މި މިނިސްޓްރީގެ ގަވާއިދު ނަންބަރު: 2022/R-139 (ކަނޑުމަހުގެ މަސްވެރިކަން ރާވައި، ހިންގައި، ބެލެހެއްޓުމާބެހޭ ގަވާއިދު) އާއި ގަވާއިދު ނަންބަރު: 2022/R-2 (ފާނަ މަސްވެރިކަން ރާވައި، ހިންގައި، ބެލެހެއްޓުމާބެހޭ ގަވާއިދު) އާއި ގަވާއިދު ނަންބަރު: 2021/R-62 (ހިބަރުގެ މަސްވެރިކަން ރާވައި، ހިންގައި، ބެލެހެއްޓުމާބެހޭ ގަވާއިދު) އާއި ގަވާއިދު ނަންބަރު: 2025/R-3 (ހުއިފިލަނޑާގެ މަސްވެރިކަން ރާވައި، ހިންގައި، ބެލެހެއްޓުމާބެހޭ ގަވާއިދު) އަދި 2025/R-4 (ފަރުމަހުގެ މަސްވެރިކަން ރާވައި، ހިންގައި، ބެލެހެއްޓުމާބެހޭ ގަވާއިދު) ގެ ދަށުން މިއިން ކޮންމެ މަސްވެރިކަމެއް މެނޭޖްކުރުމަށް ލަފާދޭ ކޮމިޓީއެއް އެކުލަވައިލުމަށް ވަނީ ކަނޑައަޅައިފައެވެ. މި ކޮމިޓީތަކުގެ މެންބަރުންގެ ތެރެއިން އަންނަނިވި ހައިސިއްޔަތުން ކޮމިޓީގައި ޝާމިލުވާން އެދޭ ފަރާތްތަކަށް ޝައުގުވެރިކަން ފާޅުކުރުމަށް ހުޅުވައިލައި، އާންމުކޮށް އަންގައި، އިއުލާނުކުރަމެވެ. މި މަންދޫބުންގެ ދައުރުގެ މުއްދަތަކީ 5 (ފަހެއް) އަހަރެވެ.

1. ކަނޑުމަހުގެ މަސްވެރިކަން މެނޭޖްކުރުމަށް ލަފާދޭ ކޮމިޓީގެ މަޤާމުތައް:

(ހ) ކަނޑުމަހުގެ މަސްވެރިކަމުގެ ބާވަތްތަކުގެ ތެރެއިން ވަދުނަނުގެ މަސްވެރިކަންކުރާ ފަރާތެއް؛

1. ފާނަ މަސްވެރިކަން މެނޭޖްކުރުމަށް ލަފާދޭ ކޮމިޓީގެ މަޤާމުތައް:

(ހ) ފާނަ މަސްވެރިން ތަމްސީލުކުރާ 1 (އެއް) މަންދޫބެއް؛

(ށ) ފާނަ އެކްސްޕޯޓުކުރާ ފަރާތްތައް ތަމްސީލުކުރާ 1 (އެއް) މަންދޫބުން؛

1. ހިބަރުގެ މަސްވެރިކަން މެނޭޖްކުރުމަށް ލަފާދޭ ކޮމިޓީގެ މަޤާމުތައް:

(ހ) ހިބަރުގެ މަސްވެރިކަންކުރާ ފަރާތްތައް ތަމްސީލު ކުރާ 3 (ތިނެއް) މަންދޫބުން؛

1. ފަރު މަސްވެރިކަން މެނޭޖްކުރުމަށް ލަފާދޭ ކޮމިޓީގެ މަޤާމުތައް:

(ހ) ފަރުމަހުގެ މަސްވެރިން ތަމްސީލުކުރާ 2 (ދޭއް) މަންދޫބުން؛

(ށ) ފަރުމަހުގެ ވިޔަފާރިކޮށް، އެކްސްޕޯޓުކުރާ ފަރާތްތައް ތަމްސީލުކުރާ 2 (ދޭއް) މަންދޫބުން؛

(ނ) ދިވެހިރާއްޖޭގައި ރަޖިސްޓަރީކޮށްފައިވާ ކަމާ ގުޅޭ ޖަމްޢިއްޔާއެއް؛

1. ހުއިފިލަނޑާގެ މަސްވެރިކަން މެނޭޖްކުރުމަށް ލަފާދޭ ކޮމިޓީގެ މަޤާމުތައް:

