މަޤާމު / ރޭންކް:

އެކެޑަމިކް ޑިރެކްޓަރ، ލޯކަލް އެންޑް އިންޓަރނޭޝަނަލް ރިލޭޝަންސް

ބޭނުންވާ އަދަދު: 1

ގިންތި: ދާއިމީ

ރޭންކް/ސްޕައިން:

ޕަބްލިކް ސަރވިސް ރޭންކް 9

އޮފީސް:

ދިވެހިރާއްޖޭގެ އިސްލާމީ ޔުނިވަރސިޓީ

މަސައްކަތްކުރަން ޖެހޭ ތަން:

ދިވެހިރާއްޖޭގެ އިސްލާމީ ޔުނިވަރސިޓީ (މެއިން ކެމްޕަސް، މާލެ)

މުސާރަ:

އަސާސީ މުސާރަ:

18,664 ރުފިޔާ

ޖޮބް އެލަވަންސް:

10,689 ރުފިޔާ

ހާޟިރީ އެލަވަންސް: 289 ރުފިޔާ

(ހާޟިރުވާ ކޮންމެ ދުވަހަކަށް)

މަޤާމުގެ ޝަރުޠުތައް:

• މަޤާމުގެ މަސައްކަތާ ގުޅުންހުރި ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވަލް 10 ގެ ސަނަދެއް ހާސިލުކޮށްފައިވުން. އަދި، މަދުވެގެން 2 އަހަރު ދުވަހުގެ ހިންގުމުގެ ތަޖުރިބާ ލިބިފައިވުން.

ނުވަތަ،

• މަޤާމުގެ މަސައްކަތާ ގުޅުންހުރި ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވަލް 9 ގެ ސަނަދެއް ހާސިލުކޮށްފައިވުމާއެކު، މަޤާމުގެ މަސައްކަތުގެ ދާއިރާއެއްގައި 4 އަހަރުދުވަހުގެ މަސައްކަތުގެ ތަޖުރިބާ ލިބިފައިވުން، އެ މުއްދަތުގެ ތެރެއިން މަދުވެގެން 2 އަހަރުދުވަހުގެ ހިންގުމުގެ ތަޖުރިބާ ލިބިފައިވުން.

މަޤާމުގެ މަސައްކަތްތަކާ ގުޅޭ ތަޢުލީމީ ދާއިރާތައް:

އިންޓަރނޭޝަނަލް ރިލޭޝަންސް، ޕޮލިޓިކަލް ސައިންސް، ޕަބްލިކް ޕޮލިސީ، ސޯޝަލް ޕޮލިސީ، ޑިވެލޮޕްމަންޓް ޕޮލިސީ، ބިޒްނަސް، މެނޭޖްމަންޓް، އެޑްމިނިސްޓްރޭޝަން، ލީޑަރޝިޕް، އެޑިއުކޭޝަން، އިސްލާމް، ޝަރީޢާ

މަސައްކަތުގެ ތަޖުރިބާ ގުނުމުގައި ބަލާނެ ދާއިރާތައް:

މަތީ ތަޢުލީމު ދޭ އިދާރާއެއްގައި ނުވަތަ ތަޢުލީމު ދޭ އިދާރާއެއްގައި މަތީ ތަޢުލީމާ ގުޅޭ މަސައްކަތްތައްކުރާ ސަރުކާރުގެ އިދާރާއެއްގައި ނުވަތަ ތަޢުލީމު ގުޅޭ މަސައްކަތްތައްކުރާ ސަރުކާރުގެ އިދާރާއެއްގެ މެނޭޖީރިއަލް، ޕޮލިސީ ނުވަތަ ފަންނީ މަސައްކަތްތައް

މަޤާމުގެ މަސްއޫލިއްޔަތު:

1. ޔުނިވަރސިޓީގެ އިންޓަނޭޝަނަލް އަދި ލޯކަލް ސްޓްރެޓެޖީ ކަނޑައަޅާ ވިލަރެސް ކުރުމަށް ޔުނިވަރސިޓީގެ ހުރިހާ ޑިޕާޓްމަންޓްތަކުގެ ވެރިންނާއި ގުޅިގެން މަސައްކަތް ކުރުން.

