްރީ) ހާސިލްކޮށްފައިވުމާއިއެކު މަދުވެގެން 1 އަހަރު ދުވަހުގެ މަސައްކަތު ތަޖުރިބާ ލިބިފައިވުން (ނުވަތަ)،

ށ. ދިވެހިރާއްޖޭގެ ޤައުމީ ސަނަދުގެ އޮނިގަނޑު ލެވެލް 7 ނުވަތަ 8 ގެ ސަނަދެއް (ބެޗްލަރސް ޑިގްރީ) ހާސިލްކޮށްފައިވުމާއިއެކު މަދުވެގެން 2 އަހަރު ދުވަހުގެ މަސައްކަތު ތަޖުރިބާ ލިބިފައިވުން (ނުވަތަ)،

ނ. ދިވެހިރާއްޖޭގެ ޤައުމީ ސަނަދުގެ އޮނިގަނޑު ލެވެލް 5 (ޑިޕްލޮމާ) ގެ ސަނަދެއް ހާސިލްކޮށްފައިވުމާއިއެކު މަދުވެގެން 7 އަހަރު ދުވަހުގެ މަސައްކަތު ތަޖުރިބާ ލިބިފައިވުން. އަދި އޭގެ ތެރެއިން 3 އަހަރު ލީޑަރޝިޕް ރޯލެއްގައި މަސައްކަތްކޮށްފައިވުން.

2. މަޤާމުގެ މައިގަނޑު މަސްއޫލިއްޔަތު: 

1. ލީގަލް އެންޑް ކޮމްޕްލަޔަންސް ޑިޕާޓްމަންޓުގެ ހިންގުން ހަރުދަނާކުރުމަށްޓަކައި ބޭނުންވާ އެންމެހައި ސްޓްރެޓެޖީތަކާއި ލަނޑުދަނޑިތައް އެކުލަވާލައި، ތަންފީޒުކުރުން.
2. ކޯޕަރޭޝަންގެ މެނޭޖްމަންޓަށާއި، އެކިއެކި ޑިޕާޓްމަންޓްތަކަށް ބޭނުންވާ ޤާނޫނީ ލަފާ އެރުވުން.
3. ކޯޕަރޭޝަންގެ ވިޔަފާރީގެ ހަރަކާތްތައް ރޭވިފައިވަނީ، ކަމާގުޅުންހުރި އިދާރާތަކުން ކަނޑައަޅާފައިވާ ރެގިއުލޭޓަރީ މިންގަނޑުތަކާއި އެއްގޮތަށްކަން ކަށަވަރުކުރުން.
4. ޤާނޫނީ ކަންކަމުގައި އެކްސްޓަރނަލް ލޯ ފާމްގެ ވަކީލުންނާއި، ރެގިއުލޭޓަރުންނާއި، ސަރުކާރުގެ އިދާރާތަކާއި ގުޅިގެން މަސައްކަތްކުރުން.
5. ކޮންޓްރެކްޓްތަކާއި ގާނޫނީ ލިޔެކިޔުންތައް ޑްރާފްޓްކޮށް، އެތަކެތީގެ ސައްޙަކަން ކަށަވަރުކުރުން.
6. ގާނޫނުތަކާއި، ގަވާއިދުތަކަށް އަންނަ ބަދަލުތައް  ފުރިހަމައަށް ދިރާސާކޮށް، ކޯޕަރޭޝަންގެ ސިޔާސަތުތަކާއި އުސޫލުތަކަށް ގެންނަންޖެހޭ ބަދަލުތައް މެނޭޖްމަންޓާ ހިއްސާކުރުން.
7. އެއްބަސްވުންތަކާ ޚިލާފުވާ ފަރާތްތަކާމެދު އަޅަންޖެހޭ ފިޔަވަޅުތައް އެޅުމުގައި އެހީތެރިވުމާއި، ކޯޓުން ބޭނުންވާ އެންމެހައި ލިޔެކިޔުންތައް ތައްޔާރުކުރުން.
8. ކޯޕަރޭޝަންގެ ޤާނޫނީ ޤާބިލުކަން އިތުރުކުރުމަށް މަސައްކަތްކުރުމާއި، ފަތުރުވެރިކަމާއި ގުޅުންހުރި ޤައުމީ އަދި ބައިނަލްއަޤްވާމީ އެކި އެކި ޤާނޫނުތަކާއި، ޤަވާއިދުތަކަށް އަހުލުވެރިވުން.
9. ކޯޕަރޭޝަނަށް ދައުވާ ރައްދުވާ މައްސަލަތަކުގައި، ކަމާގުޅުންހުރި އިދާރާތަކުގައި ކޯޕަރޭޝަން ތަމްސީލްކުރުން.
10.  ލީގަލް އެންޑް ކޮމްޕްލަޔަންސް ޑިޕާޓްމަންޓުގެ ޕްރޮސީޖަރތަކާއި ގައިޑްލައިންތަކާ ބެހޭގޮތުން މުވައްޒަފުންގެ މެދުގައި ހޭލުންތެރިކަން އިތުރުކުރުން.
11. މީގެ އިތުރުންވެސް، ކޯޕަރޭޝަންގެ މެނޭޖްމަންޓުން ހަވާލުކުރާ ރަސްމީ މަސައްކަތްކުރުން.
12.   ކޯޕަރޭޝަނުން ރާވާ ހިންގާ / ބައިވެރިވާ ހަރަކާތްތަކުގައި ބައިވެރިވުން.