(ހ) ހުއިފިލަނޑާގެ މަސްވެރިކަން ތަމްސީލުކުރާ 2 (ދޭއް) މަންދޫބުން؛

(ށ) ހުއިފިލަނޑާގެ ބާވަތްތައް އެކްސްޕޯޓުކުރާ ފަރާތްތައް ތަމްސީލުކުރާ 2 (ދޭއް) މަންދޫބުން؛

ލަފާދޭ ކޮމިޓީތަކުގެ މަސްއޫލިއްޔަތުތައް:

ލަފާދޭ ކޮމިޓީތަކަށް މެންބަރުން ހޮވުމުގައި ޢަމަލުކުރާނެ ގޮތުގެ އުސޫލު:

• އެ މަސްވެރިކަމެއް ކުރާ ފަރާތްތައް ތަމްސީލު ކުރުމަށް ނުވަތަ އެ މަސްވެރިކަމުގެ ބާވަތްތައް ޕްރޮސެސްކުރާ ފަރާތްތައް ތަމްސީލުކުރުމަށް އެދި ހުށަހަޅާ ފަރާތެއް ނަމަ، މި މަސައްކަތުގައި ހަރަކާތްތެރިވެފައިވާ މުއްދަތަށް ރިޢާޔަތްކުރެވޭނެއެވެ.
• ދިވެހިރާއްޖޭގައި ރަޖިސްޓަރީކޮށްފައިވާ ކަމާގުޅޭ ޖަމްޢިއްޔާގެ މަގާމަށް އެދި ހުށަހަޅާ ފަރާތެއް ނަމަ، މި ދާއިރާއިން އެ ޖަމްޢިއްޔާގެ ފަރާތުން ކޮށްފައިވާ މަސައްކަތްތަކަށް ރިޢާޔަތްކުރެވޭނެއެވެ.
• ޝައުގުވެރިކަން ފާޅުކޮށް އެއްވެސް ފަރާތަކުން ހުށަހަޅައިފައި ނުވާ ނަމަ، ނުވަތަ ޝައުގުވެރިކަން ފާޅުކޮށް ހުށަހަޅައިފައިވާ ފަރާތަކީ އެ މަޤާމުގެ މަސްއޫލިއްޔަތުތަކާއި ވާޖިބުތައް އަދާކުރުމަށް އެންމެ އެކަށީގެންވާ ފަރާތެއް ނޫންކަމަށް މިނިސްޓްރީއަށް ފެނިއްޖެ ނަމަ، އެކަމަށް އެންމެ އެކަށީގެންވާ ފަރާތެއް ނުވަތަ ފަރާތްތަކެއް އައްޔަނުކުރުމަށް މިނިސްޓްރީގެ ފިޝަރީޒް ޑިޕާޓްމަންޓްގެ ލަފާގެ މަތިން މިނިސްޓަރަށް ހުށަހެޅޭނެއެވެ.

ލަފާދޭ ކޮމިޓީތަކަށް އައްޔަނުކުރާ މެންބަރުންގެ ޝަރުތުތައް:

• މަސްވެރިކަން މެނޭޖްކުރުމަށް ލަފާދޭ ކޮމިޓީގެ މެންބަރުކަމުގެ މަޤާމުގެ މަސްއޫލިއްޔަތުތަކާއި ވާޖިބުތައް އަދާކުރެވޭނެ ފަދަ ލަޔާޤަތު ހުރި މީހަކު ކަމުގައިވުން؛
• އިންތިޚާބީ މަޤާމެއް، ނުވަތަ ސިޔާސީ މަޤާމެއް، ނުވަތަ ސިޔާސީ ޕާޓީއެއްގެ އިސް މަޤާމެއް ފުރަމުންދާ ފަރާތެއްކަމުގައި ނުވުން؛

ޝައުޤުވެރިކަން ފާޅުކުރާ ފަރާތްތަކުން ހުށަހަޅަންޖެހޭ ލިޔުންތައް:

(1) މަސްވެރިކަންކުރާ ފަރާތްތައް ތަމްސީލު ކުރުމަށް ޝައުގުވެރިކަން ފާޅުކުރާ ފަރާތްތައް:

