މިއިދާރާއިން ދެމެހެއްޓެނިވިގޮތުގައި ރައްކާތެރިކަމާއިއެކު ކުނިއުކާލުމާއި ކުނި ނައްތާލުމުގެ ޚިދުމަތް ފޯރުކޮށް ދިނުމުގެ މަޤްޞަދުގައި، މި ދެންނެވި ޚިދުމަތްތައް ފޯރުކޮށްދިނުމަށް ކޮންޓްރެކްޓް އުޞޫލުން މަސައްކަތް ކުރުމަށް ޝައުޤުވެރިކަން ހުރި މުވައްޒަފުން ހޯދުމަށް ބޭއްނުންވެއްޖެއެވެ. 

މަޤާމް: މުނިސިޕަލް އެސިސްޓެންޓް

ބޭނުންވާ ޢަދަދު: 2 (ދޭއް)

މަޤާމުގެ ރޭންކް: ޕަބްލިކް ސާރވިސް ރޭންކް 1

މަޤާމުގެ ކުލެސިފިކޭޝަން : ގުރޭޑް 1

މުއްދަތު: 3 މަސް

މުސާރަ: -/4500  (ހަތަރުހާސް ފަސްސަތޭކަ) ރުފިޔާ.

ލިވިންގް އެލަވަންސް: -/2500  (ދެހާސް ފަސްސަތޭކަ) ރުފިޔާ.

އެޓެންޑެންސް އެލަވަންސް: ޙާޒިރުވާ ދުވަހަކަށް -/125 (ސަތޭކަ ފަންސަވީސް) ރުފިޔާ

އެހެނިހެން އެލަވަންސް: 

1-       ރަމަޟާން މަހުގެ ޚާއްސަ އެލަވަންސް

2-      ދިވެހިރާއްޖޭގެ ޕެންޝަނާއި ބެހޭ ޤާނޫނުގެ ދަށުން ލިބިދެވޭ ޕެންޝަން ކޮންޓްރިބިއުޝަން

3-      ދިވެހިރާއްޖޭގެ ވަޒީފާއާއި ބެހޭ ޤާނޫނުން ދިނުމަށް ލާޒިމުކުރާ އިތުރުގަޑި އާއި ބަންދު ދުވަސްތަކުގެ ފައިސާ

ޔުނިޓް: މުނިސިޕަލް ސާރވިސް އެންޑް އިންސްޓްރަކްޗަރ

މަޤާމްގެ ޝަރުތުތައް: 

       ލިޔަންކިޔަން އެނގުން ނުވަތަ މަޤާމުގެ މަސައްކަތުގެ ދާއިރާއެއްގައި 4 އަހަރު ދުވަހުގެ މަސައްކަތު ތަޖުރިބާ ލިބިފައިވުން.

1-       18 އަހަރާއި 65 އަހަރާދެމެދުގެ ޢުމުރެއްގެ މީހެއްކަމުގައިވުން.

2-      އެކި މޫސުންތަކުގައި، އެތެރޭގައި އަދި ބޭރުގައި މަސައްކަތް ކުރެވޭވަރުގެ ސިއްޙަތެއްގައި މީހެއްކަމުގައިވުން.

3-       މަސައްކަތަށް ކަނޑައެޅިފައިވާ ވަގުތެ ތެރޭގައި އެތައްފަހަރަކު 50(ފަންސާސް) ކިލޯގްރާމަށްވުރެ ބަރުނޫން ތަކެތި އުފުލޭ ފެންވަރުގެ މީހެއްކަމުގައިވުން.

މަޤާމުގެ މަސްޢޫލިއްޔަތު:

