ސްވިމިންގއެސޯސިއޭޝަން އޮފް މޯލްޑިވްސްގެ 2025 ވަނަ އަހަރުގެ އަހަރީ އާންމު ޖަލްސާ ބާއްވަން މިހާރު ހަމަޖައްސާފައި ވަނީ 24 އޭޕުރީލު 2025 ވާ ބުރާސްފަތި ދުވަހުއެވެ. މިގޮތަށް ހަމަޖެއްސީ އަހަރީ އާންމު ޖަލްސާބާއްވަން އިޢުލާނު ކުރި ތާރީޚަށް ޖަލްސާގައި ބައިވެރިވާން މެންބަރުން ރަޖިސްޓަރީވެފައިވާ ޢަދަދު މަދުވުމާއިއެކު މެންބަރުންނަށް އިތުުރު ފުރުޞަތު ދިނުމުގެ ގޮތުންނެވެ.

ވީމާ ދަންނަވަމެވެ. ސްވިމިންގ އެސޯސިއޭޝަން އޮފް މޯލްޑިވްސްގެ ހިންގާ ގަވައިދުގެ 32 ވަނަ މާއްދާގެ (ހ) ގައި ބަޔާންކޮށްފައިވާގޮތުގެމަތިން އެސޯސިއޭޝަންގެ އަހަރީ ޢާއްމު ޖަލްސާ 24 އޭޕުރީލު 2025 ވާ ބުރާސްފަތި ދުވަހު ގުރޭޓަރ މާލެ ސަރަޙައްދުގައި އޮންނާނެއެވެ. ވީމާ މިޖަލްސާއަށް އެސޯސިއޭޝަންގެ މެންބަރުންނަށް ދަޢުވަތު އަރުވައި ނޯޓިސްދީ އިޢުލާނު ކުރަމެވެ. ޖަލްސާ ބާއްވާ ތަނާ ވަގުތު ފަހުން އިޢުލާނު ކުރެވޭނެއެވެ.

ސްވިމިންގ އެސޯސިއޭޝަންގެ ހިންގާ ޤަވާޢިދުގެ 13 ވަނަ މާއްދާގެ (ހ) އަދި (ށ) ގައި ބަޔާންކޮށްފައިވާ މެންބަރުންގެތެރެއިން މިޖަލްސާގައި ބައިވެރިވުމުގެ ފުރުޞަތު ދެވޭނީ އެސޯސިއޭޝަންގެ ހިންގާ ޤަވާޢިދުގެ 17 ވަނަ މާއްދާގައި ބަޔާންކޮށްފައިވާ ގޮތުގެމަތިން އެސޯސިއޭޝަނަށް ދައްކަންޖެހޭ އަހަރީފީ 10 އޭޕުރީލު 2025 ވާ ބުރާސްފަތި ދުވަހު 14:00 ގެ ކުރިން އެސޯސިއޭޝަނަށް ދައްކާ މެންބަރުންނަށެވެ.

އަދި ދަންނަވަމެވެ. ސްވިމިންގ އެސޯސިއެޝަން އޮފް މޯލްޑިވްސްގެ ހިންގަ ގަވައިދުގެ 32 ވަނަ މާއްދާގެ (ނ) ގައިވާ ގޮތުގެމަތިން، ސްވިމިންގ އެސޯސިއޭޝަނުގެ ހިންގާ ގަވައިދަށް ގެންނަން ފެންނަ އިސްލާހެއް ނުވަތަ އެޖެންޑާގައި ހިމަނަން ގެންނަ ބޭނުން ބަދަލެއް ވާނަމަ 10 އެޕުރީލު 2025 ވާ ބުރާސްފަތި ދުވަހު 14:00 ގެ ކުރިން ލިޔުމަކުން އެސޯސިއޭޝަނަށް ހުށަހެޅުން އެދެމެވެ.

އެސޯސިއޭޝަނުގެ އަހަރީ އާއްމު ޖަލްސާގައި ބައިވެރިވާން ރަޖިސްޓަރީ ކުރާ މެންބަރުންނަށް 2024 ވަނައަހަރުގެ އަހަރީ ރިޕޯޓް، ޖަލްސާގެ ޔައުމިއްޔާ، ބަޖެޓް ރިޕޯޓް ފަދަ ލިޔެކިޔުންތައް ޖަލްސާ ފެށުމުގެ ލަސްވެގެން 7 (ހަތެއް) ދުވަސްކުރިން ހިއްސާކުރާނެއެވެ.