2. ސުޕަރވައިޒަރުގެ ލަފާގެ މަތިން ސެންޓަރ / ކުއްލިއްޔާތަކުގެ ވެރިން / ޑީން އާ ގުޅިގެން، ކުއްލިއްޔާ / ސެންޓަރު / ޑިޕާޓްމަންޓްތަކަށް ބައިނަލްއަޤުވާމީ އެޖެންޑާ ތައްޔާރުކުރުން.

3. ޔުނިވަރސިޓީގެ ބައިނަލްއަޤްވާމީ އަދި ޤައުމީ ކޯޕަރޭޓް ގުޅުން ބަދަހިކުރުމަށް ޕޮލިސީތައް ލިޔެ ވިލަރެސްކުރުމާއި، ކޮންސަލްޓެންސީއާ ގުޅޭ ކަންކަން ރާވައި ހިންގުމާއި ތަންފީޒުކުރުން އަދި އެކަމަށް ބޭނުންވާ ޕޮލިސީތައް ތައްޔާރު ކުރުމާއި، ސްކޮލަރޝިޕް ފުރުޞަތު ހޯދުމަށް މަސައްކަތްތައް ކުރުމާއި، އެކަމާ ބެހޭ ލިޔެކިޔުން ބެލެހެއްޓުން.

4. ޔުނިވަރސިޓީގެ މުވައްޒަފުންނާއި ދަރިވަރުންނަށްޓަކައި އެކިއެކި ބައިނަލްއަޤުވާމީ ފުރުޞަތުތައް ހޯދައި ހިންގުން އަދި މިކަން ކުރުމަށް ބޭނުންވާނެ އުޞޫލުތައް ކަޑައެޅުން.

5. ބައިނަލްއަޤްވާމީ ޖަމިއްޔާ/ޖަމާއަތްތަކުން ރާވާ ހިންގާ ޕްރޮގްރާމްތަކުގައި ބައިވެރިވުމުގެ ފުރުޞަތުތައް ދަރިވަރުންނަށާއި މުވައްޒަފުންނަށް ހޯދައި ދެއްވުމަށް މަސައްކަތްކޮށް މިކަމާ ގުޅޭ އުޞޫލުތައް ހެދުން.

6. ބައިނަލްއަޤްވާމީ އަދި ރާއްޖޭގެ ޔުނިވަރސިޓީތަކާއި އެހެނިހެން މުއައްސަސާ ތަކާއި، އެން.ޖީ.އޯތަކާއި ޕްރައިވެޓް އަދި ޕަބްލިކް ސެކްޓަރތަކާއި ދެމެދު އެމް.އޯ.ޔޫ ހަދައި، ގުޅުން ބަދަހިކުރުން އަދި ޤާއިމުކުރެވުނު އެމް.އޯ.ޔޫ ތަކުގެ ދަށުން ކުރަންޖެހޭ މަސައްކަތް ވިލަރެސް ކުރުން. މީގެތެރޭގައި، އެމް.އޯ.ޔޫ، އެމް.އޯ.އޭ ހެދުމުގެ އިތުރުން، އެކި އެކި ކަންކަމަށް ބޭނުންވާ ފަންޑު ހޯދުމަށް ޕްރޮޕޯޒަލްތައް ލިޔެ މަސައްކަތް ކުރުމާއި، ރާއްޖެއާއި ރާއްޖޭންބޭރުން ޒިޔާރާތް ކުރާ ވަފުދުތަކުގެ އިންތިޒާމުހަމަޖެއްސުން.

7. ބޭރުގެ ޔުނިވަރސިޓީ ތަކާ އެކު ދެފަރާތައް މަންފާ ކުރާ ގުޅުންތައް ގާއިމުކޮށް ބައިނަލްއަޤްވާމީ ވިޔުގައެއް ގާއިމް ކުރުން.

8. ދެފަރާތަށް ލާބައާއި މަންފާހުރިގޮތުގައި، ޢިލްމީ ދިރާސާއާ ގުޅޭ ކަންކަމާއި އެހެނިހެން ހަރަކާތްތަކާއި އިސްނެގުންތައް ކުރިޔަށް ގެންދިޔުމުގައި ޔުނިވަރސިޓީއާއި މުޖުތަމަޢާ ދެމެދުގައި ގުޅުވައިދޭ ބައިވެރިއެއްގެ ދައުރު އަދާކުރުން.

