މަޤާމު

ސީނިއަރ ޕަބްލިކް ހެލްތު އޮފިސަރ

މަޤާމުގެ ނަންބަރު

J-389254 

ބޭނުންވާ އަދަދު

 01 (އެކެއް)

މަޤާމުގެ ގިންތި

 ދާއިމީ

މަޤާމުގެ ރޭންކް

ޕީ.އެސް.އާރ 7 - ސްޓެޕް 1

ޑިވިޝަން/ ސެކްޝަން

 މެޑިސިން އެންޑް ތެރަޕިއުޓިކް ގުޑްސް، ރެގިއުލޭޝަން ސެކްޝަން

ވަޒީފާ އަދާކުރަންޖެހޭ ތަން

 މޯލްޑިވްސް ފުޑް އެންޑް ޑްރަގް އޮތޯރިޓީ

މުސާރަ

 -/10,613 ރުފިޔާ

މަޤާމުގެ އެލަވަންސް

-/4,953 ރުފިޔާ

އެހެނިހެން އެލަވަންސް

1. ދިވެހިރާއްޖޭގެ ޕެންޝަނާބެހޭ ޤާނޫނުގެ ދަށުން ލިބިދެވޭ ޕެންޝަން ކޮންޓްރިބިއުޝަން.
2. ދައުލަތުގެ ޕޭ ފްރޭމްވޯކްގެ މިންގަނޑުތަކާއި އެއްގޮތަށް އިތުރުގަޑީގެ ފައިސާ އާއި އެހެނިހެން އިނާޔަތްތައް. (01 މެއި 2023ގެ އިސްލާހާއި އެއްގޮތަށް)
3. ހާޒިރީ އިނާޔަތް: ހާޒިރުވާ  ކޮންމެ ދުވަހަކަށް -/134ރ

