އެކްސްޕްރެޝަން އޮފް އިންޓަރެސްޓް ހުށަހެޅުމުގެ ފުރުޞަތު

ދަޢުވަތު

ބޭންކް އޮފް މޯލްޑިވްސް (ބީ.އެމް.އެލް.) އިން ބޭންކުގެ ޚިދުމަތް ފުޅާކުރުމަށްޓަކައި ބޭރު ޤައުމެއްގައި ނުވަތަ ޤައުމުތަކެއްގައި ބޭންކުގެ ޚިދުމަތް ޤާއިމުކުރުމުގެ ދިރާސާކުރުމަށް ކޮންސަލްޓެންސީ ޚިދުމަތް ދޭނެ ފަރާތެއް ހޯދަން ބޭނުންވާތީ، މިކަމަށް ޝައުޤުވެރިވެވަޑައިގަންނަވާ އަދި ކަމުގެ ތަޖުރިބާ ލިބިވަޑައިގެންފައިވާ ފަރާތްތަކުން އީ.އޯ.އައި. ހުށަހެޅުމުގެ ފުރުޞަތު ހުޅުވާލަމެވެ.

އެކްސްޕްރެޝަން އޮފް އިންޓަރެސްޓްގައި ހިމެނޭ ބައިތައް އަދި މިންގަނޑުތައް

1. އެޕްލިކޭޝަން ސިޓީ:

• ހުށަހަޅާ ފަރާތުގެ (އަމިއްލަ ފަރުދުން، ފާރމް، އަދި ކުންފުނި) ޕްރޮފައިލް، ގާބިލުކަން، ރިސޯސް ހުރި މިންވަރުގެ ތަފުސީލު
• މި ޕްރޮޖެކްޓްގައި މަސައްކަތް ކުރާނެ އިސް ފަރާތްތަކުގެ (ސީނިއަރ މެނޭޖްމަންޓުގެ) ތަފުސީލު
• ކުންފުނީގެ ފަރާތުން ކަނޑައަޅާ ފަރާތުގެ ނަމާއި މަޤާމު އަދި ގުޅޭނެ ނަންބަރު

2. ބޭންކެއް އެހެން ޤައުމެއްގައި ޤާއިމުކުރުމަށް ކުރިން ކޮންސަލްޓެންސީ ޚިދުމަތް ނުވަތަ ލަފާ ފޯރުކޮށްދިނުމުގެ ތަޖުރިބާގެ ތަފުސީލު (ރިފަރެންސް ސިޓީއާއެކު)

އިތުރު މަޢުލޫމާތު

މި މަސައްކަތާބެހޭ އިތުރު މަޢުލޫމާތު ހޯދަން ބޭނުންވާނަމަ 26 ނޮވެންބަރު 2015 ވާ ބުރާސްފަތި ދުވަހުގެ 16:00 ގެ ކުރިން ބޭންކުގެ މެއިލް އެޑްރެސް [email protected] އަށް މެއިލް ކުރެއްވުން އެދެމެވެ.

އީ.އޯ.އައި ހުށަހެޅުން

އީ.އޯ.އައި ހުށަހަޅާނީ އީމެއިލް މެދުވެރިކޮށް މެއިލް އެޑްރެސް [email protected] އަށެވެ. އީ.އޯ.އައި ހުށަހެޅުމުގެ ފަހު މުއްދަތަކީ 30 ނޮވެންބަރު 2015 ވާ ހޯމަ ދުވަހެވެ.

ހޮވާނެގޮތް

3. މި އީ.އޯ.އައި. އަކީ ޕްރޮޕޯޒަލް ހުށަހެޅުމަށް ހުޅުވާލެވޭ ފުރުޞަތެއްކަމުގައެއް ނުބެލެވޭނެ.

4. ޝައުޤުވެރިވެވަޑައިގަންނަވާ ފަރާތްތަކުން ހުށަހަޅުއްވާ އީ.އޯ.އައި. ތައް ޚިދުމަތް ފޯރުކޮށްދޭން ހުށަހަޅުއްވާ ފުޅާމިނަށާއި އެފަރާތެއްގެ ތަޖުރިބާ އަދި ގާބިލުކަމުގެ މައްޗަށް ބަލައި ދިރާސާ ކުރެވޭނެ.

5. އިވެލުއޭޝަނުން ޝޯޓްލިސްޓް ކުރެވޭ ފަރާތްތަކަށް ޕްރޮޕޯޒަލް ހުށަހެޅުމުގެ ފުރުޞަތު ހުޅުވާލެވޭނެ.