1. ތަޢާރުފާއި ނަން

މިއީ ވޭމަންޑޫގައި ދިރިއުޅޭ ވޭމަންޑޫގެ ރައްޔިތުން އެއްގޭގައި ގޭބިސީއެއް ހަދައިގެން ދިރިއުޅުމަށް ބޭނުންވެ، އެގެއިން ގޭބިސީއެއް ރަޖިސްޓަރީ ކުރުމަށް ވޭމަންޑޫ ކައުންސިލަށްއެދި ހުށަހެޅުމުން ގޭބިސީ ލިޔުން ދޫކުރުމުގެ ކުރީގައި ޢާއްމުކޮށް އެންމެންނަށް އެގޭ އުޞޫލެއް އޮންނަން ޖެހޭނެކަމަށް ކައުންސިލަށް ޤަބޫލް ކުރެވޭތީ، މިކަމަށް އެދެވޭ ހައްލެއް ހޯދުމުގެ ބޭނުމުގައި ކައުންސިލުން އެކުލަވާލެވިފައިވާ އުޞޫލެކެވެ. މި އުޞޫލަށް ކިޔާނީ " ކޮޅުމަޑުލު ވޭމަންޑޫގައި ގޭބިސީ ރަޖިސްޓަރީ ކުރުމުގެ އުޞޫލް" އެވެ. 

1. މަޤްޞަދު

މިއީ ވޭމަންޑޫގައި ދިރިއުޅުމަށް ދޫކޮށްފައިވާ ބަންޑާރަ ގޯއްޗާއި، އަމިއްލަ ގޯތީގައި ޢިމާރާތްކޮށްފައިވާ ގޭގޭގައި 1 (އެކެއް) ގޭބިސީއަށްވުރެ އިތުރަށް  ގޭބިސީ ރަޖިސްޓަރީ ކޮށްދިނުމަށް ހުށަހަޅަމުން ދާތީ ހުރިހާ އެންމެންނަށް އެއް އުޞޫލަކުން  ގޭބިސީ ރަޖިސްޓަރީ ކޮށްދިނުމުގެ މަޤްޞަދުގައި އެކުލަވާލި އުޞޫލެކެވެ.

1.  ގޭބިސީ ރަޖިސްޓްރީކުރުން

(ހ) މީހުން ދިރިއުޅުމަށްޓަކައި ދޫކޮށްފައިވާ ބަންޑާރަ ގޯއްޗާއި، އަމިއްލަ ގޯއްޗާއި އަދި ތަރިކައިން ލިބިފައިވާ ގޯތީގައި  ގޭބިސީއެއް ރަޖިސްޓަރީ ކުރަން ހުށަހަޅާ ހުށަހެޅުންތަކުގައި މިމާއްދާގައި ބަޔާންކޮށްފައިމިވާ ޝަރުތުތައް ފުރިހަމަވާންވާނެއެވެ. މިގޮތުން ގޭބިސީއެއް ހެދުމަށް ހުށަހަޅަންވާނީ މި އުޞޫލުގެ ޖަދުވަލް 1 ގައިވާ ފޯމުންނެވެ. މި ފޯމު ފުރިހަމަކޮށް މިފޯމުގަ ބަޔާންކޮށްފައިވާ ލިޔުންތައް ހުށަހަޅަންވާނެއެވެ.