މަޤާމުގެ މައިގަނޑު މަސްއޫލިއްޔަތުތަކާއި ވާޖިބުތައް

1. ރާއްޖޭގައި އުފައްދާ މެޑިކަލް ގޭސް ރެގިއުލޭޓް ކުރުމަށް ބޭނުންވާ ގައިޑް ލައިން، އެސް.އޯ.ޕީ އެކުލަވާލާ އަދާ ހަމަކޮށް، ރެގިއުލޭޓް ކުރުމަށް ކުރަން ޖެހޭ އެންމެހައި މަސައްކަތް، ސްޕަވައިޒަރުގެ ލަފާގެ މަތިން ކުރުން.
2. މެޑިކަލް ޑިވައިސް އާއި މެޑިކަލް ކޮންސިއުމަބަލްސް ރެގިއުލޭޓް ކުރުމަށް ބޭނުންވާ ގައިޑްލައިން އެސް.އޯ.ޕީ އެކުލަވާލާ އަދާ ހަމަކޮށް، ރެގިއުލޭޓް ކުރުމަށް ކުރަން ޖެހޭ އެންމެހައި މަސައްކަތް ސުޕަވައިޒަރގެ ލަފާގެ މަތިން ކުރުން.
3. ރާއްޖޭގައި އުފައްދ އަދި އިމްޕޯރޓް ކުރާ އޯލްޓަނޭޓިވް ބޭސް ރެގިއުލޭޓް ކުރުމަށް ބޭނުންވާ ގައިޑްލައިން، އެސް.އޯ.ޕީ އެކުލަވާލާ އަދާހަމަކޮށް، ރެގިއުލޭޓް ކުރުމަށް ކުރަން ޖެހޭ އެންމެހައި މަސައްކަތް، ސުޕަވައިޒަރގެ ލަފާގެ މަތިން ކުރުން.
4. މެޑިކަލް ޑިވައިސް އިމްޕޯރޓްކުރާ ފަރާތްތަކާއި އޯލްޓަރނޭޓިވް ބޭސް އިމްޕޯރޓްކުރާ ފަރާތް ތަކުން އެތެރެކޮށް ރައްކާކޮށް ވިއްކުން ރެގިއުލޭޓް ކުރުމަށް ބޭނުންވާ މިންގަނޑުތައް ސުޕަވައިޒަރުގެ ލަފާގެ މަތިން ތައްޔާރުކޮށް، އެތަން ތަންތަން އިންސްޕެކްޓް ކުރުމުގައި އަމަލީ ގޮތުން ބައިވެރިވުން.
5. ރާއްޖެ އެތެރެ ކުރުމަށް ހުއްދަ ދޫކުރާ އޯލްޓަނޭޓިވް ބޭހާއި މެޑިކަލް ޑިވައިސް އަދި މެޑިކަލް ކޮންސިއުމަބަލްސްގެ އިތުން މެޑިކަލް އޮކްސިޖަންގެ ލިސްޓްތައް އަދާހަމަކޮށް ޤަވާއިދުން ކޮންމެ މަހަކު އާއްމު ކުރުން.
6. މެޑިކަލް ޑިވައިސް، މެޑިކަލް ކޮންސިއުމަބަލްސް، މެޑިކަލް އޮކްސިން އަދި އޯލްޓަނޭޓިވް ބޭސް އިމްޕޯރޓް ކުރުމާއި ރަޖިސްޓްރީ ކުރުމަށް ބޭނުންވާ މައުލޫމާތު އެކަމަށް އެދޭ ފަރާތްތަކަށް  ފޯރުކޮށްދިނުން.
7.  މަސައްކަތާއި ގުޅުން ހުރި މެމޯ، ސިޓީ އަދި އީމެއިލްތަކަށް ކަނޑައެޅިފައިވާ މުއްދަތުގެ ތެރޭ ޖަވާބު ދިނުން.
8.  ޕޯސްޓްގެ ޒަރިީޢާއިން ރާއްޖެ އެތެރެކުރާ ބޭސް ކްލިއަރ ކުރުމުގައި އެހީތެރިވެ ދިނުން.
9.  ޑިވިޝަނުން ކުރާ މަސައްކަތުގެ ދުވަހު ޔައުމިއްޔާ ޤަވާއިދުން ލިޔެ ޢެޑްމިން އާއި ޙިއްސާ ކުރުން.
10. ޙަވާލު ކުރެވޭ ހުރިހާ މަސައްކަތެއް ކަނޑައެޅިފައިވާ މުއްދަތުގެތެރޭ ކޮށް، ރިކޯޑް ބެލެހެއްޓުން އަދި ކޮންމެ 6 މަހަކުން މި މައުލޫމާތު ސުޕަވައިޒރާއި ޙިއްސާ ކުރުން.
11. އޮފީހުގެ ރަސްމީ މަސައްކަތާއި ގުޅިގެން ކުރަން ޖެހޭ އެންމެހައި މަސައްކަތް ކުރުން.
12. މީގެ އިތުރުންވެސް އޮފީހުގެ ރަސްމީ މަސައްކަތްތަކާ ގުޅޭގޮތުން ހަވާލުކުރެވޭ އެންމެހާ ކަންތައްތައް ކުރުމާއި ޞިއްޙީ އެމަރޖެންސީތަކާއި ކާރިސާތަކުގައި ޢަމަލީ ގޮތުން ބައިވެރި އެހީތެރިވުން.

މަޤާމުގެ ޝަރުތުތައް

1. މަގާމުގެ މަސައްކަތާ ގުޅުންހުރި ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 7 ނުވަތަ 8ގެ ޑިގްރީއެއް ނުވަތަ ބެޗްލަރސް އޮނަރސް ޑިގްރީއެއް ޙާޞިލްކޮށްފައިވުން.

