މި ކޮމިޝަނުގެ ނަންބަރު (IUL)195-A-HR/195/2026/5 (28 ޖަނަވަރީ 2026) އިޢުލާނާ ގުޅިގެން އެ މަޤާމަށް ކުރިމަތިލާފައިވާ ފަރާތްތަކުގެ ތެރެއިން އެ މަޤާމަށް ޝަރުތުހަމަވާ ފަރާތްތަކަށް ދީފައިވާ ޕްރެކްޓިކަލް ޓެސްޓުން އެކަށީގެންވާ މިންވަރަށް އެއްވެސް ކެނޑިޑޭޓަކަށް މާކްސް ލިބިފައިނުވާތީ، އެ އިޢުލާން ބާޠިލްކޮށް އެ މަޤާމަށް އަލުން ޢިއުލާން ކުރަމެވެ.

ވަޒީފާގެ ފުރުޞަތު

ނަންބަރު:(IUL)195-A-HR/195/2026/14  

ތާރީޚް: 08 އެޕްރީލް 2026

މަޤާމު

ޖުޑީޝަލް ސަރވިސް އެސިސްޓަންޓް

ޖޮބް ފެމިލީ

ސެކްރެޓޭރިއަލް، ސްކިލްޑް އެންޑް އެލެމަންޓަރީ ސަރވިސް

ރޭންކް

ފަބްލިކް ސަރވިސް ރޭންކް 3

ބޭނުންވާ ޢަދަދު

01 (އެކެއް)

މޭޖަރ ގްރޫޕް

ސެކްރެޓޭރިއަލް ސަޕޯޓް ވަރކާސް އެންޑް ސްކިލްޑް ވަރކާސް

މަސައްކަތް ކުރަންޖެހޭ ތަން

ޖުޑީޝަލް ސަރވިސް ކޮމިޝަން

ޑިޕާޓްމަންޓް/ސެކްޝަން

ހިއުމަން ރިސޯސް ޑިވެލޮޕްމަންޓް ސެކްޝަން

އަސާސީ މުސާރަ

-/8,520 ރުފިޔާ

އެލަވަންސާއި އިތުރު ގަޑި

- މަގާމުގެ އެލަވަންސް: -/2,560 ރުފިޔާ

- ހާޒިރީ އިނާޔަތް: (ދައުލަތުގެ ޕޭ ފްރޭމްވަރކްގެ މިންގަނޑު ތަކުގައި ހާޒިރީ އިނާޔަތް ދިނުމަށް ކަނޑައަޅާފައިވާ އުސޫލުން) -/70 ރުފިޔާ

-  އިތުރުގަޑީގައި މަސައްކަތް ކުރާނަމަ ދައުލަތުގެ ޕޭ ފްރޭމްވަރކްގެ މިންގަނޑުތަކުގެ ތެރެއިން "އިތުރުގަޑީގެ ފައިސާ ދޭނެ ގޮތުގެ މިންގަނޑު" ގައި ވާ ގޮތުގެމަތީން އިތުރުގަޑީގެ ފައިސާ ދެވޭނެއެވެ.

އަސާސީ ޝަރުތު

ސާނަވީ ނުވަތަ އެއާ އެއްފެންވަރުގެ އިމްތިޙާނަކުން 2 މާއްދާއިން ދަށްވެގެން "ޑީ" ގްރޭޑް ލިބިފައި ވުމާއެކު، "ސެކަންޑަރީ ސްކޫލް" ނުވަތަ "ހަޔަރ ސެކަންޑަރީ ސްކޫލް" ސެޓްފިކެޓް އިމްތިޙާނުގައި "ދިވެހި" މި މާއްދާއިން ދަށްވެގެން "ސީ" ގްރޭޑް ލިބިފައިވުން.