1. މީހުން ދިރިއުޅުމަށްޓަކައި ދޫކޮށްފައިވާ ބަންޑާރަ ގޯއްޗެއް ނުވަތަ އަމިއްލަ ގޯއްޗެއްގައި ގޭބިސީވަކިކުރަން ހުށަހަޅާ ގޯތީގައި، މީހުން ދިރިއުޅުމަށް އެކަށީގެންވާ ޢިމާރާތެއް ކޮށް ޢިމާރާތާއި ގޯތީގެ ރަޖިސްޓްރީ ކޮށް އެގޭގައި ދިރިއުޅޭ މީހުންގެ ރަޖިސްޓްރީ ހައްދާފައިވުން
2. މީހުން ދިރިއުޅުމަށްޓަކައި ދޫކޮށްފައިވާ ބަންޑާރަ ގޯއްޗެއް ނުވަތަ އަމިއްލަ ގޯއްޗެއްގައި ގޭބިސީވަކިކުރަން ހުށަހަޅާފަރާތަކީ ވޭމަންޑޫގައި ރައްވެހިވެފައިވާ ފަރާތެއްކަމުގައިވުން.
3. މީހުން ދިރިއުޅުމަށްޓަކައި ދޫކޮށްފައިވާ ބަންޑާރަ ގޯއްޗާއި، އަމިއްލަ ގޯއްޗާއި އަދި ތަރިކައިން ލިބިފައިވާ ގޯތީގައި ޢިމާރާތްކޮށްފައިވާ ޢިމާތާތެއްގައި  ގޭބިސީއެއް ރަޖިސްޓަރީކުރުމަށް ހުށަހަޅާފަރާތަކީ،  ގޭބިސީ ރަޖިސްޓްރީ ކުރަން ހުށަހަޅާ ޢިމާރާތާއި ގޯތީގެ ވެރިފަރާތުގެ މަންމަ، ބައްޕަ ނުވަތަ 18 އަހަރު މަތީ ޢުމުރުގެ ދަރިންގެ ތެރެއިން  ގޭބިސީއެއްގައި ރަޖިސްޓަރީކޮށްފައި ނުވާ ފަރާތެއް ކަމުގައި ވުން.
4. ހުށަހަޅާ ފަރާތުގެ ނަމުގައި ބަނޑާރަ ގޯއްޗެއް ނުވަތަ އަމިއްލަ ނުވަތަ ތަރިކައިން ލިބިފައިވާ ގޯއްޗެއްއޮވެ އެގޯތީގައި ޢިމާރާތްކޮށް  ދިރިއުޅުމެއް އުޅެމުންދާ ފަރާތެއްކަމުގައި ނުވުން.
5. މީހުން ދިރިއުޅުމަށްޓަކައި ދޫކޮށްފައިވާ ބަންޑާރަ ގޯއްޗާއި، އަމިއްލަ ގޯއްޗާއި އަދި ތަރިކައިން ލިބިފައިވާ ގޯތީގައި ޢިމާރާތްކޮށްފައިވާ ގެއެއްގައި  ގޭބިސީއެއް ރަޖިސްޓްރީ ކުރުމަށް ހުށަހަޅާ ފައިވާ ފަރާތަކީ އެ ގޭގެ މީހުންގެ ރަޖިސްޓްރީގައި ހިމެނޭ މީހަކަށްވުން.
6.  ގޭބިސީއެއްގެ ރަޖިސްޓަރީ ކުރުމަށް ހުށަހަޅާ ފަރާތާއެކު، އެފަރާތުގެ ގޭބިސީގެ ރަޖިސްޓަރީގައި ހިމެނުމަށް މަދުވެގެން އިތުރު 1 މީހެއްގެ މައުލޫމާތު ހުށަހަޅަންވާނެއެވެ. މިގޮތުން ހުށަހަޅާ ފަރާތަކީ އެއްވެސް ގޭބިސީއެއްގެ ރަޖިސްޓަރީގައި ހިމެނާފައި ނުވާ، ތިރީގައި ބަޔާންކޮށްފައިވާ ފަރާތްތަކުގެ ތެރެއިން ފަރާތެއްކަމުގައި ވާންވާނެއެވެ.

• ހުށަހަޅާ ފަރާތުގެ އަންބި ނުވަތަ ފިރި،
• ހުށަހަޅާ ފަރާތުގެ ދަރިން،
• ހުށަހަޅާ ފަރާތުގެ މަންމަ،
• ހުށަހަޅާ ފަރާތުގެ ބައްޕަ،
• ހުށަހަޅާ ފަރާތުގެ 18 (އަށާރަ) އަހަރުން މަތީ އެއްބަނޑުއެއްބަފާ، އެއްބަނޑު، އެއްބަފާ މީހެއް،

1. ގޭބިސީއެއްގައި ރަޖިސްޓަރީ ކުރަން ހުށަހަޅާފަރާތަކީ ގޭބިސީ ރަޖިސްޓަރީ ކުރަން ހުށަހަޅާ ތާރީޚުން ފެށިގެން ވޭތުވެދިޔަ 1 (އެކެއް) އަހަރު ވޭމަންޑޫގައި ދިރިއުޅޭ ފަރާތެއްކަމުގައި ވުން. ހުށަހަޅާ ފަރާތަކީ  ވޭމަންޑޫގައި ދިރިއުޅޭ ފަރާތެއްކަން އަނގައިދޭ ރަސްމީ ލިޔުމެއް ހުށަހަޅަންވާނެއެވެ.
2. ގޭބިސީއެއްގެ ގޮތުގައި ރަޖިސްޓަރީ ކުރަން ހުށަހަޅާފަރާތް ދިރި އުޅުމަށް ހަމަޖެހިފައިވާ ތަނުގައި ތިރީގައި މިވާ ކަންތައްތަށް ވަކިން ފުރިހަމަވެފައި ހުރުން.

