ކޯހުގެ ނަން:

ކަސްޓަމްސް ބްރޯކާރސް ޓްރެއިނިންގ ކޯސް

ލެވެލް: ސެޓްފިކެޓް ލެވެލް 3

ކޯހުގެ ޝަރުތު:

• ޖީ.ސީ.އީ އޯލެވެލް މަދުވެގެން 3 މާއްދާއިން ފާސްވެފައިވުން؛ ނުވަތަ     
• އެމް.ކިއު.އޭ ލެވެލް 2 ގެ ސެޓްފިކެޓެއް ހާސިލް ކޮށްފައިވުން؛  ނުވަތަ
• ގްރޭޑް 6 ނިންމާފައިވުމާއެކު އިމްޕޯޓް އެކްސްޕޯޓް އަދި ކަސްޓަމްސް ކްލިއަރެންސް  ދާއިރާގައި 01 (އެކެއް) އަހަރުދުވަހު މަސައްކަތްކޮށް ތަޖްރިބާ ލިބިފައިވުން؛
• އުމުރުން 18 އަހަރު ފުރިފައިވާ  ދިވެހި ރައްޔިތެއް ކަމުގައިވުން.
• ކަސްޓަމްސްއަށް ދައްކަންޖެހޭ ފައިސާއެއް ހުރި ނަމަ، އެފައިސާއެއް ދައްކާފައިވާ ފަރާތެއް ކަމުގައިވުން.

އިތުރު މަޢުލޫމާތު:

• މިކޯހުގެ މަޤްސަދަކީ މުދާ ކްލިއަރކުރުމުގެ ކަންކަމުގައި މިއޮފީހާއެކު މުޢާމަލާތްކުރާ ފަރާތްތަކަކީ ކަނޑަ އެޅިފައިވާ އުޞޫލުތަކުގެ ދަށުން ޚާއްޞަ ތަމްރީނުތަކެއް ލިބިގެން ހަރަކާތްތެރިވާ ޕްރޮފެޝަނަލް ފަރާތްތަކަކަށް ހެދުމެވެ.
• މިކޯސް އެކުލެވިގެންވަނީ ތިރީގައި ބަޔާންކޮށްފައިވާ 4 މޮޑިއުލްގެ މައްޗަށެވެ.

Module 1 - Brokers Regulation and Procedures

Module 2 - Valuation Process

Module 3 - Harmonized System

Module 4 - Documentation Process

• މިކޯހުގެ މުއްދަތަކީ 6 މަސް ދުވަހެވެ.
• މިކޯހުގެ ކިޔެވުން ކުރިއަށްދާނީ ފޭސް-ޓު-ފޭސް ކޮށް މާލޭގެ ކަސްޓަމްސް ބިލްޑިންގގައި އެވެ. ކްލާސްތައް ބޭއްވުމަށް ހަމަޖެހިފައިވަނީ ކޮންމެ އާދިއްތަ ދުވަހަކުން ބުރާސްފަތި ދުވަހަކަށް، މެންދުރު 2 އިން ހަވީރު 5 އަށެވެ.
• ކޯހަށް މީހުން ހޮވުމުގައި އިމްޕޯޓް އެކްސްޕޯޓް އަދި ކަސްޓަމްސް ކްލިއަރެންސް މަސައްކަތްތަކުގައި އަމަލީ ގޮތުން ހަރާކާތްތެރިވާ ފަރާތްތަކަށް އިސްކަންދެވޭނެއެވެ.

• މިކޯހަށް ކުރިމަތިލާ ފަރާތްތަކުގެ ކުށުގެ ރިކޯޑަށް ރިޢާޔަތްކޮށް އެފަރާތެއް ކޯހުގައި ބައިވެރިނުކުރުމުގެ އަދި ކޯހުން ވަކިކުރުމުގެ އިޚްތިޔާރު ކަސްޓަމްސްއަށް ލިބިގެންވެއެވެ.
• ކޯހުގެ ފީއަކީ -/6000 ރުފިޔާއެވެ.

