މި ކުންފުނިންދޭ މައުލޫމާތާއި އެއްގޮތަށް 1 އަހަރު ދުވަހުގެ މުއްދަތަށް މި ކުންފުނީގެ އެންމެހައި ލީގަލް މަސައްކަތްތައް ކޮށްދޭނެ ލޯ ފާރމް ހޯދަން ބޭނުންވެއެވެ.

         ވީމާ، މި މަސައްކަތަށް ޝައުގުވެރިވެލައްވާ ފަރާތްތަކުން މި ކުންފުނީގެ ނަންބަރ 3001653 ފޯނާއި ގުޅުއްވާ މައުލޫމާތު ސާފުކުރެއްވުމަށްފަހު، 24 ޖޫން 2025 ވާ އަންގާރަ ދުވަހުގެ 14:00 ގެ ކުރިން  [email protected] އަށް ޕްރޮޕޯސަލް ހުށަހެޅުމަށް ދަންނަވަމެވެ. ހުށަހަޅާ މެއިލްގައި ތިރީގައިވާ ލިޔެކިޔުންތައް އެޓޭޗް ކުރަންވާނެއެވެ.

• ލޯ ފާރމް މަޢުލޫމާތު ނުވަތަ ޕްރޮފައިލް
• ތަޖްރިބާ އާއި ގުޅޭ ލިޔެކިޔުންތައް
• މަސައްކަތާއި ގުޅޭ ހުއްދަތާކާއި ރެޖިސްޓްރޭޝަން ސެޓްފިކެޓް

ކުރަންޖެހޭ މައިގަނޑު މަސައްކަތްތައް:

• ކުންފުނީގެ އެކިއެކި ދާއިރާތަކުގެ މަސައްކަތްތަކަށް ބޭނުންވާ ޤާނޫނީ އެހީތެރިކަން ފޯރުކޮށްދިނުން.
• ދިވެހިރާއްޖޭގެ ކޯޓުތަކާއި ޓްރައިބިއުނަލްތަކާއި އަދި ތަންފީޒީ އިދާރާތަކަށް އައިޔޫއެމް ހޯލްޑިންގްސް އިން ހުށަހަޅާ އަދި އައިޔޫއެމް ހޯލްޑިންގްސް އާއި ދެކޮޅަށް ހުށަހެޅި ހިނގާ މައްސަލަތަކާއި ގުޅޭ މަސައްކަތްތައް ކުރުން
• އައިޔޫއެމް ހޯލްޑިންގްސް ގެ ފަރާތުން ކުރަންޖެހޭ ދަޢުވާކުރުމާއި، ދަޢުވާ ބަލައިގަތުމާ ގުޅޭގޮތުން ކުރަންޖެހޭ އެންމެހައި މަސައްކަތްތައް ކުރުމާއި، އެ މަސައްކަތް ހިންގައި ބެލެހެއްޓުން.
• ކުންފުނީގައި ޢަމަލުކުރެވެމުންދާ ޤަވާއިދުތަކާއި އުޞޫލުތަކާއި ދިވެހިރާއްޖޭގެ ޤާނޫނާއި އަދި ޤަވާއިދުތަކާއި ގުޅޭގޮތުން ކުންފުނީގެ ކަމާގުޅުންހުރި ދާއިރާތަށް އަހުލުވެރިކުރުވުމުގައި އެހީތެރިވުން.
• ޤާނޫނީ މައްސަލަތަކާއި ގުޅުންހުރި ލިޔެކިޔުންތަށް ބެލެހެއްޓުން.
• ޤާނޫނީ ލިޔެކިޔުންތައް ދިރާސާކުރުން.
• ގާނޫނީ ލަފާ ބޭނުންވާ ބައްދަލުވުންތަކުގައި ބައިވެރިވުމާއި، އެފަދަ ލަފާދިނުން.