މަޤާމުގެ މަސްއޫލިއްޔަތު:

1. ކޮމިޝަނުގެ މުވައްޒަފުންނަށް ވަޒީފާ ދިނުމާއި ވަކިކުރުމާއި މަޤާމުގެ ކުރިއެރުން ދިނުމާބެހޭ އެންމެހާ އިދާރީ ކަންތައްތައް ކުރުމާއި އެކަމާ ގުޅޭ ރެކޯޑްތައް ބެލެހެއްޓުން.
2. ކޮމިޝަނުގެ ވަޒީފާތަކަށް ކުރިމަތިލާ ފަރާތްތަކާ އިންޓަރވިއު ކުރުމަށް އެކުލަވާލާފައިވާ އިންޓަރވިއު ޕެނަލްގެ އިދާރީ އެންމެހާ ކަންކަން އިންތިޒާމްކޮށް ބެލެހެއްޓުން.
3. މުވައްޒަފުންގެ ހާޒިރީ، ސަލާމް އަދި ޗުއްޓީ އާ ގުޅޭ ކަންކަން އެކަމަށް ކަނޑައަޅާފައިވާ ވަގުތުގައިކުރުމާއި އެކަމާ ގުޅޭ ރެކޯޑްސް އަޕްޑޭޓްކޮށް ބެލެހެއްޓުން.
4. ކޮމިޝަނުގެ މުވައްޒަފުންގެ ޕާރފޯމަންސް ބެލުމަށް ކުރަންޖެހޭ އެންމެހައި ކަންތައްތައް ކުރުމާއި ރެކޯޑްތައް ބެލެހެއްޓުމުގައި ސުޕަވައިޒަރުގެ ލަފައާއެކު އެ މަސައްކަތް ކުރުން.
5. ކޮމިޝަނުގެ މުވައްޒަފުންނަށް ބޭނުންވާ ތަމްރީނު ނުވަތަ ނީޑްސް އެސެސްމަންޓް ހެދުމާއި އަދި ބޭނުންވާ ތަމްރީނުތައް، އެ ތަމްރީން ބޭނުންވާ މުވައްޒަފުންނަށް ދެވޭނެ ގޮތްތައް ހޯދުމާއި، ބޭނުންވާ ތަމްރީނުތައް ދިނުމަށް ކުރަންޖެހޭ އެންމެހައި ކަންތައްތައް ކޮށް ތަމްރީނުތައް ބޭއްވުމަށް ކުރަންޖެހޭ ކަންކަން އިންތިޒާމް ކުރުމާއި އެކަމާގުޅޭ ރެކޯޑްތައް ބަލަހައްޓައި އެ މަސައްކަތުގައި އެހީތެރިވުން.
6. ސެކްޝަނުގެ ދުވަހު ޔައުމިއްޔާ ލިޔުން.
7. ސެކްޝަނުން ސެކްރެޓޭރިއޭޓް ބަލަހައްޓަންޖެހޭ ކޮމިޓީ އަދި މީޓިންގތަކުގެ ސެކްރެޓޭރިއޭޓް ބެލެހެއްޓުމާއި އަދި އެކަމާ ގުޅޭ އެންމެހާ އިދާރީ ކަންކަން ކުރުން.
8. މުވައްޒަފުންގެ ވަޒީފާއާގުޅޭ އެންމެހާ ރެކޯޑުތައް ގަވާއިދުން ހިއުމަން ރިސޯސް ސިސްޓަމަށް އެޅުމާއި ޗެކުކުރުމާއި ސިސްޓަމް އަޕްޑޭޓްކޮށް ބެލެހެއްޓުން އަދި ޕަރސަނަލް ފައިލްތަކުގެ ލިޔެކިޔުންތައް އަޕްޑޭޓްކޮށް ބެލެހެއްޓުން.
9. މުވައްޒަފުންގެ މުސާރަ ހެދުމާއި މުސާރައާއި އިނާޔަތްތަކާ ގުޅިގެން ކުރަންޖެހޭ އެންމެހައި މަސައްކަތްތައް ކުރުމާއި އެ ރެކޯޑްތައް ބެލެހެއްޓުން.

10. މަތީގައިވާ ކަންކަމުގެ އިތުރުންވެސް ސެކްޝަނުން ފޮނުވަންޖެހޭ ސިޓީ އާއި މެއިލް ފޮނުވަންޖެހޭ ފަރާތްތަކަށް ފޮނުވުން.