ތަޢުލީމީ ރޮނގުތައް:

1. ބަޔޯ ސްޓެޓިސްޓިކްސް  
2. ކޮމިނިއުކަބަލް ޑިސީޒް  
3. ކޮމިއުނިޓީ ހެލްތު  
4. ކޮމިއުނިޓީ ހެލްތް ނަރސިންގ  
5. ކޮމިއުނިޓީ މެޑިސިން  
6. ޑިމޮގްރަފީ  
7. ޑައިޓެޓިކްސް  
8. ޑިޒާސްޓަރ މެނޭޖުމަންޓު  
9. އިމަރޖެންސީ މެނޭޖްމަންޓް  
10. އެމަރޖެންސީ ޕްރިޕެއަރޑްނަސް  
11. އެންޓޮމޮލޮޖީ  
12. އެންވަޔަރަންމަންޓަލް ހެލްތް  
13. އެޕިޑިމިއޮލޮޖީ  
14. ގްލޯބަލް ހެލްތް  
15. ހެލްތް ކެއަރ އެޑްމިނިސްޓްރޭޝަން  
16. ހެލްތް ކެއަރ އިވެލުއޭޝަން  
17. ހެލްތް ކެއަރ މެނޭޖްމަންޓް  
18. ހެލްތް އެޑިޔުކޭޝަން  
19. ހެލްތު އިންފޮމެޓިކްސް  
20. ހެލްތް އިންފޮމޭޝަން  
21. ހެލްތް އިންފޮމޭޝަން މެނޭޖްމަންޓް  
22. ހެލްތް ޕްރޮމޯޝަން  
23. ހެލްތް ރިސަރޗް  
24. ހެލްތް ސަރވިސަސް އެޑްމިނިސްޓްރޭޝަން  
25. ހެލްތް ސަރވިސަސް މެނޭޖްމަންޓް  
26. އިންފެކްޝާސް ޑިޒީސަސް  
27. މެޓަރނަލް އެންޑް ޗައިލްޑް ހެލްތް  
28. މެންޓަލް ހެލްތް  
29. ނޮން-ކޮމިއުނިކަބަލް ޑިޒީސަސް  
30. ނިއުޓްރިޝަން  
31. އޮކިއުޕޭޝަނަލް ހެލްތް  
32. ޕޮޕިއުލޭޝަން ހެލްތް  
33. ޕްރައިމަރީ ހެލްތް ކެއަރ  
34. ޕަބްލިކް ހެލްތް  
35. ޕަބްލިކް ހެލްތް ނަރސިންގ  
36. ޕަބްލިކް ހެލްތް ރިސަރޗް  
37. ޕަބްލިކް ހެލްތް ސައިންސް  
38. ރިޕްރޮޑަކްޓިވް ހެލްތް  

ގުޅޭ ވަޒީފާގެ ދާއިރާތައް

• ޕަބްލިކް ހެލްތް ސާވިސަސް

ހުށަހަޅަންޖެހޭ ލިޔުންތައް

1. ފުރިހަމަ ކޮށްފައިވާ ވަޒީފާއަށް އެދޭ ފޯމު (މި ފޯމު ސިވިލް ސަރވިސް ކޮމިޝަނުގެ ވެބްސައިޓުން އަދި އިދާރާގެ ވެބްސައިޓުންނާއި ކައުންޓަރުން އަދި ތިރީގައިވާ ލިންކުން ލިބެންހުންނާނެއެވެ.)  https://www.csc.gov.mv/download/2021/84/1e148c34-bc04-4150-9537-29309c104aa7.docx
2. ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީ-މެއިލް އެޑްރެސް ހިމެނޭގޮތަށް).
3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ (މުއްދަތުހަމަވެފައިވީ ނަމަވެސް) ދެފުށުގެ ލިޔުންތައް ފެންނަ، ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް. ނުވަތަ އައި.ޑީ. ކާޑު ގެއްލިފައިވާ ނަމަ، އެ ފަރާތެއްގެ އުފަންދުވަހުގެ ސެޓްފިކެޓު، ޕާސްޕޯޓް ނުވަތަ ޑްރައިވިންގ ލައިސަންސް.
4. ސިވިލް ސަރވިސްއަށް / ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން ކުރިމަތިލާ މަޤާމަށް ހޮވިއްޖެ ނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއްނެތްކަމަށް، ވަޒީފާ އަދާކުރާ އޮފީހުން ދޫކޮށްފައިވާ ލިޔުން.
5. ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ؛

