ހޯނޑެއްދޫގެ އެކިތަންތަނުގައި އަލިފާން ރޯކޮށް ހުޅުޖެހުން މިހާރު ޢާންމު ކަމަކަށް ވެފައިވާކަން މި ކައުންސިލަށް  ވަނީ ފާހަގަކުރެވިފައެވެ. މިކަމަކީ އަލިފާނުގެ ނުރައްކާތެރި ހާދިސާތައް ހިނގުމަށް މަގުފަހިވެދާނެ ޢަމަލެއްކަމާއި އަދި މިކަމުގެ ސަބަބުން ދަނޑުބިންތަކާއި ރައްޔިތުންގެ ރުއްގަހާއި މުދަލަށް ބޮޑެތިގެއްލުން ތަކެއް ލިބިގެންދިއުމުގެ ފުރުޞަތު އޮތް ކަމެއްކަމުގައި ދެކެމެވެ. މީގެ އިތުރުން އަލިފާން ރޯކޮށް، އެ އަލިފާނުގެ ސަބަބުން އުފެދޭ ދުމުން އަވަށްޓެރިންނަށް އުނދަގޫވާގޮތަށް އަލިފާން ރޯކުރުމަކީ ގަވާއިދު ނަންބަރު: 2019/R-995 (އާންމު އުނދަގުލާބެހޭ ގަވާއިދު) ގެ ދަށުން މަނާކަމެއްކަންވެސް އެންމެހައި ފަރާތްތަކުގެ ސަމާލުކަމަށްޓަކައި ދެންނެވީމެވެ.

ބުނެވިދިޔަ ގަވާއިދާއި ޚިލާފަށް އެކަށީގެންވާ ރައްކައުތެރިކަމުގެ ފިޔަވަޅު އެޅުމެއްނެތި، އާންމު ތަންތާގައި އަލިފާން ރޯކުރުމަކީ މަނާކަމެއްކަމުގައިވާތީ، މިއަދުންފެށިގެން ހޯނޑެއްދޫގެ އެއްވެސް ތަނެއްގައި އިސްވެ ޙަވާލާދީފައިވާ ގަވާއިދާ ޚިލާފަށް ޢަމަލުކުރާ ފަރާތްތަކާމެދު އެ ގަވާއިދުގެ ދަށުން ފިޔަވަޅު އަޅަމުންދާނެ ވާހަކަ ޢާންމުކޮށް އެންގުމަށްޓަކާ އިޢުލާނު ކުރީމެވެ.