11. ސެކްޝަންށް ލިބޭ އަދި ސެކްޝަނުން ފޮނުވާ އެންމެހާ ލިޔެކިޔުން ފައިލްކޮށް ބެލެހެއްޓުން.

12. ސެކްޝަންގެ މަސައްކަތާ ގުޅިގެން އެހެން ސެކްޝަންތަކަށް ދޭންޖެހޭ މައުލޫމާތު ދިނުމަށް ކުރަންޖެހޭ މަސައްކަތުގައި އެހީތެރިވެ ދިނުން.

13. މަތީގައި ބަޔާން ކޮށްފައިވާ ކަންތައްތަކުގެ އިތުރުން ސެކްޝަންގެ އަދި  ކޮމިޝަނުގެ މަސައްކަތްތައް އޮމާންކަމާއެކު އިންތިޒާމްކޮށް ހިންގުމަށް ބޭނުންވާ އެންމެހާ ކަންތައްތައް ސުޕަވައިޒަރުގެ ލަފާގެ މަތީން ކުރުން ނުވަތަ އިންތިޒާމްކޮށް ހަމަޖެއްސުން.

މި މަޤާމަށް ކުރިމަތިލާ ފަރާތްތަކުން ހުށަހަޅަންޖެހޭ ތަކެތި

1. ޖުޑީޝަލް ސަރވިސް ކޮމިޝަނުގެ ވަޒީފާއަށް އެދޭ މީހުންގެ އިޤުރާރު.
2. މުއްދަތު ހަމަނުވާ ދިވެހި ރައްޔިތެއްކަން އަންގައިދޭ ކާޑުގެ ކޮޕީ.
3. ކުރިމަތިލާ ފަރާތުގެ ވަނަވަރު.
4. ރެފްރީގެ މައުލޫމާތު ފޯމް (ހަމައެކަނި ވަޒީފާ އަދާކޮށްފައިވާ/އަދާކުރަމުންދާ ފަރާތްތަކުން).
5. ލިބިފައިވާ ތަޢުލީމީ ސެޓްފިކެޓްތަކާ ޓްރާންސްކްރިޕްޓްތަކުގެ ކޮޕީ.

ނޯޓް: ދިވެހިރާއްޖޭގައި ރަޖިސްޓްރީކޮށްގެން ހިންގާ މަތީ ތަޢުލީމުދޭ މަރުކަޒުތަކުން ހިންގާ ތަޢުލީމާއި ތަމްރީނު ޕްރޮގްރާމްތަކުގެ ތެރެއިން ދިވެހިރާއްޖޭގެ ތަޢުލީމީ ސަނަދުތަކުގެ އޮނިގަނޑުގައި ކަނޑައެޅިފައިވާ ގިންތިތަކަށް ފެތޭގޮތަށް، އެމް.ކިއު.އޭގެ ހުއްދައާއެކު 1 ސެޕްޓެންބަރު 2016 ގެ ފަހުން ހިންގާ ޕްރޮގްރާމްތައް ފުރިހަމަ ކުރުމުން ދޭ ލޯކަލް ސަނަދުތައް އެކްރެޑިޓް ކުރަން ނުޖެހޭނެއެވެ.

  6. ކުރުމުއްދަތުގެ ޓްރެއިންގ ޕްރޮގްރާމްތަކާއި، ކޯސްތަށް ފުރިހަމަކޮށްފައިވާނަމަ އެ ލިޔުންތަކުގެ ކޮޕީ.

   7. އަދާކޮށްފައިވާ އަދި އަދާކުރަމުންދާ ވަޒީފާތަކާއި، އެމަޤާމުތަކުގެ ކްލެސިފިކޭޝަނާއި، ރޭންކް، މަޤާމުގައި ވީ މުއްދަތު އަދި މަސްޢޫލިއްޔަތު އިނގޭނެ ލިޔުންތަކުގެ ކޮޕީ.