ސްވިމިންގ އެސޯސިއޭޝަން އޮފް މޯލްޑިވްސްގެ 2025 ވަނައަހަރުގެ އަހަރީ ޢާއްމު ޖަލްސާގެ އެޖެންޑާ

1. މެންބަރުން ހާޒިރުވުން.
2. ރޯލްކޯލް އަދި ހާޒިރީ މާރުކުރުން.
3. ކީރިތި ޤުރްއާން ކިޔެވުން.
4. 2024 ވަނައަހަރުގެ އަހަރީ ޖަލްސާގެ ޔައުމިއްޔާ، އަހަރީ ރިޕޯޓް، ފައިނޭންޝަލް ރިޕޯޓް، ހުށަހަޅައި ފާސްކުރުން.
5. 2025 ވަނައަހަރުގެ ބަޖެޓު ފާސްކޮށް ކަލަންޑަރު ހުށަހެޅުން.
6. ސްވިމިންގ އެސޯސިއޭޝަނުގެ ހިންގާ ގަވައިދަށް ގެންނަ އިސްލާހު ފާސްކުރުން.
7. މެންބަރުންގެ އިތުރު ޚިޔާލު.
8. ޖަލްސާ ނިންމުން.

އަހަރީފީގެ މަޢުލޫމާތު

1. އެގްޒެކެޓިވް މެންބަރުން:   500.00
2. ހިންގާ ކޮމިޓީގެ މެންބަރުން: 300.00
3. ދާޢިމީ ކުލަބު މެންބަރުން: 500.00
4. ދާޢިމީ ވަކިވަކި މެންބަރުން: 100.00

ނޯޓް: 28 ފެބުރުއަރީ 2025 ގެފަހުން އަހަރީ ފީބަލައިގަނެވޭނީ 100.00 ރުފިޔާގެ ޖޫރިމަނާއަކާއެކުގައެވެ. އަހަރީ ފައިސާ ދައްކާނީ ސްވިމިންގ އެސޯސިއޭޝަން އޮފް މޯލްޑިވްސްގެ 7704278341001 ނަންބަރު އެކައުންޓަށް އޮންލައިންކޮށެވެ. ފައިސާ ދެއްކުމަށްފަހު ސްލިޕް 7250707 ނަންބަރަށް ސްލިޕްކޮޅު ފޮނުވަން ވާނެއެވެ. ސްލިޕްކޮޅުގައި މެންބަރުގެ މަޢުލޫމާތު ހިމަނަން ވާނެއެވެ.

ވީމާ ސްވިމިންގ އެސޯސިއޭޝަންގެ އަހަރީ ޢާއްމު ޖަލްސާގައި ބައިވެރިވާން ބޭނުންވާ މެންބަރުން މިނޯޓިހާ އެކުގައިވާ ލިންކުގައިވާ ފޯމު ފުރިހަމަކޮށް 10 އޭޕުރީލު 2025 ވާ ބުރާސްފަތި ދުވަހު 14:00 ގެ ކުރިން ސަބްމިޓްކުރުން އެދެމެވެ.

ޕާޓީސިޕޭޝަން ލިންކު: https://forms.gle/sYZQUUsnguNiV1or8

އަދި ދަންނަވަމެވެ. ސްވިމިންގ އެސޯސިއޭޝަން އޮފް މޯލްޑިވްސްގެ 2024 ވަނައަހަރުގެ އަހަރީ އާއްމު ޖަލްސާގެ ޔައުމިއްޔާ އާއި، 2024 ވަނައަހަރުގެ އަހަރީ ރިޕޯޓާއި، އަދި 2024 ވަނައަހަރުގެ ޚަރަދު ރިޕޯޓުގެ އިތުރުން 2025 ވަނައަހަރުގެ ބަޖެޓު މެންބަރުންނާ ހިއްސާކޮށް މެންބަރުން ހުށަހަޅާ ޚިޔާލު ނުވަތަ ބަދަލުތައް ހިމެނުމުގެ އިތުރުން ސްވިމިންގ އެސޯސިއޭޝަންގެ ހިންގާ ގަވައިދަށް ގެންނަ ބަދަލުތަކަށްވެސް މެންބަރުންނަށް ޚިޔާލު ހުށަހަޅާން ފުރުސަތުދިނުމަށް ހަމަޖެހިފައިވާތީ އަހަރީ އާއްމު ޖަލްސާގައި މިދެންނެވި ރިޕޯޓުތަކާ ލިޔެކިޔުންތަކުގެ ތަފުސީލު ހުށަނާޅައި ޚުލާސާ ހުށަހެޅުމަށްފަހު ވޯޓަށް އަހަން ހަމަޖައްސާފައިވާ ވާހަކަވެސް މެންބަރުންގެ މަޢުލޫމާތަށްޓަކައި ދަންނަވަމެވެ.