• ވަކި ކުރެވޭ ބިސީ، ދިރިއުޅުމަށް ވަކިތަނެއް ހެދިފައި ހުރުން
• ވަކި ކުރެވޭ ބިސީ ބޭނުންކުރުމަށް ވަކި ފާޚާނާއެއް ހުރުން.
• ވަކި ކުރެވޭ ބިސީ ބޭނުންކުރުމަށް ވަކިފެންމޯޓަރެއް ނުވަތަ، ވަކިން ސަޕްލައި ފެންލިބޭނެ އިންތިޒާމު ހަމަޖެހިފައިވުން
• ވަކި ކުރެވޭ ބިސީ، ވަކިން ކައްކައި ހެދުމަށްޓަކައި ބަދިގެއެއް ނުވަތަ  ބަދިގެއެއްގެ ގޮތުގައި ބޭނުންކުރެވޭނެ ތަނެއް ހުރުން. މިތަނުގައި ކައްކާނެ އުނދުން ، އަތްދޮންނަތަށި / ޒިންކް ބެހެއްޓިފައިހުރުން އަދި

(ށ) މީހުން ދިރިއުޅުމަށް ދޫކޮށްފައިވާ ބަންޑާރަ ގޯއްޗާއި، އަމިއްލަ ގޯއްޗާއި އަދި ތަރިކައިން ލިބިފައިވާ ގޯތީގައި އެގޯތީގެ ވެރިފަރާތުން ގޭބިސީއެއް ރަޖިސްޓަރީ ކުރަން ބޭނުންނަމަ، އެފަރާތަކުން ޢިމާރާތާއި ގޯތީގެ ރަޖިސްޓަރީ ހައްދައި، ގޭގެ ރަށްވެހިންގެ ރަޖިސްޓަރީ ހެއްދުމަށްފަހު، ހުށަހެޅުމުން އެބިސީގައި، ހިމަނަން ބޭނުންވާ މީހުން ހިމެނޭގޮތައް   ގޭބިސީއެއް ރަޖިސްޓަރީ ކޮށްދެވޭނެއެވެ. މިގޮތުން ހުށަހަޅާ ފަރާތުގެ ނަމުގައި ކުރިން  ގޭބިސީއެއް ރަޖިސްޓަރީ ކޮށްފައިވާނަމަ، އެފަރާތަށް ކުރިން ދޫކޮށްފައިވާ ގޭބިސީގެ  ރަޖިސްޓަރީ ބާތިލު ކުރެވޭނެއެވެ. އަދި  އެފަރާތަކީ ކުރިން އެއްވެސް ފަރާތަކަށް ވޭމަންޑޫގައި ރަޖިސްޓަރީކޮށްފައިވާ ގޭބިސީގެ ރަޖިސްޓަރީގައި ހިމަނާފައިވާ ފަރާތެއްނަމަ އެގޭބިސީގެ ރަޖިސްޓަރީން އުނިކުރެވޭނެއެވެ.

1. ގޭބިސީ ހައްދާ ނުދެވޭނެ ހާލަތްތައް.

(ހ) މީހުން ދިރިއުޅުމަށްޓަކައި ދޫކޮށްފައިވާ ބަނޑާރަ ގޯއްޗެއް ނުވަތަ އަމިއްލަ ގޯއްޗާއި، ތަރިކައިން ލިބިފައިވާ ގޯއްޗެއްގައި ޢިމާރާތްކޮށްފައިވާ ޢިމާރާތެއްގައި ދެމަފިރިންނަށް ވަކިން، ގޭބިސީއެއް ރަޖިސްޓަރީ ކޮށް ނުދެވޭނެއެވެ.

(ށ) އެއްފަރާތެއްގެ ނަމުގައި 1 (އެކެއް) ގޭބިސީއަށްވުރެ ގިނަ ގޭބިސީ ހައްދަން ހުށަހަޅާފިނަމަ އެފަރާތަކަށް އިތުރު ގޭބިސީއެއް ރަޖިސްޓަރީއެއް ކޮށެއް ނުދެވޭނެއެވެ.