9. އެކި އެކި މުޢައްސަސާތަކާ ގުޅުން ބަދަހިކޮށް ދެފަރާތުން ގުޅިގެން ރިސާރޗް އާއި އެހެނިހެން ހަރަކާތްތަށް ކުރިޔަށް ގެންދިޔުމަށް މަގުފަހި ކޮށްދިނުން.

10. ޑީ.ވީ.ސީ ނުވަތަ ސުޕަރވައިޒުގެ ލަފާގެ މަތިން ސެންޓަރ/ކުއްލިއްޔާ ތަކުގެ ވެރިން/ޑީން އާ ގުޅިގެން ބައިނަލްއަޤްވާމީ ޕާޓްނަރޝިޕް ފުރުޞަތުތައް ހޯދާ އެވިއުގަ ފުޅާކުރުން.

11. މުއައްސަސާ ކުރިއެރުވުމަށްޓަކައި އަދި ޔުނިވަރސިޓީގެ ޕްރޮފައިލް ގައުމުގަޔާއި ބައިނަލްއަޤްވާމީ މުއައްސަސާ ތަކަށް ތައާރަފް ކުރުމަށް ތަފާތު ޕްރޮގުރާމުތައް ފަރުމާކޮށް ހިންގުން.

12. އެކަޑެމިކް އެފެއާސް އާ ގުޅިގެން ޖޮއިންޓް ޕްރޮގްރާމް ތަކާއި ބައިނަލްއަޤްވާމީ އެކްރެޑިޓޭޝަން ގެ މަސައްކަތް ކުރުމަށް ޕްރޮސަސްތައް ގާއިމް ކޮށް ވިލަރެސްކުރުމުގައި އިސްރޯލެއް އަދާކުރުން.

13. ބޭރުގެ ޔުނިވަރސިޓީ ތަކުން ދަރިވަރުން ގެނެސް އެންރޯލް ކުރުމަށް ކަމާބެހޭ ޔުނިވަރސިޓީގެ ޑިޕާޓްމަންޓްތަކާއި ގުޅިގެން މަސައްކަތް ކުރުން.

14. ޔުނިވަރސިޓިގެ ކްރެޑިބިލިޓީ ދެމެހެއްޓުމަށް ގައުމީ އަދި ބައިނަލްއަޤްވާމީ މުއައްސަސާތަކާއި ހައިލެވެލް ކޮމިޔުނިކޭޝަން ދެމެހެއްޓުން.

15. އިންޓަނޭޝަނަލައިޒޭޝަން އިސްތިރާޖީ ވިލަރެސް ކުރުމުގައި މުހިއްމު ޕްރޮޖެކްޓްތައް ލީޑްކޮށް ވިލަރެސް ކުރުން.

16. ޔުނިވަރސިޓީގެ ލޯކަލް އެންޑް އިންޓަރނޭޝަނަލް ރިލޭޝަންސްއިން ކުރާ މަސައްކަތްތަކަށް އެހެނިހެން ޑިޕާޓްމަންޓްތަށް އަހުލުވެރި ކުރުވާ ހިންގާ ހަރަކާތްތަކުގެ މައުލޫމާތު ފޯރުކޮށްދިނުން.

17. ބައިނަލްއަޤްވާމީ މާހައުލުގަޔާއި ޔުނިވަރސިޓީ ޕްރޮމޯޓްކޮށް ބޭރުގެ ދަރިވަރުން ރިކްރޫޓް ކުރުމަށް އޭޖެންސީތަކާ މަޝްވަރާކޮށް ދަތުރުތައް ކުރުން.

18. ޔުނިވަރސިޓީއިން ކިޔަވައިދިނުމަށް ކަނޑައަޅާފައިވާ މިންވަރަށް ކިޔަވައިދިނުން ނުވަތަ އޭގެ ބަދަލުގައި އެ ބުރަދަނަށް ޢިލްމީ ދިރާސާ ކުރުމުގެ މަސައްކަތް ކުރުން.

