ޢިއުލާން

ހިއުމަން ރައިޓްސް ޑިފެންޑަރުންގެ ތަމްރީނު ޕްރޮގުރާމްގައި ބައިވެރިވުމުގެ ފުރުޞަތު

އިންސާނީ ހައްޤުތަކަށް ވަކާލާތުކުރާ ފަރާތްތައް ބިނާކުރުމަށްޓަކައި މި ކޮމިޝަންގެ ފަރާތުން "ހިއުމަން ރައިޓްސް ޑިފެންޑަރސް ޕްރޮގްރާމް"ގެ ނަމުގައި ގއ.ވިލިނގިލީގައި ކުރިއަށް ގެންދިޔުމަށް ރާވާފައިވާ 5 ދުވަހުގެ ތަމްރީނު ޕްރޮގްރާމްގައި ބައިވެރިވުމުގެ ފުރުސަތު ގއ.ވިލިނގިލި، ގއ.މާމެންދޫ، ގއ.ގެމަނަފުށި، ގއ.ދާންދޫ، ގއ.ނިލަންދޫ، އަދި ގއ.ކޮލަމާފުށީގެ މަދަނީ ޖަމްއިއްޔާ ޖަމާއަތްތަކާއި އަމިއްލަ ހައިސިއްޔަތުން އިންސާނީ ހައްޤުތަކަށް ވަކާލާތުކުރާ ހިއުމަން ރައިޓްސް ޑިފެންޑަރުންނާއި އަދި، އިންސާނީ ހައްޤުތަކަށް ވަކާލާތު ކުރުމަށް ޝައުގުވެރިވާ ފަރާތްތަކަށް ހުޅުވާލަމެވެ. މި ޕްރޮގްރާމް ކުރިއަށް ގެންދިޔުމަށް ހަމަޖެހިފައިވަނީ 2025 އޭޕްރިލް 20 އިން 24 ގެ ނިޔަލަށެވެ.

ހިއުމަން ރައިޓްސް ޑިފެންޑަރސް ޕްރޮގްރާމްގެ މަޤްޞަދަކީ އިންސާނީ ހައްޤުތަކަށް ވަކާލާތުކުރާ ފަރާތްތައް ބިނާކޮށް އިންސާނީ ޙައްޤުތަކަށް އިޙްތިރާމްކުރާ ސަޤާފަތެއް ޤާއިމުކޮށް، އިންސާނީ ޙައްޤުތައް ޙިމާޔަތްކޮށް ކުރިއެރުވުމަށް މަސައްކަތްކުރާ އަމިއްލަ ފަރާތްތަކާއި ޖަމްއިއްޔާ ޖަމާއަތްތައް ތަމްރީނުކޮށް ބާރުވެރިކުރުމެވެ.

މި ތަމްރީނު ޕްރޮގްރާމްގެ ތެރެއިން ބައިވެރިންނަށް އިންސާނީ ހައްޤުތަކާ ގުޅޭ މައުލޫމާތާއި، ބައިނަލްއަގުވާމީ އަދި ގައުމީ އިންސާނީ ހައްޤުތަކުގެ ނިޒާމުގެ މައުލޫމާތާއި، ހިއުމަން ރައިޓްސް ޑިފެންޑަރުންގެ މަސައްކަތްތަކާއި، ހައްޤުތަކަށް ވަކާލާތު ކުރާނެ ގޮތްތަކާއި، އެޑްވަކަސީ ކެމްޕޭންތައް ރާވާ ހިންގުމާ ގުޅޭ މައުލޫމާތު ލިބިގެންދާނެއެވެ. އަދި، ކޮމިޝަނުން ކުރިއަށްގެންދާ އިތުރު ތަމްރީނު ޕްރޮގްރާމްތަކުގައި ބައިވެރިވުމުގެ ފުރުސަތު ދިނުމުގައި މި ޕްރޮގްރާމް ފުރިހަމަ ކުރައްވާ ފަރާތްތަކަށް އިސްކަންދެވޭނެއެވެ.

