އިޢުލާން

ކައުންސިލުން ހެދުމަށް ނިންމާފައިވާ ޕޯލްޓްރީ ފާރމްގެ ސްޓްރަކްޗަރ ޤާއިމުކޮށް ބޭނުންވާ ބައެއް ސާމާނު ހޯދައިދޭނެ ފަރާތެއް ހޯދަން ކުރެވުނު އިޢުލާން (ނަންބަރ: (IUL)312-A S/312/2025/67) ބާތިލްކޮށް، މި މަސައްކަތުގެ ދަށުން ސްޓްރަކްޗަރ ޤާއިމުކުރުމަށާއި، މެޓީރިއަލް ގެނައުމަށާއި، މީހުން ތަމްރީނުކުރުމަށާއި، ކުކުޅު ގެންގުޅެން ފަށާ ޓެސްޓް ކޮށްދޭނެ ފަރާތެއް ހޯދަން އަލުން އިޢުލާން ކުރަމެވެ.

1. ވީމާ، މިކަމަށް ޝައުގުވެރިވެލައްވާ ފަރާތްތަކުން ތިރީގައިވާ ގަޑި ތަކަށް ހާޒިރުވެ މައުލޫމާތު ސާފުކުރުމަށް ފަހު، އަންދާސީ ހިސާބު ހުށަހެޅުން އެދެމެވެ.

• މަޢުލޫމާތު ދިނުމުގެ ސެޝަން: 19 ނޮވެމްބަރ 2025 ވާ ބުދަ ދުވަހުގެ 11:00 ގައި ކައުންސިލްގެ މީޓިން ރޫމުގައި

• އަންދާސީ ހިސާބު ހުށަހެޅުން:  27 ނޮވެމްބަރ 2025 ވާ ބުރާސްފަތި  ދުވަހުގެ 11:00 ގައި ކައުންސިލްގެ މީޓިން ރޫމުގައި

2. މަޢުލޫމާތުދިނުމުގެ ބައްދަލުވުމަށާއި ބިޑް ހުށަހެޅުމުގެ ބައްދަލުވުމަށް، ހާޒިރުވާ ފަރާތްތަކުން އައިޑީކާޑް ގެންނަން ޖެހިލައްވާނެއެވެ، އަދި ބަދަލުގައި އެހެން ފަރާތެއް ފޮނުވާނަމަ، އެކަން އެނގޭނެ ސިޓީއެއް، ކުންފުންޏަކުން ފޮނުވާނަމަ، ތަމްސީލުކުރަނީ ކޮން ކުންފުންޏެއްކަން އެނގޭނެ ކުންފުނީގެ ސިޓީއަކާއެކު، ބަދަލުގައި ފޮނުވާ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ ކޮޕީއެއް ސިޓީ އާއެކު ހުށަހަޅަންވާނެއެވެ. މަޢުލޫމާތު ސާފުކުރުމާއި ބިޑް ހުށަހެޅުމުގެ ބައްދަލުވުމުގައި ކޮންމެ ފަރާތަކަށްވެސް ބައިވެރިވެވޭނީ ކޮންމެވެސް އެއް ހައިސިއްޔަތަކުންނެވެ.

3. މި މަސައްކަތަށް އެދި ހުށަހަޅާ އަންދާސީހިސާބު އޮންނަންވާނީ ސިޓީއުރައެއްގައި ބަންދުކުރެވިފައިއެވެ. ސިޓީއުރައިގެ ބޭރުގައި " ޕޯލްޓްރީ ފާރމް ސްޓްރަކްޗަރ"  މިހެން ލިޔެފައި އޮންނަންވާނެއެވެ. މީގެ އިތުރުން ހުށަހަޅާ ފަރާތުގެ ނަމާއި، އެޑްރެހާއި ފޯން ނަންބަރު ސިޓީއުރައިގެ ބޭރުގައި ލިޔެފައި އޮންނަންވާނެއެވެ.

4. އަންދާސީ ހިސާބާއިއެކު ހުށަހަޅަންޖެހޭ ލިޔެކިޔުންތައް ފުރިހަމަ ނުވާނަމަ އަންދާސީ ހިސާބު ބާތިލް ކުރެވޭނެއެވެ.

22 ޛުމާދުލް އައްވަލް 1447

13 ނޮވެމްބަރ 2025