1. ކައުންސިލްގެ އިދާރާގެ މަސައްކަތްތަކާ ކައުންސިލްގެ ނިންމުންތައް ތަންފީޒްކުރުމާގުޅޭ އެންމެހައި ކަންކަމުގައި ކައުންސިލަށާއި ސެކްރެޓަރީ ޖެނެރަލަށް ފުރިހަމައަށް ޖަވާބުދާރީވުން.
2.     ކައުންސިލުން ފާސްކުރާ ނިންމުންތައް ތަންފީޒުކުރުމަށް ފުރިހަމައަށް އެއްބާރުލުންދީ، އެފަދަ ނިންމުންތައް ތަންފީޒުކުރުމުގައި އިދާރީގޮތުން ކުރަންޖެހޭ އެންމެހައި ކަންތައް ސެކްރެޓަރީ ޖެނެރަލްގެ ނުވަތަ ސުޕަވައިޒަރުގެ ލަފަޔާ އިރުޝާދުގެ މަތިން ކުރުން.
3.     ކުނި ކޮށި ސާފުކޮށް ބެލެހެއްޓުމާއި، ކައުންސިލުން އަންގާ ގޮތެއްގެ މަތީން ކުނިކޮށި މަރާމާތުކުރުމާއި، ކުނިކޮށްށީގައި ބެހެއްޓިފައިވާ މެޝިނަރީއާއި، އިކުއިޕްމަންޓްތައް އޮޕަރޭޓްކުރުމާއި، މެއިންޓެނެންސާއި ސާވިސްކުރުން.
4. ކައުންސިލުން ކަނޑައަޅާފައިވާ ގިންތިތަކަށް ކުނި ވަކިކޮށް، އެގިންތިއަކަށް ޚާއްޞަކުރެވިފައިވާ ސަރަޙައްދުގައި ތަރުތީބުން ކުނި ޖެއްސުން ނުވަތަ ބެހެއްޓުން.
5. ގުދުރަތީގޮތުން ފަނާވެދާ ބާވަތްތަކުގެ ކުނީން ކާދުހެދުން.
6. ގުދުރަތީ ގޮތުން ފަނާވެދާ ކުނި ފިޔަވައި ބާކީހުންނަ ހަރުކުނީގެ ތެރެއިން ރީސައިކަލް ކުރެވޭ ކުންޏާއި، ރީސައިކަލް ނުކުރެވޭ ކުނި ވަކިކޮށް ތަރުތީބުން ބެހެއްޓުން.
7. ކައުންސިލުން ކަނޑައަޅާ ތާވަލާއި އެއްގޮތަށް ކުނިއެންދުން.
8. ދަޅު އަދި ފުޅިފަދަ ފިއްތޭ ބާވަތްތަކުގެ ކުނި ކައުންސިލުން އަންގާގޮތެއްގެ މަތީން ފިއްތުމާއި ބަންދުކުރުމާއި، ތަރުތީބުކުރުން ނުވަތަ ރީސައިކަލް ކުރުން.
9. ކައުންސިލުން އަންގާގޮތެއްގެ މަތީން ބިއްލޫރި ފުނޑުކުރުމާއި ނައްތާލުން ނުވަތަ ރީސައިކަލް ކުރުން.
10. ރަށުން ކުނި ބޭރުކުރުމަށް ކައުންސިލުން ކަނޑައަޅާ، ކަނޑުގައި ދުއްވާ އުޅަނދަށް ކުނި ބަރުކުރުން.
11. ކުނި ކޮށްޓައި ކުނިކޮށީ ސަރަޙައްދު ސާފުކޮށް ގަސްއިންދައި ޒީނަތްތެރިކޮށް ބެލެހެއްޓުން.
12. ކައުންސިލުން ކުންޏާއި ބެހޭގޮތުން އެއްކުރުމަށް އަންގާ މަޢުލޫމާތު އެއްކޮށް ފޯރުކޮށްދިނުން.
13. އަދި މިނޫންވެސް ކުނިއުކާލުމާއި ނައްތާލުމުގެ ޚިދުމަތާއި ގުޅިގެން ކައުންސިލުން އަންގާ އެންމެހައި ކަންކަން ކުރުން.
14. ކައުންސިލްގެ ޢިދާރާއިން ރާވައި ކުރިއަށްގެންދާ ޓްރެއިނިންގް ޕްރޮޤްރާމްތަކާއި، ބައްދަލުވުންތަކުގައި ކައުންސިލުން އަންގައިފި ހިނދެއްގައި ޢަމަލީ ގޮތުން ބައިވެރިވުން.
15. ކައުންސިލުގެ ޢިދާރާއިން ކުރިއަށްގެންދާ ޚާއްސަ އިވެންޓްތަކުގައި ނުވަތަ  މަސައްކަތްތަކުގައި ބައިވެރިވުމާއި ކުއްލިހާލަތުގައި ދިމާވާ ކަންކަމުގައި އެހީތެރިވެދިނުން.
16. ޚިދުމަތް ފޯރުކޮށްދިނުމުގައި ދިމާވާ ދަތިތައް ކައުންސިލުގެ ސަމާލުކަމަށް ގެނައުން.
17. ޢިދާރާގެ ހިންގުމާއި ގުޅޭގޮތުން ސެކްރެޓަރީ ޖެނެރަލް ޚަވާލުކުރާ އެހެނިހެން މަސައްކަތްކުރުން.

އެޕްލިކޭޝަން ފޮނުވަންވީ ތާރީޚް:

 25 ފެބުރުވަރީ 2026 ވާ ބުދަ ދުވަހުގެ 12:00 ގެ ކުރިން ވ.ފުލިދޫ ކައުންސިލްގެ އިދާރާއަށް.

 ހުށައަޅަންޖެހޭ ލިޔެކިޔުންތައް:

1. ވަޒީފާއަށް އެދޭކަމުގެ ފޯމް ( ކައުންސިލްއިދާރާއިން ލިބެންހުންނާނެ)

2. ދިވެހިރައްޔިތެއްކަން އަންގައިދޭ ކާޑުގެ ކޮޕީ

3. ތަޢުލީމީ ސެޓްފިކެޓްތަކުގެ ކޮޕީ

4. ލިބިފައިވާ ތަޖްރިބާ ދަލީލުކޮށްދޭ ލިޔުންތަކުގެ ކޮޕީ

• އިންޓަވިއުއަށް އަންނައިރު ތަޢުލީމީ ސެޓްފިކެޓް، ތަޖުރިބާގެ ލިޔުން، ދިވެހިރައްޔިތެއްކަން އަންގައިދޭ ކާޑްގެ އަސްލު ގެންނަންވާނެއެވެ.

              މި އިއުލާނާއިގުޅިގެން އިތުރު މައުލޫމާތު ސާފުކުރެއްވުމަށް މި އިދާރާގެ ނަމްބަރ: 6700603 ފޯނާއި ރަސްމީ ގަޑީގައި ގުޅުއްވުން އެދެމެވެ.  

              ވީމާ މިކަން އާއްމުކޮށް އެންގުމަށްޓަކައި  އިއުލާނުކުރީމެވެ.