 (ހ) މޯލްޑިވްސް ކޮލިފިކޭޝަންސް އޮތޯރިޓީއިން ލެވަލް ކަނޑައަޅައި ތައްގަނޑު ޖަހާފައިވާ، މަތީ ތަޢުލީމުދޭ ރާއްޖެއިން ބޭރުގެ މަރުކަޒަކުން ދޫކޮށްފައިވާ ތަޢުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓުގެ ކޮޕީ؛ ނުވަތަ: ސެޓްފިކެޓު ނެތް ޙާލަތްތަކުގައި، ކޯސް ފުރިހަމަކުރިކަމުގެ ލިޔުމުގެ ކޮޕީއާއި، މޯލްޑިވްސް ކޮލިފިކޭޝަންސް އޮތޯރިޓީން ދޫކޮށްފައިވާ އެސެސްމަންޓް ރިޕޯޓްގެ ކޮޕީ އަދި ޓްރާންސްކްރިޕްޓްގެ ކޮޕީ

 (ށ)  ރާއްޖޭގެ މަތީ ތައުލީމުދޭ މަރުކަޒަކުން ދޫކޮށްފައިވާ ތައުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓްގެ ކޮޕީ؛ ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީއާއި ޓްރާންސްކްރިޕްޓްގެ ކޮޕީ: (މޯލްޑިވްސް ނެޝަނަލް ޔުނިވަރސިޓީ،އިސްލާމިކް ޔުނިވަރސިޓީ އޮފް މޯލްޑިވްސް އަދި ސިވިލް ސަރވިސް ޓްރެއިނިންގ އިންސްޓިޓިއުޓު ފިޔަވައި، ދިވެހިރާއްޖޭގެ މަތީ ތައުލީމުދޭ މަރުކަޒުތަކުން ދޫކުރާ ކޯސް ފުރިހަމަކުރިކަމުގެ ލިޔުން (ކޯސް ކޮމްޕްލީޝަން ލެޓަރ) ބަލައިގަނެވޭނީ، ލިޔުމުގައި މޯލްޑިވްސް ކޮލިފިކޭޝަންސް އޮތޯރިޓީން "ބެޗް ވެލިޑޭޓް" ކޮށް ދަރިވަރުންނަށް ސަނަދު ދިނުމުގެ ހުއްދަ އެ މަރުކަޒަކަށް ދީފައިވާ ހުއްދަ ނަންބަރު ހިމަނާފައިވާ ނަމައެވެ.)

 6. މަސައްކަތުގެ ތަޖުރިބާ އަންގައިދޭ ތިރީގައިވާ މިންގަނޑަށް ފެތޭ ލިޔުންތަކުގެ ކޮޕީ:

 (ހ) ސިވިލް ސަރވިސްގެ ވަޒީފާއެއްގައި، ދައުލަތުގެ މުއައްސަސާއެއްގައި، ސަރުކާރު ހިއްސާވާ ކުންފުންޏެއްގައި ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

 (ށ) ސިވިލް ސަރވިސްގެ ތަޖުރިބާގެ ތެރެއިން https://myaccount.csc.gov.mv/ އިން ފެންނަންނެތް ތަޖުރިބާގެ މުއްދަތުތައް ހާމަކޮށްދިމުގެ ގޮތުން އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

 (ނ)   އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށްފައިވާ އަދި މަސައްކަތްކޮށްފައިވާ ތަނުގެ މުވައްޒަފުންގެ އަދަދު ބަޔާންކޮށް އެ އޮފީހަކުން ދޫކޮށްފައިވާ ލިޔުން.

 (ރ)  ޤައުމީ ނުވަތަ ބައިނަލްއަޤުވާމީ ޖަމްއިއްޔާ ނުވަތަ ޖަމާއަތެއްގައި މަސައްކަތް ކޮށްފައިވާ ނަމަ، އަދާކޮށްފައިވާ ވަޒީފާ، އަދި ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ ތަނަކުން ދޫކޮށްފައިވާ ލިޔުން (މި ލިޔުމުގައި އަދާކޮށްފައިވާ މަޤާމަކީ މުސާރަދެވޭ މަޤާމެއްކަން ނުވަތަ ނޫންކަން ބަޔާންކޮށްފައި އޮންނަންވާނެއެވެ. ނުވަތަ ބަދަލުގައި އެކަން ބަޔާންކޮށް އެ ތަނަކުން ދޫކޮށްފައިވާ ރަސްމީ ލިޔުމެއް ހުށަހަޅަންވާނެއެވެ.)