ނޯޓް: އިންޓަރވިއުއަށް ޝޯޓްލިސްޓްވީ ފަރާތްތަކުގެ ތެރެއިން ދަޢުލަތުގެ ވަޒީފާގައި އުޅޭ ފަރާތްތައް ނޫން ފަރާތްތަކުން އިންޓަރވިއުއަށް ހާޒިރުވާއިރު ޕޮލިސް ރިޕޯޓު އަދި ކުށުގެ ރިކޯޑް ފޯމު ފުރިހަމަ ކުރުމަށްފަހު ގެންނަންވާނެއެވެ.

މަޤާމަށް އެދި ހުށަހެޅުން

މަގާމަށް އެދި ހުށަހަޅާނީ ފަހިރެސް ޕޯޓަލް މެދުވެރި ކޮށެވެ. ފަހިރެސް ޕޯޓަލްގެ ލިންކް ތިރީގައި އެވަނީއެވެ.

https://apply.jsc.gov.mv

ސުންގަޑި

މި މަގާމަށް އެދި އެޕްލިކޭޝަން ހުށަހެޅުމުގެ ސުންގަޑިއަކީ 2026 އެޕްރީލް 19 ވާ އާދީއްތަ ދުވަހުގެ 12:00 އާ ހަމައަށެވެ.

އަދި އިޢުލާނުގެ ސުންގަޑި ހަމަވުމުގެ ކުރިން، އިޢުލާނުގެ މުއްދަތުގެ ތެރެއަށް ވަންނަ ގޮތަށް ސަރުކާރުން އަލަށް ބަންދު ދުވަހެއް ކަނޑައަޅައިފިނަމަ، އިޢުލާނުގެ މުއްދަތުހަމަވާ ތާރީޚަށް އެ އަދަދަށް ދުވަސް އިތުރުކުރެވޭނެއެވެ.

އިތުރު މަޢުލޫމާތު

1. މި މަޤާމަށް ކުރިމަތިލާންވާނީ، ކުރިން މަސައްކަތްކޮށްފައިވާ އޮފީސްތަކުންނާއި، އަދި މިހާރުވެސް މަސައްކަތްކުރާ އޮފީހަކުން އެމީހެއްގެ މަސައްކަތާމެދު ދެކޭގޮތް ބަޔާންކޮށްދޭ ރެފްރީޒް ރިޕޯޓު މި ކޮމިޝަނުން ހޯދުމާމެދު އިޢުތިރާޒް ނުކުރާނަމައެވެ.
2. ފަހިރެސް ޕޯޓަލް މެދުވެރިކޮށް ސުންގަޑި ހަމަވުމުގެ ކުރިން ހުށަހަޅާ ކޮންމެ އެޕްލިކޭޝަނަކަށް އީމެއިލް  މެދުވެރިކޮށް ރިފަރެންސް ނަންބަރެއް ލިބޭނެއެވެ.
3. ޖުޑީޝަލް ސަރވިސް ކޮމިޝަނުގެ ވަޒީފާއަށް އެދޭ މީހެއްގައި ހުންނަންޖެހޭނެކަމަށް ބަޔާންކޮށްފައިވާ އިތުރު ޝަރުތުތައް ޖުޑީޝަލް ސަރވިސް ކޮމިޝަނުގެ މުވައްޒަފުންގެ ގަވާއިދުގައި ބަޔާންކޮށްފައި ވާނެއެވެ.
4. މި އިޢުލާންގައިވާ މަޤާމަށް މީހަކު ނެގުމުގައި އަމަލުކުރާނީ "ޖުޑީޝަލް ސަރވިސް ކޮމިޝަނުގެ މުވައްޒަފުންގެ ގަވާއިދު" ގައިވާ ގޮތުގެމަތީންނެވެ.
5. ޖުޑީޝަލް ސަރވިސް ކޮމިޝަނުގެ މުވައްޒަފުންގެ ގަވާއިދު www.jsc.gov.mv ވެބްސައިޓުން ލިބެން ހުންނާނެއެވެ.
6. މަޢުލޫމާތު ސާފުކުރައްވަން ގުޅުއްވާނެ ނަންބަރަކީ 3303501 އެވެ.