ދިވެހިރާއްޖޭގެ ބާ ކައުންސިލުގެ 2026 ވަނަ އަހަރުގެ އަހަރީ ޢާންމު ޖަލްސާ، 2026 ފެބުރުވަރީ 15 ވާ އާދީއްތަ ދުވަހުގެ މެންދުރުފަހު 14:00 ގައި ހައިބްރިޑްކޮށް ބޭއްވުމަށް ހަމަޖެހިފައިވާކަން ބާ ކައުންސިލުގެ އެންމެހާ މެންބަރުންނަށް އަންގައި، މި ޖަލްސާގައި ބައިވެރިވުމަށް ދަޢުވަތު އަރުވަމެވެ. 

އަހަރީ ޢާންމު ޖަލްސާގައި ބައިވެރިވެވަޑައިގަންނަވަން ބޭނުންފުޅުވާ އެންމެހާ މެންބަރުން، 11 ފެބުރުވަރީ 2026 ގެ ނިޔަލަށް، ތިރީގައިވާ ލިންކު މެދުވެރިކޮށް ރަޖިސްޓްރީ ކުރެއްވުން އެދެމެވެ.

ލިންކު: AGM 2026 - REGISTRATION FORM – Fill out form

އަދި ޖަލްސާގެ އެޖެންޑާގައި ޢާންމު މެންބަރުން ހިމަނުއްވަން ބޭނުންފުޅުވާ ކަންކަން 2026 ފެބުރުވަރީ 11 ވާ ބުދަ ދުވަހުގެ ނިޔަލަށް [email protected] މި އީ-މެއިލް މެދުވެރިކޮށް، ބާ ކައުންސިލަށް ހުށަހެޅުއްވުން އެދެމެވެ. އީ-މެއިލް ކުރައްވާއިރު، ސުރުޚީގައި " އޭ.ޖީ.އެމް 2026 – އެޖެންޑާ އައިޓަމް ރިކުއެސްޓް" ނުވަތަ "AGM 2026 – Agenda Item Request" ޖައްސަވައި ފޮނުއްވުން އެދެމެވެ.

2026 ވަނަ އަހަރުގެ އަހަރީ ޢާންމު ޖަލްސާގެ އެޖެންޑާ މި އިޢުލާނާއެކު އެޓޭޗްކޮށްފައިވާނެއެވެ. އަދި ޖަލްސާއާގުޅޭ އެހެނިހެން ލިޔެކިޔުންތައް، ތިރީގައިވާ ބާ ކައުންސިލުގެ ވެބްސައިޓު ލިންކުން ލިބިވަޑައިގަންނަވާނެއެވެ.

ލިންކު: https://maldivesbarcouncil.org/annual-general-meetings/7