• ޝައުގުވެރިކަން ފާޅުކޮށް ހުށަހަޅާ ސިޓީ؛
• ދިވެހި ރައްޔިތެއްކަން އަންގައިދޭ ކާޑުގެ ކޮޕީއެއް؛
• މެންބަރުކަމަށް އެދި ހުށަހަޅާ ފަރާތަކީ އެ މަސްވެރިކަމެއްގައި ހަރަކާތްތެރިވާ ފަރާތެއްކަމަށް ރަށު ނުވަތަ ސިޓީ ކައުންސިލުން ކަށަވަރުކޮށްދީ، ދޫކޮށްފައިވާ ލިޔުމެއް؛

(2) ޕްރޮސެސްކުރާ ފަރާތްތައް ތަމްސީލު ކުރުމަށް ޝައުގުވެރިކަން ފާޅުކުރާ ފަރާތްތައް:

• ޝައުގުވެރިކަން ފާޅުކޮށް ހުށަހަޅާ ސިޓީ (މެންބަރުކަމަށް އެދި ހުށަހަޅާ ފަރާތަކީ ކުންފުންޏަކަށް ނިސްބަތްވާ ފަރާތެއްނަމަ، އެ ކުންފުނީގެ ނަމާއި ރަޖިސްޓްރޭޝަން ނަންބަރު ސިޓީގައި ބަޔާންކުރަންވާނެއެވެ)؛
• އަމިއްލަ ފަރުދެއްނަމަ، ދިވެހި ރައްޔިތެއްކަން އަންގައިދޭ ކާޑުގެ ކޮޕީއެއް؛
• މެންބަރުކަމަށް އެދި ހުށަހަޅާ ފަރާތަކީ އެ މަސްވެރިކަމެއްގެ ބާވަތްތައް ޕްރޮސެސްކުރުމުގައި ހަރަކާތްތެރިވާ ފަރާތެއްކަމަށް ރަށު ނުވަތަ ސިޓީ ކައުންސިލުން ކަށަވަރުކޮށްދީ، ދޫކޮށްފައިވާ ލިޔުމެއް؛ 

(3)  ކަމާގުޅޭ ޖަމްޢިއްޔާއެއްނަމަ:

• ޝައުގުވެރިކަން ފާޅުކޮށް ހުށަހަޅާ ސިޓީ؛
• ޖަމްޢިއްޔާގެ ރަޖިސްޓްރޭޝަންގެ ކޮޕީ؛
• އެންމެ ފަހުގެ އަހަރީ ރިޕޯޓުގެ ކޮޕީ؛
• ދައުލަތުގެ އިދާރާއަކަށް ދައްކަންޖެހިފައިވާ ފައިސާއެއް އޮތް ނަމަ، ކަނޑައަޅައިފައިވާ ގޮތުގެމަތިން އެ ފައިސާއެއް ދައްކަމުންދާކަން ކަށަވަރުކޮށްދޭ ލިޔުމެއް ނުވަތަ ރަސީދު؛
• ކަމާގުޅޭ ގޮތުން ޖަމްޢިއްޔާއިން ކޮށްފައިވާ ދިރާސާތަކުގެ ލިސްޓާއި، އެހެނިހެން މަސައްކަތްތަކާގުޅޭ ލިޔެކިޔުންތައް.

މި މަޤާމުތަކަށް ކުރިމަތިލުމަށް އެދޭ ފަރާތްތަކުން ލިޔެކިޔުންތައް ހުށަހެޅުމުގެ ސުންގަޑިއަކީ 10 އޭޕްރިލް 2025 ވާ ބުރާސްފަތި ދުވަހުގެ މެންދުރު 12:00 އެވެ. ލިޔެކިޔުންތައް މިނިސްޓްރީގެ ރިސެޕްޝަނަށްވެސް އަދި އީމެއިލް މެދުވެރިކޮށްވެސް ހުށަހެޅިދާނެއެވެ. އީމެއިލް މެދުވެރިކޮށް ހުށަހަޅާނީ [email protected]  އަށެވެ. މިކަމާ ގުޅޭ ގޮތުން އިތުރު މަޢުލޫމާތު ހޯއްދެއްވުމަށް 3339229 އާ ގުޅުއްވުން އެދެމެވެ.