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް:

ލިބިފައިވާ ތަޢުލީމް (ގުޅޭ ދާއިރާއިން)

ލިބިފައިވާ މަސައްކަތުގެ ތަޖުރިބާ (ގުޅޭ ދާއިރާއިން)

ލިބިފައިވާ ހުނަރު (އިންޓަރވިއު އަދި ޕްރެކްޓިކަލްސް)

- ފަރިތަކަމާއެކު އަރަބި އަދި އިނގިރޭސި ބަހުން މުޚާތަބުކުރެވޭ ކެންޑިޑޭޓުންނަށް އިސްކަން ދެވޭނެއެވެ.

ވަޒީފާއަށް ހުށަހަޅަންޖެހޭ ލިޔެކިޔުންތައް:

• ވަޒީފާއަށް ކުރިމަތިލާ ފަރާތުގެ ވަނަވަރު (ގުޅޭނެ ފޯނު ނަންބަރާއެކު)
• ދިވެހިރައްޔިތެއްކަން އަންގައިދޭ ކާޑުގެ ސާފު ކޮޕީ ނުވަތަ ޕާސްޕޯޓުގެ ޑޭޓާ ޕޭޖުގެ ސާފު ކޮޕީ
• ވަޒީފާގައި އުޅުއްވާ ނުވަތަ އުޅުއްވާފައިވާ ބޭފުޅެއްނަމަ، އަދާކުރައްވާ ނުވަތަ އަދާ ކުރެއްވި ވަޒީފާގެ މަސްއޫލިއްޔަތު އަދި ވަޒީފާ އަދާކުރި މުއްދަތު އެނގޭނެ ރަސްމީ ލިޔުމެއް
• ވަޒީފާއަށް ކުރިމަތިލާ ފަރާތުގެ މަސައްކަތް ބެލެހެއްޓެވި ސްޕަރވައިޒަރަކު އެފަރާތެއްގެ މަސައްކަތާ މެދު ދެކޭ ގޮތުގެ ލިޔުމެއް
• ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ؛
• މޯލްޑިވްސް ކޮލިފިކޭޝަންސް އޮތޯރިޓީއިން ލެވަލް ކަނޑައަޅައި ތައްގަނޑު ޖަހާފައިވާ، މަތީ ތަޢުލީމުދޭ ރާއްޖެއިން ބޭރުގެ މަރުކަޒަކުން ދޫކޮށްފައިވާ ތަޢުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓުގެ ކޮޕީ؛ ނުވަތަ،
• ސެޓްފިކެޓު ނެތް ޙާލަތްތަކުގައި، ކޯސް ފުރިހަމަކުރިކަމުގެ ލިޔުމުގެ ކޮޕީއާއި، މޯލްޑިވްސް ކޮލިފިކޭޝަންސް އޮތޯރިޓީން ދޫކޮށްފައިވާ އެސެސްމަންޓް ރިޕޯޓްގެ ކޮޕީ އަދި ޓްރާންސްކްރިޕްޓްގެ ކޮޕީ.
• ރާއްޖޭގެ މަތީ ތަޢުލީމުދޭ މަރުކަޒަކުން ދޫކޮށްފައިވާ ތަޢުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓްގެ ކޮޕީ؛ ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީއާއި ޓްރާންސްކްރިޕްޓްގެ ކޮޕީ.

ވަޒީފާއަށް އެދި ހުށަހަޅާނެ ގޮތް:

ވަޒީފާއަށް އެދި ހުށަހަޅާނީ ތިރީގައި މި ވާ ލިންކް ބޭނުންކޮށްގެންނެވެ.

https://forms.gle/vHJCErNdGWQTM3S9A

އަޕްލޯޑްކުރާ އެންމެހާ ލިޔެކިޔުންތައް ހުންނަންވާނީ ސާފުކޮށް ކިޔަން އެނގޭނެ ފަދަ ގޮތަކަށެވެ.

އިޢުލާނުގައި ބަޔާން ކުރެވިފައިވާ ހުރިހާ ލިޔެކިޔުންތައް އެޕްލިކޭޝަނާއެކު ފޮނުވަން ޖެހޭނެއެވެ.

