ރަމަޟާންމަހުގެ ފަހު 10 ގެ ދުވަސްތަކަކީ، ސަރުކާރު ބަންދު ދުވަސްތަކެއްކަމުގައިވާތީ، މި މިނިސްޓްރީގެ ޚިދުމަތްތަކުގެ ތެރެއިން، އެއްގަމު އުޅަނދު ދުއްވުމުގެ ލައިސަންސާއި ކަނޑު އުޅަނދުފަހަރު ދުއްވުމުގެ ލައިސަންސާއި، ކަނޑު އުޅަނދުގެ ސަލާމަތީ ސެޓްފިކެޓްތަކުގެ މުއްދަތު ތިރީގައި މިދަންނަވާ ގޮތަށް އިތުރުކުރުމަށް ވަނީ ހަމަޖެހިފައެވެ. އަދި މި މިނިސްޓްރީއަށް ހުށަހަޅާފައިވާ އެޕްލިކޭޝަންތަކާ ގުޅިގެން، ލިޔެކިޔުމުގެ އަސްލު ހުށަހެޅުމަށް އަންގާ އެޕްލިކޭޝަންތަކުގެ އަސްލު 23 މާރިޗް 2025 އިން ފެށިގެން 30 މާރިޗް 2025 ގެ ނިޔަލަށް (ހުކުރު ހޮނިހިރު ފިޔަވާ) މި މިނިސްޓްރީގެ ރިސެޕްޝަނުން ހެނދުނު 11:00 އިން 13:00 އަށް ބަލައިގަތުމަށްވެސް ވަނީ ހަމަޖެހިފައެވެ.

 މުއްދަތު އިތުރުކުރުން

1. އެއްގަމު އުޅަނދު ދުއްވުމުގެ ލައިސަންސްގެ މުއްދަތު 05 މާރިޗް 2025 އިން 20 އޭޕްރިލް 2025 އާއި ދެމެދު ހަމަވާ  ލައިސަންސް 05 މެއި 2025 ގެ ނިޔަލަށް އިތުރުކުރުން.

2. ކަނޑު އުޅަނދު  ދުއްވުމުގެ ލައިސަންސްގެ މުއްދަތު 05 މާރިޗް 2025 އިން 20 އޭޕްރިލް 2025 އާއި ދެމެދު ހަމަވާ  ލައިސަންސް 05 މެއި 2025 ގެ ނިޔަލަށް އިތުރުކުރުން.

3. ސަލާމަތީ ސެޓިފިކެޓް ތަކުގެ މުއްދަތު 05 މާރިޗް 2025 އިން ފެށިގެން ހަމަވާ އުޅަނދުފަހަރުގެ ސެޓްފިކެޓްތައް 5 މެއި    2025 ގެ ނިޔަލަށް އިތުރުކުރުން.

                 އަދި ދަންނަވަމެވެ. މި މުއްދަތުގައި މި މިނިސްޓްރީގެ ކޯލް ސެންޓަރު ބަންދުވާނެކަމުގައި ދެންނެވީމެވެ. އެހެންނަމަވެސް މެރިޓައިމް ޓްރާންސްޕޯޓް ޑިޕާޓްމަންޓުން ފޯރުކޮށްދޭ ޚިދުމަތްތަކާ ގުޅޭ ގޮތުން ކޮންމެހެން ގުޅަންޖެހޭ ޙާލަތްތަކުގައި، މި މުއްދަތުގެ ތެރޭގައި (ހެނދުނު 09:00 އިން މެންދުރު 13:00 އާއި ދެމެދު) މި މިނިސްޓްރީގެ ނަންބަރު 7212719 ފޯނަށް ގުޅުއްވުމަށް ދެންނެވީމެވެ.

                 ވީމާ، މިކަން އާންމުކޮށް އަންގާ އިޢުލާނުކުރީމެވެ.