ހިތަދޫ ސްކޫލުގައި ހުރި ބާވެ ހަލާކުވެފައިވާ ތަކެތި ނީލަން ކިއުމާ ގުޅޭ

         މިސްކޫލުން ބާވެ ހަލާކުވެފައިވާ ބައެއް ތަކެތި ނީލަމުގައި ވިއްކާލުމަށްޓަކައި ކުރެވުނު ފުރަތަމަ އިޢުލާން GS03/IUL/2025/33)) އާއި ގުޅިގެން އެއްވެސް ފަރާތަކުން ޝައުޤުވެރިކަން ފާޅުކޮށްފައިނުވާތީ، އެ އިޢުލާން ބާތިލްކޮށް އަލުން ނީލަން ކިޔުމަށް ހުޅުވާލަމެވެ.

މި އިޢުލާނާއިއެކު ނީލަމު ގައި ހިމެނޭ ތަކެތީގެ މަޢުލޫމާތާއި، ނީލަމުގައި ތަކެތި ވިއްކާލުމަށް ހަމަޖެހިފައިވާ އަގުގެ މަޢުލޫމާތު އެއްކަރުދާސް ކުރެވިފައިވާނެއެވެ.

 ނީލަން ކިއުމަށް ހަމަޖެހިފައިވަނީ ލޮޓްކޮށް ކަމުން، ނީލަން ކިއޭނީ ކޮންމެ ލޮޓަކަށް އެއްކޮށެވެ.

ނީލަން ކާމިޔާބު ކުރާ ފަރާތްތަކުން 03 ދުވަހުގެ ތެރޭގައި ހިތަދޫ ސްކޫލަށް ފައިސާ ދެއްކެވުމަށް ފަހު، ތަކެތި ގެންގޮސް ނިންމަން ވާނެއެވެ. މިމުއްދަތުގެ ތެރޭގައި ފައިސާ ނުދައްކައި ހުންނަ ތަކެތި ދެވަނަ ފަހަރަށް ނީލަމަށް ލެވޭނެއެވެ.

ވީމާ، ނީލަމުގައި ބައިވެރިވުމަށް ޝައުޤުވެރިވާ ފަރާތްތަކުން، 28 ޑިސެންބަރު 2025 އިން 30 ޑިސެންބަރު 2025 އަށް މި ތިން ދުވަހު، ކޮންމެ ދުވަހެއްގެ ހެނދުނު 10:00 އިން މެންދުރު 12:00 އަށް ހިތަދޫ ސްކޫލަށް ވަޑައިގަތުމުން ނީލަމުގައި ބައިވެރި ވުމުގެ ފުރުސަތު ލިބިގެން ދާނެއެވެ. ނީލަން ކުރިއަށް ގެންދެވޭނީ މަދުވެގެން 03 ބައިވެރިންގެ ހާޟިރުގައެވެ. ނީލަމުގައި ބައިވެރިވެލެއްވުމަށް ވަޑައިގަންނަވާއިރު  ދިވެހި ރައްޔިތެއްކަން އަންގައިދޭ ކާޑުގެ ކޮޕީއެއް ގެންނަވަން ވާނެއެވެ.

ވީމާ، މި ނީލަމުގައި ބައިވެރިވުމަށް ޝައުޤުވެރިވާ ފަރާތްތަކުން، މަތީގައިވާ ތާވަލާ އެއްގޮތަށް ނީލަމުގައި ބައިވެރިވެ ވަޑައިގަތުމުގެ ފުރުސަތު ހުޅުވާލެވިފައި ވާކަން ޢާންމުކޮށް އަންގާ އިޢުލާން ކުރަމެވެ.