އެއަރޕޯޓްތައް ތަރައްޤީކޮށް ހިންގުމުގައި ރާއްޖޭގެ އެންމެ ޤާބިލު އަދި ތަޖުރިބާހުރި މިކުންފުނީގެ ވަޒީފާ އަދާކުރާހިތްވާ، ކަމަށް ޤާބިލު އުފެެއްދުންތެރި ހީވާގި އަދި ނަތީޖާ ހާސިލުކުރެވޭނެ ފަރާތްތަކަށް ތިރީގައި ބަޔާންކުރާ މަޤާމަށް ކުރިމަތިލުމުގެ ފުރުޞަތު ހުޅުވާލަމެވެ.

މަޤާމު: އައި. ސީ. ޓީ ސިސްޓަމްސް ޓެކްނީޝަން

ބޭނުންވާ އަދަދު: 01

މަސައްކަތް ކުރަންޖެހޭ ތަން: އިބްރާހީމް ނާޞިރު އިންޓަނޭޝަނަލް އެއަރޕޯޓް ( ހުޅުލެ ) / އައި. ޓީ އެންޑް އެނަރޖީ މެނޭޖްމަންޓް

ޝަރުޠު:

• އޯލެވެލް އިނގިރޭސި އަދި ހިސާބުން 'ސީ' ފާސް ނުވަތަ އެއަށްވުރެ މަތިން ހާސިލުކޮށްފައިވުން.
• އެސް.އެސް.ސީ ދިވެހިން 'ސީ' ފާސް ނުވަތަ އެއަށްވުރެ މަތިން ހާސިލުކޮށްފައިވުން.
• އުުމުރު: 18-40 އަހަރާ ދެމެދު.
• އިނގިރޭސިން އަދި ދިވެހިން ރަނގަޅަށް މުޢާމަލާތްކުރަން އެނގުން.
• ޝިފްޓް ޑީއުޓީ އަދާކުރެވޭނެ ފަރާތެއް ކަމުގައިވުން.

* ނޯޓް: އައި. ޓީ ދާއިރާއިން ސެޓުފިކެޓު ނުވަތަ ޑިޕްލޮމާ ހާސިލުކޮށްފައިވާ ފަރާތްތަކަށާއި އައި. ޓީ. ދާއިރާގައި ތަޖުރިބާ ލިބިފައިވާ ފަރާތްތަކަށް އިސްކަންދެވޭނެއެވެ.

މުސާރައާއި އިނާޔަތްތައް: މަހަކު -/10،000 ރުފިޔާއާއި -/11،000 ރުފިޔާއާ ދެމެދު.

ވަޒީފާގައި ކުރަންޖެހޭ މައިގަނޑު މަސައްކަތްތައް:

- ޓެކްނިކަލް ސަޕޯޓް ބޭނުންވާ ފަރާތްތަކަށް އެ ޚިދުމަތް ފޯރުކޮށްދިނުން. ރިމޯޓުން ކަނެކްޓް ކޮށްގެންނާއި ސައިޓަށް ގޮސްގެން ކުރިމަތިވާ އެންމެހައި ހާޑްވެއަރ އަދި ސޮފްޓްވެއަރ މައްސަލަތައް ޙައްލުކުރުން.

- އެމް. އޭ. ސީ. އެލް އަށް ނިސްބަތްވާ ޑެެސްކްޓޮޕް، ޕްރިންޓަރ، ގޭޓް ރީޑަރ، ކިއޮސްކް އަދި އެހެނިހެން މިފަދަ އައި. ޓީ އިކުއިޕްމަންޓަށް ބެލެހެއްޓުން.

- މުހިންމު ސިސްޓަމެއް ފެއިލްވެއްޖެ ނުވަތަ މެލްފަންކްޝަންވެއްޖެ ހިނދެއްގައި އެ މައްސަލައެއް ޙައްލުކުރަން އިތުރުގަޑީގައި މަސައްކަތްކުރަން ޖެހިއްޖެނަމަ އެގޮތަށް މަސައްކަތްކުރުން.

މަޤާމު: އެސިސްޓެންޓް ޕެސެންޖަރ ސަރވިސަސް އޮފިސަރ

ބޭނުންވާ އަދަދު: 06

މަސައްކަތް ކުރަންޖެހޭ ތަން: އިބްރާހީމް ނާޞިރު އިންޓަނޭޝަނަލް އެއަރޕޯޓް ( ހުޅުލެ ) / ޕެސެންޖަރ ސަރވިސަސް

ޝަރުޠު:

• އޯލެވެލް އިނގިރޭސި ހިމަނައިގެން 2 މާއްދާއިން "ސީ" ފާސް ނުވަތަ އެއަށްވުރެ މަތިން ހާސިލުކޮށްފައިވުން.
• އެސް.އެސް.ސީ ދިވެހިން 'ސީ' ފާސް ނުވަތަ އެއަށްވުރެ މަތިން ހާސިލުކޮށްފައިވުން.
• އުުމުރު: 18-25 އަހަރާ ދެމެދު.
• އިނގިރޭސިން އަދި ދިވެހިން ރަނގަޅަށް މުޢާމަލާތްކުރަން އެނގުން.
• ބޭސިކް ކޮމްޕިއުޓަރ އެޕްލިކޭޝަންތައް ބޭނުންކުރަން އެނގުން.( މައިކްރޯ ސޮފްޓް އޮފީސް ޕެކޭޖް)
• ޝިފްޓް ޑީއުޓީ އަދާކުރެވޭނެ ފަރާތެއް ކަމުގައިވުން.

