އިޢުލާން

ކާފަ މާމަ މައިޒާން ސަރަހައްދުގައި އިމާރާތް ކުރަމުންދާ މިސްކިތުގެ އިރުމަތީ މަގަށް އަރައިގެން ކަނޑާފައިވާ ބައެއް ރުއްގަހުގެ ރުއްބުރި ތަކާއި ފަންތަކާއި ކާށި ގަނބުޅި އަދި ދަރުތަކުގެ ނީލަން ކިއުން 26 ޖަނަވަރީ 2026 ދުވަހުގެ މެންދުރު 13:15 ގައި އޮންނާނެއެވެ. މިނީލަމަށް ހާޒިރުވާ ފަރާތްތައް ހާޒިރުވާނީ ކާފަ މާމަ މައިޒާން ސަރަހައްދަށެވެ. 

މި ނީލަމުގައި ވާހައި ގިނަ ފަރާތްތަކަކުން ބައިވެރިވެވަޑައިގެން ދެއްވުމަކީ މިއިދާރާގެ އެދުމެކެވެ. ނީލަމުން ނަންގަވާ ތަކެތީގެ އަގު 2026 ޖަނަވަރީ 26 ވަނަ ދުވަހުގެ 14:15 ގެ ކުރިން މި އިދާރާގެ 7714700413001 ނަންބަރު އެކައުންޓަށް ޓްރާންސްފަރ ކުރެއްވުމަށްފަހު، ޓްރާންސްފަރ ކުރި ސްލިޕް މި އިދާރާގެ ނަންބަރު 7750013 އަށް ވައިބަރ ކުރަންވާނެއެވެ. 14:15 ގެ ކުރިން ފައިސާ ނުފޮނުވާ ފަރާތްތަކުން ނީލަމުން ނެންގެވި ތަކެތި އެހިސާބުން ކެންސަލް ކުރެވޭނެއެވެ. ނީލަމުން ތަކެތި ގެންދެވޭނީ ނީލަން ފުރިހަމަ ކުރިކަމުގެ ލިޔުން ކައުންސިލުން ދިނުމުންނެވެ.

ނީލަން ފުރިހަމަ ކުރައްވާ ފަރާތްތަކުން ނީލަމުން ނެންގެވި ތަކެތި 2026 ޖަނަވަރީ 27 ވަނަ ދުވަހުގެ މެންދުރު 12.00 ގެ ކުރިން ގެންދަވަންވާނެއެވެ. އެވަގުތުގެ ތެރޭގައި ނުގެންދަވާ ތަކެތި އެފަރާތުން ބޭނުންނެތީ ކަމުގައި ބަލައި އެތަކެތި ނައްތައިލެވޭނެއެވެ.

                                      06 ސައުބާން  1447