އިޢުލާނުގެ މުއްދަތު ހަމަވާ ތާރީޚް

8 އެޕްރީލު 2025 ދުވަހުގެ 23:59 އަށް

ނޯޓު

ބިދޭސީ މުވައްޒަފެއް މި މަގާމަށް ހަމަޖެއްސޭނީ ކޮންޓްރެކްޓް އުސޫލުން، ނޭޝަނަލް ޕޭ ފްރޭމްވަރކްގެ ޔުނިވަރސިޓީ އެކެޑަމިކް ޕްރޮފެޝަނަލުންގެ އޮނިގަނޑަށް އަމަލުކުރުމުގެ ކުރިން ބޭނުންކުރަމުން އައި ޔުނިވަރސިޓީގެ އޮނިގަނޑުގެ ސްޕައިންއަކަށެވެ.

އިޢުލާނުގެ މުއްދަތުގެ ތެރޭގައި ފޮނުވާ އެއްވެސް އެޕްލިކޭޝަނަކަށް، އިޢުލާނުގެ މުއްދަތު ހަމަނުވަނީސް ޢަމަލެއް ނުކުރާނެއެވެ.

އިޢުލާނުގައި ބަޔާންކޮށްފައިވާ ލިޔެކިޔުންތައް ފުރިހަމަ ނުވާ އެޕްލިކޭޝަންތައް ބާޠިލުވާނެއެވެ.

އިންޓަރވިޔު ކުރެވޭނީ އިޢުލާނުގައި ބަޔާންކުރެވިފައިވާ މަޤާމަށް ޝަރުޠު ހަމަވާ ކެންޑިޑޭޓުންގެ ތެރެއިން ޝޯޓްލިސްޓް ކުރެވޭ ފަރާތްތަކާ އެކަންޏެވެ.

މި މަޤާމަށް މީހަކު ހޮވުމަށް އިންޓަރވިއުކުރުން އޮންނާނީ 9 އެޕްރީލު 2025 އިން 30 އެޕްރީލު 2025  އާއި ދެމެދުގައެވެ.

މަޤާމަށް ނުހޮވޭ ކެންޑިޑޭޓުންނަށް ސިޓީ ނުވަތަ އީމެއިލް ފޮނުވޭނީ އިންޓަރވިއުކޮށް ނިމުމަށް ފަހުގައެވެ.

މި މަޤާމަށް ހޮވޭ މުވައްޒަފަކު އާއްމުގޮތެއްގައި މަސައްކަތް ކުރައްވަން ޖެހިވަޑައިގަންނަވާނީ ހެނދުނު 8:00 އިން މެންދުރު 14:00 އަށެވެ. އެހެން ނަމަވެސް، ޔުނިވަރސިޓީއިން ބޭނުންވެއްޖެ ހިނދެއްގައި މަސައްކަތު ގަޑިއަށް ބަދަލުގެނެވިދާނެއެވެ.

އިތުރު މަޢުލޫމާތު:

މަޢުލޫމާތު ސާފުކުރުމަށް ގުޅާނީ، 3022160 ނަންބަރު ފޯނާއެވެ. އީމެއިލް އަކީ [email protected] އެވެ.

މި މަޤާމަށް ހޮވޭ ކެންޑިޑޭޓަކު ވަޒީފާއަށް ނުކުންނަ ތާރީޚުން ފެށިގެން ފުރަތަމަ 3 މަސްދުވަސް ބެލެވޭނީ، ވަޒީފާގެ ޕްރޮބޭޝަން މުއްދަތުގެ ގޮތުގައެވެ. މި މުއްދަތުގެ ތެރޭގައި މުވައްޒަފުގެ މަސައްކަތުގެ ފެންވަރާއި، މަސައްކަތްތަކުގެ އަޚުލާޤަށް ބަލައި،  އެއްވެސް ނޯޓިހެއް ދިނުމަކާނުލައި، ވަޒީފާގެ އެއްބަސްވުން އުވާލައި، މުވައްޒަފު ވަޒީފާއިން ވަކިކުރުމުގެ އިޚުތިޔާރު ޔުނިވަރސިޓީއަށް ލިބިގެންވެއެވެ.