މުސާރައާއި އިނާޔަތްތައް: މަހަކު -/10،000 ރުފިޔާއާއި -/11،000 ރުފިޔާއާ ދެމެދު.

ވަޒީފާގައި ކުރަންޖެހޭ މައިގަނޑު މަސައްކަތްތައް:

- ޕަސެންޖަރުން ޗެކް-އިން ކުރުމުގެ އެންމެހާ ކަންތައްތައް ކޮމްޕިއުޓަރ ޕްރޮގްރާމުން ފުރިހަމަކުރުމާއި، ސީޓުނަންބަރު ދިނުމާއި، ބޯޑިންގފާސް ދިނުމާއި، ލަގޭޖް ލޭބަލް ދިނުމާއިި، މަތިންދާބޯޓުން ގޭޓަށް، އަދި ގޭޓުން މަތިންދާބޯޓަށް ޕަސެންޖަރުން އެސްކޯޓްކުރުން.

- ކަނޑައެޅިފައިވާ ވަގުތުގައި ޓްރާންސިޝަންތައް ބެލެހެއްޓުން (އެގޮތުން ޑިލޭ ނުވަތަ ކެންސަލްވާ ފްލައިޓްތަކާއި އަދި ހަލާކުވާ ނުވަތަ ގެއްލޭ ލަގޭޖްތަކާ ގުޅިގެން ކުރިމަތިވާ ކަންތައްތައް ހައްލުކުރުން)

- ކަސްޓަމަރުންނާއި މުޢާމަލާތްކޮށް، ސުވާލުތަކަށް ޖަވާބުދާރީވެ، ޕަސެންޖަރަކު ޚާއްޞަ ރިކުއެސްޓަކަށް އެދެފި ހިނދެއްގައި އެކަމެއް ކޮށްދެވޭނޭ މަގުފަހިކޮށްދިނުން.

- އަބަދުވެސް ހިނިތުންވުމާއެކު، ޕްރޮފެޝަނަލް ގޮތެއްގައި ޕަސެންޖަރުން ނުވަތަ ކަސްޓަމަރުންގެ ޝަކުވާތަކަށް ޖަވާބުދާރީވުން.

- މަސައްކަތާ ގުޅިގެން ފުރިހަމަކުރަންޖެހޭ ލިޔުންތައް އަދި ފޯމުތައް ފުރިހަމަކުރުމާއި އެންޓަރކުރުން.

ހުށަހަޅަންޖެހޭ ލިޔުންތައް:  

- ސީވީ އާއި ތަޢުލީމީ ސެޓުފިކެޓުތަކުގެ ކޮޕީ

-  ސްކޫލް ލީވިންގ ސެޓުފިކެޓުގެ ކޮޕީ

-  ދިވެހި ރައްޔިތެއްކަން އަންގައިދޭ ކާޑުގެ ކޮޕީ  

-  ކުރިން އަދާކޮށްފައިވާ ވަޒީފާތަކާގުޅޭ ލިޔެކިޔުންތަކުގެ ކޮޕީ

-  3 މަސްދުވަސް ހަމަނުވާ ޕޮލިސްރިޕޯޓް

ކުރިމަތިލުމުގެ ސުންގަޑި: 01 ޑިސެންބަރު 2015 ވަނަ ދުވަހުގެ 16:00.

ވަޒީފާއަށް އެދޭ ސިޓީ އެޑްރެސް ކުރައްވާނީ: 

ޖެނަރަލް މެނޭޖަރ، ހިއުމަން ރިސޯސަސް

މޯލްޑިވްސް އެއަރޕޯޓްސް ކޮމްޕެނީ ލިމިޓެޑް

ކޯޕަރޭޓް އޮފީސް ، ހުޅުލެ ، ދިވެހިރާއްޖެ

އިތުރު މަޢުލޫމާތު : ފޯނު –  3325511

މި މަޤާމަށް އެދި ހުށަހަޅާ ފަރާތްތަކުގެ ތެރެއިން ޝަރުޠު ހަމަނުވާ ފަރާތްތަކާއި، ލިޔުންތަކުގެ ކޮޕީ ނެތް ފަރާތްތަކުގެ ސިޓީ އަދި ފޯމު ބަލައިނުގަނެވޭނެ ވާހަކަ ދަންނަވަމެވެ.

6 ޞަފަރު 1437