 (ބ)  ދަޢުލަތުގެ އުވައިލައިފައިވާ އިދާރާއެއްގައި، ނުވަތަ އުވައިލައިފައިވާ އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި، ނުވަތަ އުވައިލައިފައިވާ ޤައުމީ ނުވަތަ ބައިނަލްއަޤްވާމީ ޖަމިއްޔާ ނުވަތަ ޖަމާއަތެއްގައި މަސައްކަތްކޮށްފައިވާ ނަމަ، އަދާކޮށްފައިވާ ވަޒީފާ އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން ލިބެންނެތް ނަމަ، ރެކްރޫޓްމަންޓް އުޞޫލުގެ ޖަދުވަލު 8 ގައިވާ "އުވާލާފައިވާ ތަންތަނުގެ ތަޖުރިބާ އަންގައިދޭ ރެފަރެންސް ޗެކްފޯމް".

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް:

މަޤާމަށް އެދެންވީގޮތާއި ސުންގަޑި

 މަޤާމަށް އެދި ހުށަހަޅަންޖެހޭ ތަކެތި މެއިލްކުރައްވާނީ 16 އޭޕްރީލް 2026 ވަނަ ދުވަހުގެ 14:00 ގެ ކުރިން [email protected] އަށެވެ.

 އަދި އިޢުލާނުގެ ސުންގަޑި ހަމަވުމުގެ ކުރިން ސަރުކާރުން އަލަށް ބަންދު ދުވަހެއް ކަނޑައަޅައިފިނަމަ، އެ ކަނޑައަޅާ ދުވަހުގެ އަދަދަށް ވަޒީފާއަށް އެދޭ ފޯމު ބަލައިގަނެވޭނެއެވެ.

 ނޯޓް: އެޕްލިކޭޝަން ފޯމާއިއެކު ހުރިހާ ޑޮކިއުމަންޓެއް އެއް ފައިލްއަކަށް ޕީ.ޑީ.އެފް ކުރުމަށް ފަހު، ފައިލުގައި އެޕްލިކޭޝަން ހުށަހަޅާ ފަރާތުގެ ނަމާއި މަޤާމު ނަންބަރު ޖެހުމަށް ދަންނަވަމެވެ.

ޝޯޓް ލިސްޓް ކުރުން

 މި ވަޒީފާއަށް އެދި ހުށަހަޅާ ފަރާތްތަކުގެ ތެރެއިން ތަޢުލީމީ ފެންވަރާއި ތަޖުރިބާއަށް ބަލައި، ވަޒީފާއަށް ކުރިމަތިލާފައިވާ ފަރާތްތަކުގެ ތެރެއިން އެންމެ މަތިން ޕޮއިންޓު ލިބޭފަރާތްތައް ޝޯޓްލިސްޓުކުރެވޭނެއެވެ.

އިންޓަރވިއު  އަދި        އިމްތިޙާނު އޮންނާނެ ތަނާއި، މުއްދަތު:

 މިމަގާމަށް މީހަކު ހޮވުމަށް ބޭއްވޭ އެސެސްމެންޓް (އިމްތިޙާނު ނުވަތަ ޕްރެކްޓިކަލް)، އަދި އިންޓަރވިއު އޮންނާނީ، 2026 އޭޕްރީލް މަހު، މޯލްޑިވްސް ފުޑް އެންޑް ޑްރަގް އޮތޯރިޓީއިން ކަނޑައަޅާ ތަނެއްގައެވެ. ވުމާއެކު، މި ވަޒީފާއަށް ކުރިމަތިލާ ފަރާތްތަކުން، އެ މުއްދަތުގައި އިމްތިޙާނު އަދި އިންޓަރވިއުއަށް ހާޒިރުވުމަށް ތައްޔާރުވެގެން ތިބުން އެދެމެވެ.