3. ފޯމު ހުށައަޅަންވީ ތަނާއި ތާރީޚް:

09 އޯގަސްޓް 2026 ވާ އާދިއްތަ ދުވަހުގެ މެންދުރު 14:00 ގެ ކުރިން [email protected] އަށް އީމެއިލް ކުރެއްވުން އެދެމެވެ.

4. ހުށައަޅަންޖެހޭ ލިޔުންތައް:

ހ. ފުރިހަމަ ކޮށްފައިވާ ވަޒީފާއަށް އެދޭ ފޯމް.

ށ. ވަޒީފާއަށް އެދި ހުށަހަޅާ ފަރާތުގެ ވަނަވަރު ގުޅޭނެ ނަންބަރު އެނގޭނެގޮތަށް (ކުރިން ވަޒީފާ އަދާކޮށްފައިވާ ތަންތަނުގެ ރެފްރީސްގެ މަޢުލޫމާތު/ގުޅޭނެ ނަންބަރު ހިމެނުން).

ނ. ދިވެހި ރައްޔިތެއްކަން އަންގައިދޭ ކާޑުގެ ކޮޕީ.

ރ. ހާސިލްކޮށްފައިވާ ތައުލީމީ ސެޓްފިކެޓް ތަކުގެ އެޓެސްޓް ކުރެވިފައިވާ ކޮޕީ.

ބ. ބޭރުގެ އިންސްޓިޓިއުޓަކުން ހާސިލްކޮށްފައިވާ ސަނަދެއްނަމަ، އެމް.ކިއު.އޭ އިން އެކްރެޑިޓްކޮށް އަދި އެޓެސްޓްކުރެވިފައިވާ ސެޓްފިކެޓް އަދި ޓްރާންސްކްރިޕްޓްގެ ކޮޕީ.

ޅ. ކުރިން ވަޒީފާ އަދާކޮށްފައިވާ ނަމަ، ވަޒީފާ އަދާކުރި އޮފީހުގެ ރިފަރެންސް ސިޓީ.

ކ. މުއްދަތު ހަމަނުވާ ޕޮލިސް ރިޕޯޓް.

5. އިތުރު މަޢުލޫމާތު:

ހ. ވަޒީފާއަށް އެދޭ ފޯމާއި ލިޔުންތައް ފޮނުވާނެ އީ-މެއިލް އެޑްރެހަކީ [email protected] އެވެ.

ށ. އިންޓަރވިއުއަށް ދަޢުވަތު ދެވޭނީ ޝަރުޠު ފުރިހަމަވާ ފަރާތްތަކުގެ ތެރެއިން ޝޯޓްލިސްޓްވާ ފަރާތްތަކަށެވެ.

ނ. މި މަޤާމަށް އެދި ހުށައަޅާ ފަރާތްތަކުގެ ތެރެއިން ވަޒީފާއަށް ނުހޮވޭ ފަރާތްތަކަށް، ވަޒީފާއަށް ނުހޮވޭކަން ފޯނުގެ ޒަރީއާއިން އެންގޭނެއެވެ. ނަމަވެސް ވަޒީފާއަށް ނުހޮވުނުކަމުގެ ސިޓީ ނުފޮނުވޭނެއެވެ.

ރ. މިކޯޕަރޭޝަނުގެ ވަޒީފާއަށް އެދޭ ފޯމް މިކޯޕަރޭޝަނުގެ ވެބްސައިޓުގެ https://corporate.visitmaldives.com/downloads/#downloads-apf މިލިންކުން ޑައުންލޯޑް ކުރެވޭނެއެވެ.

ބ. ވަޒީފާއަށް އެދި ހުށައަޅާ އެޕްލިކޭޝަން ފޯމާއި ލިޔުންތައް ހުށައަޅަންވާނީ ޕީ.ޑީ.އެފް (PDF) ފޯމެޓުގައި އެއް ޑޮކިއުމަންޓެއްގެ ގޮތުގައެވެ.

ޅ. އިތުރު މަޢްލޫމާތު ހޯއްދެވުމަށް ގުޅުއްވާނީ ނަންބަރ 3323228، 3035512، 3035513 ނުވަތަ 3035514 ފޯނާއެވެ.

6. އެޑްރެސް ކުރައްވާނީ:

އިބްރާހީމް ޝިޢުރީ، ސީ.އީ.އޯ އަދި މެނޭޖިންގ ޑިރެކްޓަރ

ވިޒިޓް މޯލްޑިވްސް ކޯޕަރޭޝަން ލިމިޓެޑް