މި ޕްރޮގްރާމްގައި ބައިވެރިވުމަށް އެދި ހުށަހަޅާ ފަރާތްތަކަށް ގއ. ވިލިގިއްޔަށް ދިއުމުގެ ދެކޮޅު ފެރީގެ ޚަރަދާއި، ކެއުމާއި ހުރުމުގެ ޚަރަދު ދައުލަތުގެ ރޭޓުން ހަމަޖެހިގެންދާނެއެވެ.

ކަނޑައެޅިފައިވާ އަދަދަށްވުރެ ގިނަ ފަރާތްތަކުން މި ޕްރޮގްރާމްގައި ބައިވެރިވުމަށް ރަޖިސްޓަރކޮށްފައިވާނަމަ، މި ޕްރޮގްރާމްގައި ބައިވެރިވުމަށް ފުރުސަތު ދިނުމުގައި، އިންސާނީ ހައްޤުތައް ރައްކާތެރިކޮށް، ކުރިއެރުވުމުގެ މަސައްކަތްކުރާ ފަރާތްތަކަށާއި ޖަމްއިއްޔާތަކުގައި މަސައްކަތްކުރާ ފަރާތްތަކަށް އިސްކަން ދެވޭނެއެވެ.

ތަމްރީނު ޕްރޮގުރާމްގައި ހިމެނޭ ބައިތައް:

• އިންސާނީ ޙައްޤުތަކުގެ ތައާރަފާއި މައިގަނޑު އަސާސްތައް
• އިންސާނީ ޙައްޤުތަކާއި އިންސާނީ ހައްގުތައް ޙިމާޔަތްކުރުން
• ދިވެހިރާއްޖޭގެ ޤާނޫނުއަސާސީ
• ހިއުމަންރައިޓްސް ޑިފެންޑަރުން
• ހައްޤުތަކަށް މަސައްކަތްކުރާ ނެޓްވޯކްސް އުފެއްދުން
• ވިމަން ހިއުމަން ރައިޓްސް ޑިފެންޑާސް
• އިންސާނީ ހައްގުތަކުގެ ދާހިލީ އޮނިގަނޑު
• ބައިނަލްއަގުވާމީ އިންސާނީ ޙައްޤުތަކާބެހޭ ނިޒާމު
• އިންސާނީ ޙައްޤުތަކާ ގުޅޭގޮތުން މައްސަލަ ހުށަހެޅުން
• އ.ދ.ގެ އިންސާނީ ޙައްޤުތަކާ ގުޅޭ ނިޒާމް ބޭނުންކޮށްގެން ޙައްޤުތަކަށް ވަކާލާތު ކުރުން
• ޚާއްޞަ ރައްކާތެރިކަމަށް ބޭނުންވެފައިވާ އަދި ހަވާސާވެފައިވާ ފަރާތްތަކާއި އިންޓަސެކްޝަނަލިޓީ
• އިންސާނީ ހައްޤުތަކާއި ތިމާވެއްޓާއި މޫސުމީ ބަދަލު
• އިންސާނީ ހައްޤުތަކުގެ މަންހަޖް (ހިއުމަން ރައިޓް ބޭސްޑް އެޕްރޯޗް)
• އެޑްވޮކަސީ ކެމްޕޭނެއް ހިންގުން

ވީމާ، ހިއުމަން ރައިޓްސް ޑިފެންޑަރުންގެ ތަމްރީނު ޕްރޮގުރާމްގައި ބައިވެރިވުމަށް ޝައުޤުވެރިވެލައްވާ ފަރާތްތަކުން 2025 އެޕްރީލް 06 ވާ އާދީއްތަ ދުވަހުގެ މެންދުރު 12:00 ގެ ކުރިން ތިރީގައިވާ ލިންކު މެދުވެރިކޮށް ރަޖިސްޓަރ ކުރެއްވުން އެދެމެވެ. އިތުރު މައުލޫމާތު ސާފުކުރެއްވުމަށް 3003165 އަށް ގުޅުއްވުން ނުވަތަ [email protected] އަށް އީމެއިލް ކުރެއްވުން އެދެމެވެ.

https://forms.office.com/r/1G4ZPVs6gn