ކޮމެޓީގެ މައިގަނޑު މަސްއޫލިއްޔަތުތައް

-  ޕްލޭން އެކުލަވާލުމުގެ މަސައްކަތްތައް ތަންފީޒުކުރުމުގައި އަދި މޮނިޓަރ ކުރުމުގެ ކަންކަމާގުޅޭގޮތުން ޕްރޮޖެކްޓް ސްޓިއަރިންގ ކޮމިޓީއަށް ލަފާ ދިނުން

-  މޫސުމީ ހިރާސްތައް ވަޒަންކުރުމުގައި އަދި މޫސުމަށް އަންނަ ބަދަލުތަކަށް ހޭނުމުގެ މަސައްކަތް ޕްލޭންކުރުމުގައި ހުރި މައުލޫމާތުގެ ހުސްކަން ކުޑަކުރުމަށް ކުރާ ކަންކަމަށް ލަފާދިނުން

-  މުޖުތަމަޢުއިން އިސްނަގައިގެން ކުރިއަށްގެންދާ ކަންކަން ޕްލޭންގައި ހިމެނުމަށް މަސައްކަތްކުރުން

-  ޕްލޭން ތަންފީޒުކުރުމަށް ހުރި ގޮންޖެހުންތައް ދެނެގަތުމާއި، މި ގޮންޖެހުންތަކުން އަރައިގަތުމަށް ކުރެވިދާނެ ކަންކަމާ ގުޅޭގޮތުން ސްޓިއަރިންގ ކޮމިޓީއަށް ބޭނުންވާ ލަފާ ދިނުން

-  ޕްލޭން އެކުލަވާލުމުގެ މަސައްކަތްތަކަކީ ހުޅުވާލެވިފައިވާ އަދި އޭގެ ނަތީޖާ ހިއްސާކުރެވިގެން ކުރިއަށްދާ މަސައްކަތެއްކަން ކަށަވަރުކުރުމަށް އެހީތެރިވެދިނުން

އެލަވަންސް

މި މަސައްކަތަށް އެލަވަންސް އެއް ކަނޑައަޅާފައެއް ނުވެއެވެ. ނަމަވެސް ބައްދަލުވުންތަކުގައި ބައިވެރިވުމުގެ ދަތުރާއި ހުރުމުގެ ޚަރަދު، ދައުލަތުގެ މާލިއްޔަތު ޤަވާޢިދުގެ ބަޔާންކޮށްފައިވާ ގޮތުގެ މަތިން މި މިނިސްޓްރީން ހަމަޖައްސައިދޭނެއެވެ.

ހުށަހަޅަންޖެހޭ ލިޔުންތައް

1. މެންބަރުކަމަށް ޝައުޤުވެރިކަން ފާޅުކޮށް އެދި ހުށަހަޅާ ސިޓީ:

• މި ސިޓީގައި އެ ފަރާތަކުން ތަމްސީލްކުރުމަށް ބޭނުން ދާއިރާ، އަދި އެ ދާއިރާއަށް ޝައުޤުވެރިވާ ސަބަބު ބަޔާންކުރަންވާނެއެވެ.

   2. މެންބަރުކަމަށް ކުރިމަތިލާ ފަރާތުގެ ވަނަވަރު:

• ވަނަވަރު ހުށަހަޅާއިރު އެ ދާއިރާއިން ކޮށްފައިވާ މަސައްކަތް ނުވަތަ ލިބިފައިވާ ތަޖުރިބާ ތަފްސީލްކޮށް ބަޔާންކުރަންވާނެއެވެ.

3. މެންބަރުކަމަށް ކުރިމަތިލައްވާ ފަރާތް ނިސްބަތްވާ ޖަމްޢިއްޔާ ނުވަތަ އިދާރާގެ އިޢުތިރާޒެއް ނެތް ކަމުގެ ލިޔުން:

4. ދިވެހި ރައްޔިތެއްކަން އަންގައިދޭ ކާޑުގެ ކޮޕީ

މެންބަރުންނެގުން

މިކަމާބެހޭ އިތުރު މަޢުލޫމާތު އިޢުލާންއާއެކު ޖަދުވަލުކުރެވިފައިވާނެއެވެ.

މެންބަރުކަމުގެ މުއްދަތު

މެންބަރުން ހޮވާނީ 1 (އެކެއް) އަހަރު ދުވަހުގެ މުއްދަތަށެވެ.

ހުށަހަޅަންޖެހޭގޮތާއި ސުންގަޑި

މެންބަރުކަމަށް އެދި ހުށަހަޅަންޖެހޭތަކެތި ހުށަހަޅާނީ 04 ޑިސެންބަރު 2025 ގެ 14:00 ގެ ކުރިން އީމެއިލް މެދުވެރިކޮށް [email protected] އަށެވެ.

• ނޯޓް: މެންބަރުކަމަށް ހުށަހަޅާ ހުރިހާ ލިޔެކިއުމެއް އެއްފައިލްއަކަށް ޕީ.ޑީ.އެފް ކުރުމަށްފަހު މެއިލްކުރައްވާއިރު މެއިލްގެ ސަބްޖެކްޓްގެ ގޮތުގައި ‘Application for NAP Advisory Committee”  ޖެއްސެވުން އެދެމެވެ.
• މި އިޢުލާނާ ގުޅިގެން މަޢުލޫމާތު ސާފުކުރުމަށް ގުޅާނީ 3018497 އަށެވެ. އީމެއިލް ކުރާނީ، [email protected] އަށެވެ.