• މިކޯހުގައި ކުރިން ބައިވެރިވެފައިވާ ފަރާތަކުން ފާސްނުވެގެން ނުވަތަ އެނޫންވެސް ސަބަބަކާހުރެ އަލުން މިކޯސް ނުވަތަ ކޯހުގެ ބައެއް ފުރިހަމަ ކުރަންބޭނުންވާނަމަ، ކޯހުގައި ބައިވެރިވުމުގެ ފުރުޞަތު ސެންޓަރ ފޮރ ކަސްޓަމްސް އެންޑް އެކްސައިޒް ސްޓަޑީޒްއިން ކަނޑައަޅާ އުޞޫލެއްގެ މަތިން ހަމަޖައްސައިދެވޭނެއެވެ.

ނޯޓް: ކަސްޓަމްސްގެ އާންމު ގަވައިދުގެ 473 ވަނަ މާއްދާގައި  ބަޔާންކޮށްފައިވާގޮތުން ކަސްޓަމްސް ބްރޯކަރުންގެ ގޮތުގައި ރަޖިސްޓަރީ ކޮށްދެވޭނީ، ވިޔަފާރީގެ ހިއްސާދާރުން/ ޑިރެކްޓަރުން/ޕާޓްނަރުން/ މުވައްޒަފުންގެ ތެރޭގައި، ކަސްޓަމްސްގެ ސަރަހައްދުތައް އޮންނަ ބަނދަރުތައް ހިންގާ ފަރާތުގެ މުވައްޒަފަކު ނުވަތަ ކަސްޓަމްސްގެ މުވައްޒަފެއް / މުވައްޒަފެއްގެ އަނބި/ފިރިއެއް ނެތްނަމައެވެ. އަދި ވިޔަފާރީގެ ހިއްސާދާރުން ތެރޭގައި ނުވަތަ ޑިރެކްޓަރުން ތެރޭގައި ނުވަތަ ޕާޓްނަރުން ތެރޭގައި ކަސްޓަމްސް މުވައްޒަފެއްގެ ދަރިޔަކު ނެތްނަމައެވެ.

ހުށަހަޅަންޖެހޭ ތަކެތި:

• ކޯހަށް އެދި ފުރިހަމަކޮށްފައިވާ ފޯމް
• ކޯހަށް އެދޭ ފަރާތުގެ ވަނަވަރު
• ތަޢުލީމީ ސެޓްފިކެޓްތަކުގެ އެކްރެޑިޓް އަދި އެޓެސްޓް ކޮށްފައިވާ ކޮޕީ
• ކަސްޓަމްސްގެ މެދުވެރިއެއްގެ ގޮތުގައި ޚިދުމަތްދޭ ތަނެއްގައި މަސައްކަތްކޮށް ތަޖުރިބާ ލިބިފައިވާކަމުގެ ލިޔުން ނުވަތަ އެކްސްޕޯޓް/އިމްޕޯޓް ވިޔަފާރި ނުވަތަ ކަސްޓަމްސް ކްލިއަރެންސް މަސައްކަތްތަކުގައި އަމަލީ ގޮތުން ހަރާކާތްތެރިވާ މީހެއްކަން އަންގައިދޭ ކުންފުނީގެ ރަސްމީ ލިޔުން
• ކޯހަށް ހޮވިއްޖެނަމަ ކްލާހަށް ހާޒިރުވުމަށް އިއުތިރާޒެއް ނެތްކަން އަންގައިދޭ ކުންފުނީގެ ރަސްމީ ލިޔުން

ސުންގަޑި: 26 މޭ 2026 ވާ އަންގާރަ ދުވަހުގެ މެންދުރުފަހު 14:00ގެ ކުރިން އެޕްލިކޭޝަން ފޯމާއެކު ގުޅުންހުރި ލިޔުންތައް, ލިންކު https://forms.gle/TeFn9U5tCnmqKeVh8 މެދުވެރިކޮށް ކަސްޓަމްސް އެކަޑަމީއަށް ހުށަހެޅުމަށް ދަންނަވަމެވެ. މި އިޢުލާނާ ގުޅޭ ކަސްޓަމްސް ބްރޯކަރސް ޓްރެއިނިންގް ކޯސް ރާވައި ހިންގުމުގައި ޢަމަލުކުރާނެ އުސޫލު އެޓޭޗް ކުރެވިފައިވާނެއެވެ.