1. ގޭބިސީ ރަޖިސްޓްރީ އުނިކުރުން

(ހ) ގޭބިސީ ވަކިކޮށްދިނުމަށްފަހު ހާލަތު ބަދަލުވެ އެފަރާތުން އެގޭގައި ދިރިނޫޅޭތާ 1 (އެކެއް) އަހަރު ފާއިތުވެއްޖެކަމަށް ކައުންސިލްގެ ލިޔެކިޔުމުން ފެންނަށް އޮތްނަމަ، އެފަރާތުގެ ނަމުގައި އެގެއަށް ރަޖިސްޓަރީ ކޮށްފައިވާ ގޭބިސީ އުނިކުރެވޭނެއެވެ.

(ށ) ގޭބިސީ ވަކިކޮށްދިނުމަށްފަހު ހާލަތު ބަދަލުވެ އެފަރާތުން މީހުން ދިރިއުޅޭ އެހެން ގެއަކަށް ނުވަތަ ދިރިއުޅުން އެހެން ރަށަކަށް ބަދަލު ކުރަންބޭނުން ވެއްޖެނަމަ، ބަދަލުވުމުގެ ރަސްމީ 3 ދުވަހުގެ ކުރިން ވޭމަންޑޫ ކައުންސިލަށް ލިޔުމަކުން އެކަން އަންގައި އެފަރާތަށް ދޫކޮށްފައިވާ  ގޭބިސީ ރަޖިސްޓަރީ އުނިކުރަންވާނެއެވެ.

(ނ) މިމާއްދާގެ (ށ) ގައި ބުނާ ލިޔުމުން އެންގުމަކާނުލައި ގޭބިސީ ރަޖިސްޓަރީ ކޮށްފައިވާ ފަރާތެއް މީހުން ދިރިއުޅޭ އެހެންގެއަކަށް ނުވަތަ ރަށުން ބޭރަށް ދިރިއުޅުން ބަދަލުކޮށް، ދިރިއުޅުމުގެ ކަންކަން ހަމަޖެހި، އެތަނެއްގައި ދިރިއުޅޭތާ 1 (އެކެއް) އަހަރު ފާއިތުވެއްޖެނަމަ، އެކަން ވޭމަންޑޫ ކައުންސިލުގެ އިދާރާއަށް އަންގައި އެފަރާތަށް ދޫކޮށްފައިވާ ވަކިބިސީގެ ރަޖިސްޓަރީ އުނިކުރަން ހުށަހަޅަންވާނެއެވެ. އަދި ވަކިބިސީގެ ރަޖިސްޓްރީ އުނިކުރަން ހުށަޅާނާހުރެ މިކަން ކައުންސިލަށް އެގިއްޖެނަމަ އެފަރާތެއް ނަމުގައި ރަޖިސްޓަރީ ކޮށްފައިވާ ބިސީ އުނިކުރެވޭނެއެވެ. އަދި އެފަރާތަށް  ގޭބިސީއެއް ރަޖިސްޓަރީއެއް ހައްދާ ދެވޭނީ 1 (އެކެއް) އަހަރު ވުމުންނެވެ. ނަމަވެސް ގޭގެ ރަޖިސްޓަރީގައި ހިމެނިފައި އޮންނާނެއެވެ.

(ރ) މި އުޞޫލަށް ޢަމަލުކުރަން ފެށުމުން، ވޭމަންޑޫއިން އެއްވެސް ފަރާތަކަށް، 1 (އެކެއް) ގޭބިސީއަށްވުރެ ގިނަ ގޭބިސީ ރަޖިސްޓްރީ ކޮށްފައިވާނަމަ އެފަރާތެއް މިހާރު ދިރިއުޅޭ ގޭބިސީ ބެލުމަށްފަހު އިތުރަށް ދެންހުރި ގޭބިސީތައް ކައުންސިލްގެ ދަފްތަރުން އުނިކުރެވޭނެއެވެ.

1. ޢަމަލުކުރަންފަށާ ތާރީޚް

(ހ) މި އުޞޫލަށް ޢަމަލުކުރަން ފަށާނީ، މިއުޞޫލް ދިވެހިރާއްޖޭގެ ގެޒެޓްގައި ޝާއިޢުކުރާ ދުވަހުން ފެށިގެނެވެ.

(ށ) މިއުޞޫލަށް ޢަމަލުކުރަން ފެށުމުން 12 އޮގަސްޓް 2020 ގައި ގެޒެޓް ކޮށްފައިވާ " ކޮޅުމަޑުލު ވޭމަންޑޫގައި ގޭބިސީ ރަޖިސްޓަރީ ކުރުމުގެ އުޞޫލް" އުވުނީއެވެ.